Sunday, February 5, 2023
- Advertisment -
- Advertisment -

ክቡር ሚኒስትር

[ክቡር ሚኒስትር ሰሞኑን የአፍሪካ ኅብረት ስብሰባ ስለነበር ወደ ቤት የሚገቡት እያመሹ ነው፡፡ በተደጋጋሚ በማምሸታቸውም ባለቤታቸው ደስ አላላቸውም፡፡ እንደለመዱት አምሽተው ሲገቡ ባለቤታቸው ሳይተኙ ጠበቋቸው]

  • የት ነበርክ?
  • ማለት?
  • የተጠየቅከውን ብቻ መልስ፡፡
  • ምን እያልሽ ነው ሴትዮ?
  • የት ነው ያመሸኸው?
  • ሥራ ላይ ነበርኩ፡፡
  • የምን ሥራ ነው እስከ እኩለ ሌሊት?
  • ስብሰባ እንዳለ ታውቂያለሽ አይደል?
  • እስከዚህ ሰዓት ግን ስብሰባ የለም፡፡
  • እሱማ የለም፡፡
  • እኮ ታዲያ የት አመሸህ?
  • እንግዶቹን ይዘን ዞር ዞር ማለት አለብን፡፡
  • የምን እንግዳ?
  • ከአፍሪካ አገሮች የመጡትን መሪዎች ነዋ፡፡
  • ታዲያ ይኼ ያንተ ሥራ ነው?
  • ለእኔም አስቢልኝ እስቲ?
  • ምንድነው የማስብልህ?
  • እኔም እኮ ትንሽ መዝናናት ያምረኛል፡፡
  • እኔስ አያምረኝም?
  • አንቺማ ሁሌም እንደተዝናናሽ ነው፡፡
  • እኮ እኔና አንተ ለምን አብረን አንዝናናም?
  • ማለት?
  • ስታመሽ ለምን አትጠራኝም?
  • ማን? አንቺን?
  • አዎና፡፡
  • መሪዎች እኮ ናቸው፡፡
  • ቢሆኑስ?
  • መዝናናት እኮ ስልሽ ዝም ብሎ መዝናናት አይደለም፡፡
  • ታዲያ ምንድነው?
  • የሥራ መዝናናት ነው፡፡
  • ምን ማለት ነው?
  • እየሠራሽ በዚያው ትዝናኚያለሽ፡፡
  • እኮ እንዴት?
  • ያው አገሪቷን መሸጥ አለብን፡፡
  • ቀን ለምን አትሸጧትም?
  • ቀን ለሕዝቡ እንሸጣለን፣ ማታ ደግሞ ለመሪዎቹ፡፡
  • አሁን እኔ ልሙት ምንድነው የምትሸጡት?
  • በቃ የሚሠራውን ሥራ እናሳያቸዋለን፡፡
  • ድንቄም ሥራ፡፡
  • ምን አልሽ አንቺ?
  • ለመሆኑ ምን እየሠራችሁ ነው?
  • ስንት ነገር አለ?
  • እኮ ምን?
  • ባቡር፣ ግድብ፣ መንገድ ኧረ ስንቱ?
  • አልቀረብህም፡፡
  • እንዴት?
  • አሁን አገር ለመሸጥ ማምሸት ምን ያስፈልጋል ነው የእኔ ጥያቄ፡፡
  • እሱማ ቀንም እንሸጣለን፡፡
  • ከአሁን በኋላ ይኼ ማምሸት አይፈቀድም፡፡
  • አገሪቷ አትሸጥ ነው የምትይኝ?
  • አገሪቷም ትሸጥ፡፡
  • ታዲያ ሳላመሽ እንዴት እሸጣለሁ?
  • ቀን ሽጣት፡፡
  • ይሻላል?
  • አዎን፡፡
  • ማታስ?
  • ማታ ቀን ስለሸጥከው ለእኔ ታጫውተኛለህ፡፡
  • እሺ፡፡
  • በል አሁን እንተኛ፡፡
  • እሺ ደህና እደሪ፡፡

