Friday, April 19, 2024
- Advertisement -
- Advertisement -
ስፖርትሞሮኮ የ2018 የአፍሪካ አገሮች ዋንጫ እንድታዘጋጅ ተመረጠች

ሞሮኮ የ2018 የአፍሪካ አገሮች ዋንጫ እንድታዘጋጅ ተመረጠች

ቀን:

  • ‹‹ኢትዮጵያ ያቀረበችው ጥያቄ የለም›› እግር ኳስ ፌዴሬሽን

የአፍሪካ እግር ኳስ ኮንፌዴሬሽን (ካፍ) በ2018 የውድድር ዓመት የሚያከናውነውን የአፍሪካ አገሮች ዋንጫ (ቻን) ሰሜን አፍሪካዊቷ ሞሮኮ እንድታስተናግድ መወሰኑን አስታወቀ፡፡ ካፍ ቀደም ሲል የአስተናጋጅነቱን ዕድል ሰጥቶ የነበረው ለምሥራቅ አፍሪካዊቷ ኬንያ ነበር፡፡ ይሁንና በአገሪቱ የውስጥ ችግርና በመሠረተ ልማት አለመሟላት ምክንያት ዕድሉን ነጥቋት መቆየቱ ይታወሳል፡፡

በኬንያ ምትክ ኢትዮጵያን ጨምሮ ኢኳቶሪያል ጊኒና ሞሮኮ ለካፍ ጥያቄ ያቀረቡ አገሮች እንደነበሩም መዘገቡ አይዘነጋም፡፡ ዓምና በአዲስ አበባ በተደረገው የካፍ ጉባኤ ፕሬዚዳንታዊ ኃላፊነቱን ከዕድሜ ባለፀጋው ካሜሮናዊ ኢሳ ሐያቱ የተረከቡት አህመድ አህመድ ባለፈው ሳምንት በናይጄሪያ ሌጎስ በጠሩት አስቸኳይ የካፍ ስብሰባ ሞሮኮ የአስተናጋጅነት ዕድሉ እንደተሰጣት ገልጸዋል፡፡

የአስተናጋጅነቱ ዕድል ለሞሮኮ ከመሰጠቱ በፊት ኢትዮጵያ ከውድድሩ ራሷን ያገለለች ስለመሆኑ ለዚያም ለአዲሱ የአህመድ አህመድ ካቢኔ የይቅርታ ደብዳቤ ማስገባቷም በአንዳንድ የዜና አውታሮች እየተገለጸ ይገኛል፡፡ የኢትዮጵያ እግር ኳስ ፌዴሬሽን በበኩሉ ኢትዮጵያ በ2018 የሚደረገውን የአፍሪካ አገሮች ዋንጫ ለማስተናገድ ያቀረበችው ጥያቄ እንደሌለ ያስረዳል፡፡

- Advertisement -

Video from Enat Bank Youtube Channel.

ኢትዮጵያ ቀደም ሲል ለካፍ ባቀረበችው ጥያቄ መሠረት በ2020 የሚደረገውን የቻን ዋንጫ ለማስተናገድ ዕድሉን ማግኝቷን ያስታወሱት የፌዴሬሽኑ ጽሕፈት ቤት ኃላፊ እንደ አቶ ወንድምኩን አላዩ፣ የቻን ዋንጫ ለማስተናገድ ፍላጎቱ ካላት በድጋሚ ዕድሉ እንዳላት ካፍ ፍላጎት እንደነበረው አውስተው፣ ከዚህ ባለፈ ግን ኢትዮጵያ ጥያቄ አቅርባ፣ በኋላ ደግሞ ይቅርታ ጠይቃ ከውድድሩ ወጣች የሚባለው ግን ‹‹ውሸት መሆኑን ማረጋገጥ እፈልጋለሁ፤›› ብለዋል፡፡

እንደ ኃላፊው ከሆነ፣ ከዚህ ይልቅ ዓምና ከሸራተን አዲስ ጋር በተፈጠረው አለመግባባት ከአዲስ አበባ ወደ ደቡብ አፍሪካ የተወሰደው የዓለም አቀፍ እግር ኳስ ማኅበር (ፊፋ) የ2018 ዓመታዊ ጉባኤ በአዲስ አበባ እንደሚደረግ ከስምምነት መደረሱን ተናግረዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...