Tuesday, March 5, 2024
- Advertisement -
- Advertisement -
ዜናመንግሥት በየዓመቱ ለሠራተኞች የደመወዝ እርከን ማሻሻያ ለማድረግ አቅም የለኝም አለ

መንግሥት በየዓመቱ ለሠራተኞች የደመወዝ እርከን ማሻሻያ ለማድረግ አቅም የለኝም አለ

ቀን:

  • ሠራተኞች የጳጉሜን ወር ክፍያ እንዲያገኙ የቀረበው ጥያቄም ተገቢነት የለውም ብሏል

የፌዴራል መንግሥት ሠራተኞች በየዓመቱ የደመወዝ እርከን እንዲያገኙ በሕግ እንዲወሰን የቀረበውን ጥያቄ ተግባራዊ ለማድረግ፣ የአገሪቱም ሆነ የመንግሥት አቅም እንደማይፈቅድ የፐብሊክ ሰርቪስና የሰው ሀብት ልማት ሚኒስቴር አስታወቀ፡፡

የሚኒስቴሩ ከፍተኛ አመራሮች ሰኞ ጥቅምት 20 ቀን 2010 ዓ.ም. በሕዝብ ተወካዮች ምክር ቤት የሰው ልማትና መልካም አስተዳደር ጉዳዮች ቋሚ ኮሚቴ ለምክር ቤቱ በቀረበው፣ የፌዴራል መንግሥት ሠራተኞች ረቂቅ አዋጅ ላይ ማብራሪያ በሰጡበት ወቅት ነው መንግሥት በየዓመቱ የደመወዝ እርከን ማሻሻያ ለማድረግ አቅም እንደሌለው የተናገሩት፡፡

ቋሚ ኮሚቴው ረቂቅ አዋጁን በተመለከተ ዝርዝር ምልከታ በማድረግ ላይ ነው፡፡ ረቂቁን ያመነጨው የፐብሊክ ሰርቪስና የሰው ሀብት ልማት ሚኒስቴር፣ ሚኒስትሮችንና ከፍተኛ አመራሮችን በመጥራት ውይይት አካሂዷል፡፡

- Advertisement -

Video from Enat Bank Youtube Channel.

በረቂቅ የሕግ ሰነዱ ላይ የፌዴራል መንግሥት ሠራተኞች በየሁለት ዓመቱ የደመወዝ እርከን ማሻሻያ የሚደረግላቸው እንደሚሆን ተጠቅሷል፡፡ ቋሚ ኮሚቴው ግን የደመወዝ እርከን ማሻሻያው በየዓመቱ ለምን አልሆነም? ይህ ካልሆነ የኑሮ ውድነት ጫናውን ሠራተኛው እንዴት መቋቋም ይችላል? በማለት ጥያቄዎች አቅርቧል፡፡ የሕግ ሰነዱ የተረቀቀበት ምክንያት በመንግሥት ተቋማት ውስጥ ለውጥ ለማምጣት መሆኑን የጠቀሰው ቋሚ ኮሚቴው፣ ይህም በሥራ ምዘና ላይ ለውጥ የሚያመጣ እስከሆነ ድረስ ምዘናው በየዓመቱ ለምን አይካሄድም? ሲልም ጠይቋል፡፡

በጉዳዩ ላይ ምላሽ የሰጡት የሚኒስቴሩ የሕግ አገልግሎት ዳይሬክተር አቶ ደረጀ ተግይበሉ፣ ‹‹በአሁኑ ወቅት የደመወዝ እርከን ማሻሻያ በየዓመቱ ለማድረግ የመንግሥት አቅም አይፈቅደም፤›› ብለዋል፡፡

‹‹የመንግሥት ሠራተኛው ጳጉሜን ተከፋይ ሊሆን ይገባል፡፡ ካለው የኑሮ ውድነት አኳያ ለምን በነፃ ይሠራል?›› በማለት የማብራሪያ ጥያቄም ቀርቧል፡፡ ለቀረበው ጥያቄ ምላሽ የሰጡት አቶ ደረጀ፣ በአገሪቱ አሠራር መሠረት የበጀት ዓመቱ 12 ወራት እንደሆኑና ጳጉሜን እንደ ወር አይቆጠርም ብለዋል፡፡ የመንግሥት ሠራተኞች የወር ተከፋይ በመሆናቸውም ሊስተናገዱ የሚችሉት ባሉት 12 ወራት መሆኑን ጠቁመዋል፡፡ በሌላውም የዓለም ክፍል ቢሆን ቀናት በተለያዩ ወራት ቢካተቱም 12 ወራት ብቻ እንደሚታወቁ አክለዋል፡፡

ረቂቅ አዋጁ በአገር አቀፍ ደረጃ አንድ ወጥ የሥራ ምዘናና ለተመሳሳይ የሥራ መደብ እኩል ደመወዝ እንዲከፈል የሚያደርግ ነው፡፡ ከዚህ በተጨማሪም በፌዴራል የመንግሥት ተቋማት የብሔር ተዋጽኦን ለማመጣጠን ያለመ መሆኑን መዘገባችን ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...