Sunday, January 29, 2023
- ማስታወቂያ -
- ማስታወቂያ -

የመጠቀሚያ ጊዜያቸው ከ18 ወራት በታች የሆኑ የኢንዱስትሪ ኬሚካሎች ወደ አገር እንዳይገቡ ሊከለከል ነው

- ማስታወቂያ -

ተዛማጅ ፅሁፎች

የመጠቀሚያ ጊዜያቸው ቢያንስ ከ18 ወራት በላይ ያልሆኑ የኢንዱስትሪ ኬሚካሎች ወደ አገር እንዳይገቡ በሕግ ሊከለከል ነው፡፡

ይኼንኑ የሚከታተልና ቁጥጥር የሚያደርግ ረቂቅ የሕግ ሰነድ ጥቅምት 2 ቀን 2009 ዓ.ም. ለፓርላማ ቀርቧል፡፡

ረቂቅ የሕግ ሰነዱ የኢንዱስትሪ ኬሚካሎች ምዝገባና አስተዳደር የሚል መጠሪያ የተሰጠው ሲሆን፣ በረቂቁ አንቀጽ ዘጠኝ ሥር የመጠቀሚያ ጊዜያቸው ከ18 ወራት በታች የሆኑ የኢንዱስትሪ ኬሚካሎችን ወደ አገር ውስጥ ማስገባት የተከለከለ መሆኑን ይገልጻል፡፡

ይሁን እንጂ አግባብነት ያለው አካል ልዩ ፈቃድ በመስጠት የመጠቀሚያ ጊዜያቸው ከ18 ወራት በታች የሆነ ኬሚካሎች እንዲገቡ ሊፈቅድ የሚችል መሆኑን ይገልጻል፡፡

አዋጁን ማውጣት ያስፈለገው ወደ አገር የሚገቡ ወይም በአገር ውስጥ የሚመረቱ የኢንዱስትሪ ኬሚካሎች በሰው፣ በእንስሳትና በአካባቢ ደኅንነት ላይ ጉዳት እንዲያደርሱ ሕጋዊ የአሠራር ሥርዓት ለመፍጠር በማስፈለጉ እንደሆነ ረቂቁ ሰነድ ያመለክታል፡፡

በመሆኑም አስመጪዎችና አምራቾች የኢንዱስትሪ ኬሚካሉ የምዝገባ ቁጥር፣ መጠሪያ ስም፣ መጠንና የአገልግሎት ዓይነት መለጠፍ ግዴታቸው መሆኑን አዋጁ ያስረዳል፡፡

ኬሚካሎቹን የሚያጓጉዘው ተሽከርካሪ የድንገተኛ አደጋ መከላከያ መዳረሻዎችን ያሟላ መሆን እንዳለበት፣ ማንኛውም የኢንዱስትሪ ኬሚካል ማከማቻ የሕንፃ ዲዛይንኑ፣ ግንባታና አደረጃጀት በሰውና በአካባቢ ላይ አደጋ እንዳያስከትል የተገነባ መሆን እንዳለበት ያስቀምጣል፡፡

የደረቅ ወደቦችና ኤርፖርቶች ጊዜያዊ የኢንዱስትሪ ኬሚካሎች ማቆያ ወይም ማከማቻ የሚሆን የተለየ ሥፍራ ማዘጋጀት እንዳለባቸው ተቀምጧል፡፡ ይኼንን ድንጋጌ በሚተላለፍ ላይ እስከ አምስት ዓመት ጽኑ እስራት፣ እንደ ጉዳቱ መጠን እስከ 500 ሺሕ ብር እንደሚያስቀጣ በረቂቁ ተቀምጧል፡፡

ረቂቁ ለዝርዝር ዕይታ ለኢንዱስትሪ ጉዳዮች ቋሚ ኮሚቴ ተመርቷል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች