Wednesday, February 28, 2024
- Advertisement -
- Advertisement -
ዜናየመንግሥትና የግል ሠራተኛ ማኅበራት አመራሮች ረቂቅ የሠራተኛ አዋጁ በድጋሚ እንዲታይ አሳሰቡ

የመንግሥትና የግል ሠራተኛ ማኅበራት አመራሮች ረቂቅ የሠራተኛ አዋጁ በድጋሚ እንዲታይ አሳሰቡ

ቀን:

በሥራ ላይ የሚገኘውን የአሠሪና ሠራተኛ አዋጅ አሻሽሎ በአዲስ ለመተካት በተረቀቀው የሕግ ሰነድ ላይ ባለፈው ሳምንት መጨረሻ     የመከሩት ከመንግሥትና ከግል ድርጅቶች የሠራተኛ ማኅበራት የተወከሉ አመራሮች፣ የተረቀቀው የሕግ ሰነድ የሠራተኞችን መብት የማያስከብርና ዜጎችን ለብዝበዛ የሚዳርግ መሆኑን በመጥቀስ በድጋሚ መንግሥት ትኩረት ሰጥቶ እንዲያየው አሳሰቡ።

የሠራተኛ ማኅበራት አመራሮቹ ይህንን ማሳሰቢያ የሰጡት የኢትዮጵያ ሠራተኛ ማኅበራት ኮንፊደሬሽን (ኢሠማኮ) በጉዳዩ ላይ ለመወያየት ባዘጋጀው መድረክ ላይ ተገኝተው መሆኑን ለማወቅ ተችሏል። ሜክሲኮ አደባባይ አካባቢ በሚገኘው የመብራት ኃይል አዳራሽ በተዘጋጀው መድረክ፣ ከሠራተኛ ማኅበራት ተወካዮች ውጪ ሌሎች አለመጋበዛቸውን፣ እንዲሁም ሚዲያው አለመጋበዙን የሪፖርተር ምንጮች ገልጸዋል።

ረቂቅ የሕግ ሰነዱኢትዮጵያውያን ሠርቶ አዳሪዎችን መብት በመንጠቅ በተለይም የውጭ ተቋማት ባሪያ የሚያደርግ ነው የሚል ስሜት በውይይቱ ወቅት ጎልቶ መውጣቱን፣ በውይይቱ የተሳተፉ የሠራተኛ ተወካዮች ለሪፖርተር ገልጸዋል። ለሁለት ተከታታይ ቀናት ከሥራው ያረፈደ ወይም የቀረ ሠራተኛን ቀጣሪው ማሰናበት እንደሚችል፣ የሙከራ ጊዜ 45 ቀናት ወደ 90 የሥራ ቀናት ከፍ እንዲል በሕግ ሰነዱ ከተካተቱት መካከል ይገኙበታል። በሥራ ላይ ባለው የአሠሪና ሠራተኛ አዋጅ አንድ ዓመት ለሠራ ሠራተኛ 14 የሥራ ቀናት ዕረፍት የሚፈቀድ ሲሆን፣ የዓመት ዕረፍቱም በየዓመቱ አንድ አንድ ቀን እየጨመረ ከፍ እንዲል ይፈቅዳል። ረቂቅ የሕግ ሰነዱ ግን ከአንድ እስከ አምስት ዓመታት ላገለገሉ በየዓመቱ የሚፈቅደው 14 የሥራ ቀናትን ብቻ እንደሆነ ምንጮች ገልጸዋል።

- Advertisement -

Video from Enat Bank Youtube Channel.

የኢሠማኮ ፕሬዚዳንት አቶ ካሳሁን ፎሎ ከጥቂት ሳምንታት በፊት ከሪፖርተር ጋር በነበራቸው ቆይታ፣ ረቂቁ ሕግ በሚኒስትሮች ምክር ቤት እጅ እንደሚገኝና የአዋጁ ይዘት እንደሚያሳስባቸው ገልጸው ነበር፡፡

ይህንን ሥጋት በተመለከተም ከሠራተኛ ማኅበር አመራሮች ጋር ተወያይተው፣ የሠራተኛውን አቋም ለመንግሥት እንደሚያሳውቁ መግለጻቸው ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...