[ክቡር ሚኒስትሩ በጠዋት ቢሮአቸው ሲገቡ አማካሪያቸውን አገኙትና ቢሮ ገብተው ማውራት ጀመሩ] 

  • ምነው ክቡር ሚኒስትር?
  • ምን ሆንክ?
  • አይ ዓይንዎት ቀልቷል፡፡
  • ማታ አምሽቼ ነው፡፡
  • አመመዎት እንዴ?
  • ኧረ በፍጹም ትንሽ የእንቅልፍ ማነስ ነው፡፡
  • ስብሰባ ነበር እንዴ?
  • ስብሰባ እንኳን አልነበረም፡፡
  • እንዴት አመሹ? ብዬ ነው፡፡
  • ያው እንግዶቹን ይዘን ወዲህ ወዲያ ስንል ነው፡፡
  • ኦ…. ትንሽ ወሳሰዱ?
  • መቼ ይቀራል ብለህ ነው?
  • አሁን ገባኝ፡፡
  • ምን አዲስ ነገር አለ?
  • ስለምን?
  • ስለፖለቲካው ነዋ፡፡
  • ኧረ ብዙ ነገር አለ፡፡
  • እና ምን ተባለ ደግሞ?
  • ሰው ደስተኛ አይደለም፡፡
  • በምኑ?
  • በምርጫ ቦርድ ውሳኔ፡፡
  • ለምንድነው ደስተኛ ያልሆነው?
  • ውሳኔው ክፍተት አለበት እየተባለ ነው፡፡
  • እኮ የምን ክፍተት?
  • በርካታ ሊመለሱ የሚገባቸው ጥያቄዎች አሉ፡፡
  • እሱ የቦርዱ ሥራ ነው፡፡
  • አውቃለሁ ግን…
  • የምን ግን ነው?
  • የፖለቲካው ምኅዳር እኮ እየጠበበ ነው፡፡
  • ቢጠብ ታዲያ ምን ችግር አለው?
  • እንዴት ክቡር ሚኒስትር?
  • አሁን እንዲያውም ፋሽኑ ጠበብ ያለ ነገር ነው፡፡
  • እ…
  • ምንድነው እ… የምትለው?
  • ይኼ እኮ ከእኛ ዓላማ ጋ ይቃረናል፡፡
  • እንዴት ነው የሚቃረነው?
  • ሁሌም ቢሆን የፖለቲካው ምኅዳር ይስፋ ነው እኮ የምንለው?
  • አሁንም ቢሆን እኮ ሰፊ ነው፡፡
  • እኮ እንዴት?
  • ወረቀት ላይ ከሰፋ ይበቃል፡፡
  • እ…
  • በተግባር ግን መጥበብ አለበት፡፡
  • አልገባኝም፡፡
  • ሰው ሰፊ ነገር እንዳይሰለቸው ነው፡፡
  • ለምን ይሰለቸዋል?
  • ያው ምርጫ ቦርድም ሆደ ሰፊ ነኝ ይላል፣ እኛም የፖለቲካ ምኅዳሩ ሰፊ ይሁን እንላለን፣ ስለዚህ ሰው ሰፊ ነገር እንዳይበዛበት ነው፡፡
  • እየቀለዱ ነው ክቡር ሚኒስትር?
  • እውነቴን ነው እንጂ፡፡
  • ኧረ ክቡር ሚኒስትር እየተተቸን ነው እኮ፡፡
  • ማነው የሚተቸን?
  • ሕዝቡ ነዋ፡፡
  • ምን ብሎ?
  • እንዲያውም ምን እንደተባለ ያውቃሉ?
  • ምን ተባለ?
  • ቦርዱ ለፖለቲካ ፓርቲዎቹ ዕውቅና የሰጠው በጨረታ ይመስላል ሲባል ሰምቼያለሁ፡፡
  • እንዴት በጨረታ?
  • በቃ በርካታ ጥያቄዎች ሳይመለሱ ያን ውሳኔ መስጠቱ ነው እንደዚያ ያስባለው፡፡
  • እሱን ቦርዱ ራሱ ይመልስ፤ እኛ አያገባንም፡፡
  • እንደዚያማ ማለት አንችልም፡፡
  • ለምን አንችልም?
  • በአገሪቷ ውስጥ የፖለቲካ ምኅዳሩ እንዲሰፋ እኛ ትልቁም ሚና መጫወት አለብን፡፡
  • እሱንማ አውቃለሁ፡፡
  • ደግሞ ለሕዝቡም ማሰብ አለብን፡፡
  • እኔም እኮ የምልህ ይኼንን ነው፡፡
  • እንዴት?
  • ለሕዝቡ የሚበጀውን ፓርቲ እናውቃለን፡፡
  • እ…
  • ማን ለአገር እንደሚሠራ? ማን እንደሚጠቅም? እናውቃለን፡፡
  • አልገባኝም ክቡር ሚኒስትር?
  • ለአገር ለሚጠቅሙት ነው የተፈረደው፡፡
  • እኛን ማነው ፈራጅ ያደረገን?
  • ለሕዝቡ የሚጠቅመውን እናውቃለን እያልኩህ?
  • ቢሆንም እኛ ሥልጣን የለንም፡፡
  • የምን ሥልጣን?
  • የመፍረድ ነዋ፡፡
  • ለምን?
  • እኛው ዳኛ፣ እኛው ከሳሽ፣ እኛው ተከሳሽ፣ እኛው ፈራጅ መሆን እንዴት እንችላለን?
  • ታዲያ ምን ይደረግ?
  • ሕዝቡ ነዋ መፍረድ ያለበት፡፡
  • ለሕዝቡ የሚጠቅመውንማ እኛ እናውቃለን፡፡
  • እ…
  • የምን እ… ነው?
  • ይቅርታ ክቡር ሚኒስትር፡፡
  • ያልተጠየከውን አትቀባጥር፡፡
  • እኔ እኮ አንድ ነገር አልገባ ብሎኝ ነው፡፡
  • ምንድነው ያልገባህ?
  • ከፊታችን እኮ ምርጫ አለ፡፡
  • ቢኖርስ?
  • ለምን ይካሄዳል?
  • ምን እያልክ ነው?
  • በቃ አያስፈልግማ፡፡
  • የሕዝቡ ብቸኛ መሣሪያ እኮ ምርጫ ነው፡፡
  • እሱንማ አውቃለሁ፡፡
  • የገነባነው ዴሞክራሲ ይፍረስ እያልክ ነው?
  • ኧረ በፍጹም፡፡
  • ታዲያ ምርጫ እንዴት ይቅር ትላለህ?
  • ለሕዝቡ እኛ ካወቅንለት ምን ያደርጋል?
  • ምኑ?
  • ምርጫው ነዋ፡፡
  • ቢሆንም ያስፈልጋል፡፡
  • እሱንማ አውቃለሁ፡፡
  • ካወቅህ ለምን ትጠይቃለህ?
  • ግራ ገብቶኝ፡፡
  • ግራ አይግባህ፡፡
  • ወይ የፓርቲ ስማችን ይቀየራ?
  • ምን ተብሎ?
  • እኛው ለእኛው!

በብዛት የተነበቡ ፅሁፎች

ከውጭ ይገቡ የነበሩ 38 ዓይነት ምርቶች እንዳይገቡ ዕግድ ተጣለ

የኢትዮጵያ ብሔራዊ ባንክ 38 ከውጪ የሚገቡ ምርቶች ላይ ዕገዳ...

መንበሩ ካለመወረሱ በስተቀር መፈንቅለ ሲኖዶስ መደረጉን ቤተ ክህነት አስታወቀ

ቅዱስ ሲኖዶስ ከነገ ጀምሮ ውይይት እንደሚጀምር ተነገረ ‹‹እኛ ወታደርም ሆነ...

አሜሪካ ሕወሓትን በማሳመንና በመጫን በሰላም ሒደቱ ትልቅ ሚና መጫወቷን የኢትዮጵያ ዋና ተደራዳሪ አስታወቁ

የተመድና የአውሮፓ ኅብረት አበርክቶ አሉታዊ እንደነበር ጠቁመዋል በመንግሥትና በሕወሓት መካከል...

የአየር መንገድ ተጓዦች በሻንጣ የሚያስገቡትን የልብስና የጫማ ብዛት የሚገድብ ረቂቅ መመርያ ተዘጋጀ

ከቀረጥ ነፃ ይገቡ የነበሩ ዕቃዎች 87 በመቶ እንዲቀንሱ ተደርጓል መንገደኞች...
- Advertisment -

ትኩስ ፅሁፎች

በጦርነቱ የወደሙ ትምህርት ቤቶችን መልሶ የመገንባቱ ውጥን

በኢትዮጵያ በሰሜኑ ክፍል በሦስት ዙር ተካሄዶ በነበረው ጦርነት ምክንያት...

በርካታ ሰዎችን እያጠቁ የሚገኙት የሐሩራማ አካባቢ በሽታዎች

ትኩረት የሚሹ የትሮፒካል /ሐሩራማ በሽታዎች በአብዛኛው ተላላፊ ሲሆኑ፣ በዓይን...

ስለአገር ኢኮኖሚ ማሰብ የነበረባቸው ጭንቅላቶች በማያባሩ ግጭቶች ተነጥቀዋል!

አገራችን ኢትዮጵያ ውጪያዊና ውስጣዊ ፈተናዎቿ መብዛት ብዙ ዋጋ እያስከፈላት...

ግመሎቹና ሰውዬው

በአንድ ትንሽ መንደር ውስጥ የሚኖር አንድ ሰው ነበር። ታዲያ...
spot_img

ተዛማጅ ፅሁፎች

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን ምን እንደሆነ በይፋ በመናገራችን ተዋናዮቹ ራሳቸውን ለመከላከል በየቦታው ግጭት እየቀሰቀሱብን ነው። ታዲያ ምንድነው ማድረግ የሚሻለን ትላለህ? ከእርሶ...

[ክቡር ሚኒስትሩ ወደ ቢሯቸው እንደገቡ የፖለቲካ አማካሪያቸው ስለ ሰሜኑ ግጭት የሰላም ስምምነት አተገባበር ማብራሪያ ለመጠየቅ ገባ]

ክቡር ሚኒስትር ጥሰውታል? እንዴ? እስኪ ተረጋጋ ምንድነው? መጀመርያ ሰላምታ አይቀድምም? ይቅርታ ክቡር ሚኒስትር፡፡ ምን ገጥሞህ ነው? ስምምነቱን ጥሰውታል ክቡር ሚኒስትር? ኧረ ተውው ተረጋጋ፡፡ እሺ ክቡር ሚኒስትር ይቅርታ... ደንቆኝ እኮ ነው። ስምምነቱን...

[ክቡር ሚኒስትሩ ለከተማ አስተዳደሩ እንድ ሹም በቢሮ ስልካቸው ላይ ደጋግመው ቢደውሉም ሊያገኟቸው ስላልቻሉ ወደ እጅ ስልካቸው ሞከሩ] 

ጤና ይስልጥልኝ ክቡር ሚኒስትር? ትላንት የቢሮ ስልክዎ ላይ ብደውል ለሥራ ወጥተዋል ተባልኩ፣ ዛሬም ስደውል ለሥራ ወጥተዋል ተባልኩ። ልክ ነው ክቡር ሚኒስትር ቢሮ አልገባሁም ነበር። እኔ ሳላውቅ የጀመሩት...