Thursday, June 20, 2024
- Advertisement -
- Advertisement -

ማኅበራዊየቋሚ ንብረት ምዝገባና የመረጃ ሥርዓት ወደ ዲጅታል መቀየር የሚያስችለው ጨረታ ለሦስተኛ ጊዜ...

የቋሚ ንብረት ምዝገባና የመረጃ ሥርዓት ወደ ዲጅታል መቀየር የሚያስችለው ጨረታ ለሦስተኛ ጊዜ ወጣ

ቀን:

በዳዊት እንደሻው

የመንግሥት ግዢዎችና ንብረት ማስወገድ አገልግሎት አገሪቷ ያላትን የቋሚ ንብረት ምዝገባና የመረጃ ሥርዓት ከተለመደው የወረቀት ሥራ ወደ ዲጅታል ለመቀየር የሚያስችላትን ሥርዓት ለመዘርጋት የሚያስችላትን ግዢ ለሦስተኛ ጊዜ ሊያከናውን ነው፡፡

አገልግሎቱ በወጣው ዓለም አቀፍ ጨረታ መሠረት ዘጠኝ የሚሆኑ ዓለም አቀፍ መረጃና ቴክኖሎጂ ላይ የተሰማሩ ኩባንያዎች ፍላጎታቸውን ገልጸዋል፡፡

- Advertisement -

ከሦስት ዓመት ጀምሮ ለሁለት ግዜ የወጣው ጨረታ ላይ ፊንማፕ የተባለ የፊንላንድ ኩባንያ በሁለቱም ዙር ብቸኛ ተጫራች የነበረ ሲሆን ለማሸነፍም ጫፍ ደርሶ ነበር፡፡ ነገር ግን በሁለቱም ጨረታዎች ተሰርዟል፡፡

በሁለቱም ዙር ድርጅቱ ያቀረበውን ዋጋ ተመሳሳይ የማወዳደሪያ የገበያ ዋጋ ባለማግኘቱ ውጤቱን ሳይቀበለው እንደቀረ ማስታወቁ ይታወሳል፡፡ ከዚህም ጋር በተያያዘ የፊንላንዱ ኩባንያ ቅሬታውን ለመንግሥት ግዥዎችና ንብረት አስተዳዳር ኤጀንሲ አቅርቦ የነበረ ቢሆንም፣ ቅሬታው ተቀባይነት ሳያገኝ ቀርቷል፡፡ በዚህም ምክንያት አገልግሎቱ ጨረታውን ለሦስተኛ ጊዜ ሊያወጣው ችሏል፡፡

ኤጀንሲው የፊንላንዱ ኩባንያ ቅሬታውን ውድቅ ባደረገበት ወቅት ከአሁን በኋላ ለሚወጣው ጨረታ አገልግሎቱ ተመሳሳይ የማወዳደሪያ ዋጋ ሳያዘጋጅ እንዳያወጣ ምክሩን ለግሶ ነበር፡፡

አሁን ባወጣው ጨረታ ስመጥር የሆኑ በዘርፉ የታወቁ ኩባንያዎች ፍላጎታቸውን ገልጸዋል፡፡ ከእነዚህም ውስጥ ላንድ ኢኩይቲ ኢንተርናሽናል፣ ኒራስ እንዲሁም ጂአይዜድ የተባሉ ድርጅቶች ይገኙበታል፡፡ በዚህ ጨረታ ፊንማፕ ከመሳተፍ ራሱን አግሏል፡፡ ከአሁን ቀደም በወጣው ሁለተኛ ጨረታ ፊንማፕ 332 ሚሊዮን ብር አቅርቦ እንደነበር ይታወሳል፡፡

አገሪቷ የቋሚ ንብረት ምዝገባና የመረጃ ሥርዓት ወደ ዲጅታል ለመቀየር የሚያስችላትን ሥርዓት በ23 የኢትዮጵያ ከተሞች ይተገበራል ተብሎ ይጠበቃል፡፡ በ2006 ዓ.ም. የተጀመረው ፕሮጀክት በሁለት ዓመት ውስጥ ይጠናቀቃል ተብሎ ቢጠበቅም፣ በነበረው የጨረታ መዘግየት ሳይሳካ ቀርቷል፡፡

ከአሁን ቀደም ፕሮጀክቱ በሙከራ ደረጃ በመቐለ፣ በድሬዳዋ እንዲሁም በባህር ዳር  እንዲተገበር የተደረገ ሲሆን፣ የሙከራ ፕሮጀክቱን ፊንማፕ ከአገር ውስጥ ወኪሉ አፍሪኮም ቴክኖሎጂስ ከተባላ አገር በቀል የግል ኩባንያ ጋር አከናውኗል፡፡

ፕሮጀክቱ ሲጠናቀቅ ለንብረት አስተዳደርና ለግብር አከፋፈል ሥርዓት ጥቅሙ የጎላ ነው ተብሏል፡፡

የተወዳደሩት ዘጠኙም ድርጅቶች የቴክኒክና የፋይናንስ መረጃቸውን አቅርበዋል፡፡ አገልግሎቱ የቴክኒክ ሰነዶቹን ለመገምገም እንዲያስችለው ባለሙያዎችን ጠይቋል፡፡ ለፋይናንስ ግምገማ የሚያልፉ ተጫራቾች ከአንድ በላይ ከሆኑ የገበያ ማወዳደሪያ ሳያስፈልገው፣ ተጫራቾች በሚያቀርቡት ዋጋ አወዳድሮ መምረጥ እንደሚቻል የሪፖርተር ምንጮች ገልጸዋል፡፡

 

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...