Tuesday, November 29, 2022
ሌሎች ዓምዶች
    - Advertisement -
    - Advertisement -
    ማኅበራዊንግድ ባንክና አዲስ አበባ አስተዳደር የ40/60 ቤቶችን በቅርቡ በዕጣ ለማስተላለፍ ተስማሙ

    ንግድ ባንክና አዲስ አበባ አስተዳደር የ40/60 ቤቶችን በቅርቡ በዕጣ ለማስተላለፍ ተስማሙ

    ቀን:

    መንግሥት እየገነባ በዕጣ ከሚያስተላልፋቸው የጋራ መኖሪያ ቤቶች መካከል ከሚያዝያ ወር 2007 ዓ.ም. ጀምሮ በጉጉት እየተጠበቁ ያሉትን የ40/60 የጋራ መኖሪያ ቤቶች ዕጣ ለማውጣት፣ የኢትዮጵያ ንግድ ባንክና የአዲስ አበባ ቁጠባ ቤቶች ልማት ኢንተርፕራይዝ ስምምነት ላይ መድረሳቸው ታወቀ፡፡

    ያበደረው ገንዘብ ያልተሸራረፈና ጉድለት የሌለበት በመሆኑና ውል ለፈጸሙ ደንበኞቹ የሚያስተላልፋቸው ቤቶችም ጉድለት የሌለባቸው መሆን እንዳለባቸው በመግለጽ ቤቶቹን ሳይረከብ የቆየው የኢትዮጵያ ንግድ ባንክ፣ ሰሞኑን በተለየ ሁኔታ ከአዲስ አበባ ከተማ አስተዳደር ባለሥልጣናትና ከቤቶች ልማት ኃላፊዎች ጋር በተደረጉ ተደጋጋሚ ውይይቶች ቤቶቹን በዕጣ ለማስተላለፍ ስምምነት ላይ መድረሱን የሪፖርተር ምንጮች አረጋግጠዋል፡፡

    የሁለቱ ተቋማት ኃላፊዎች ባደረጓቸው ውይይቶች የተደረሰበት ስምምነት አስተዳደሩ (የአዲስ አበባ ቁጠባ ቤቶች ልማት ኢንተርፕራይዝ) በቤቶቹ ላይ የሚታዩ  ጉድለቶችን ለማሟላት የሚፈራረሙበት መመዝገቢያ ሰነድ (ቼክ ሊስት) እንዲያዘጋጅ፣ የሚገኙ ጉድለቶች እየተመዘገቡ አፋጣኝ የማስተካከያ ዕርምጃ እንዲወሰድ መሆኑንም ምንጮች አስረድተዋል፡፡

    የሁለቱም ተቋማት ተወካዮች ከመጋቢት 27 ቀን 2009 ዓ.ም. ጀምሮ በሁለቱ ሳይቶች ማለትም በክራውንና በሰንጋ ተራ የተገነቡትን 1,292 የጋራ መኖሪያ ቤቶች አንድ በአንድ የማረጋገጥ ሥራ እንደሚጀምሩ፣ ከቁጠባ ቤቶች ልማት ኢንተርፕራይዝ ስማቸው እንዲጠቀስ ያልፈለጉ ኃላፊ አረጋግጠዋል፡፡

    በተዘጋጀው ቼክ ሊስት መሠረት የኢትዮጵያ ንግድ ባንክና ኢንተርፕራይዙ የውስጥ ለውስጥ ርክክብ ሰሞኑን እንደሚያደርጉ፣ ከአንድ ሳምንት ባልበለጠ ጊዜ ውስጥ መቶ በመቶ በመቆጠብ ከ16 ሺሕ በላይ ውል የፈጸሙ ቆጣቢዎችን በዕጣ በማወዳደር የቤት ባለቤት እንዲሆኑ እንደሚደረግም ኃላፊው አክለዋል፡፡

    ሁለቱ የመንግሥት ተቋማት ስላደረጉት ስምምነትና በትክክል ዕጣው የሚወጣበትን ቀን እንዲገልጹ ሪፖርተር የኢትዮጵያ ንግድ ባንክ ኃላፊዎችን በስልክ አግኝቶ ለማነጋገር ቢሞክርም፣ ‹‹ይህ ነገር ለእኛ አዲስ ነው፡፡ ምንም የምናውቀው ነገር የለም፡፡ አጣርተን እንነግራችኋለን፤›› በማለት አስተያየት ከመስጠት ተቆጥበዋል፡፡

    የአዲስ አበባ ከተማ አስተዳደር በአዲስ አበባ ከተማ ያለውን የቤት ችግር ለማቃለል አነስተኛና መካከለኛ ገቢ ላላቸው የ10/90፣ የ20/80 እና የ40/60 የጋራ መኖሪያ ቤቶች ፕሮግራሞችን ይፋ በማድረግ እየገነባ በማስተላለፍ ላይ መሆኑ ይታወቃል፡፡ የ40/60 የጋራ መኖሪያ ቤቶች ፕሮግራም በ2005 ዓ.ም. የተጀመረ ቢሆንም፣ እስካሁን አንድም የተላለፈ ቤት የለም፡፡ ግንባታቸው መጠናቀቁ ከሚገለጸው 1,292 ውጪ ከ39 ሺሕ በላይ የ40/60 የጋራ መኖሪያ ቤቶች እየተገነቡ መሆኑንም አስተዳደሩ ማስታወቁ ይታወሳል፡፡ 

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...