Wednesday, February 1, 2023
- Advertisement -
- Advertisement -
ዜናየእንግሊዝ ፓርላማ ልዑካን አንዳርጋቸው ጽጌን ለመጐብኘት ያቀረቡት ጥያቄ ውድቅ ተደረገ

የእንግሊዝ ፓርላማ ልዑካን አንዳርጋቸው ጽጌን ለመጐብኘት ያቀረቡት ጥያቄ ውድቅ ተደረገ

ቀን:

የግንቦት ሰባት ድርጅት ዋና ጸሐፊ የነበሩትና የመን ለኢትዮጵያ አሳልፋ የሰጠቻቸውን አቶ አንዳርጋቸው ጽጌን ለመጐብኘት ለኢትዮጵያ መንግሥት ጥያቄ ያቀረቡት የእንግሊዝ የፓርላማ ልዑካን፣ ጥያቄያቸው ውድቅ መደረጉ ተሰማ፡፡

አቶ አንዳርጋቸው በእንግሊዝ ይኖሩበት በነበረው አካባቢ የምርጫ ክልል ውስጥ ነዋሪ በሆኑት ሚስተር ጀርሜይ ኮርቢይን የሚመራው የእንግሊዝ ፓርላማ ልዑክ፣ በእንግሊዝ የኢትዮጵያ አምባሳደር ብርሃኑ ከበደን ባለፈው ሳምንት አግኝተው ካነጋገሯቸው በኋላ፣ ጉብኝቱ እንደማይፈቀድላቸው ማወቃቸውን የውጭ መገናኛ ብዙኃን ዘግበዋል፡፡

ልዑኩ በዚህ ሳምንት ወደ ኢትዮጵያ መጥቶ ለመወያየት አቅዶ የነበረ ቢሆንም፣ ወደ ኢትዮጵያ ለመግባት እንዳልተፈቀደላቸው ሚስተር ኮርቢይን ለሚዲያዎቹ ተናግረዋል፡፡ የኢትዮጵያ መንግሥት የአቶ አንዳርጋቸው ጠበቃ ሚስተር ክሊቭ ስታፎርድ ስሚዝ አቶ አንዳርጋቸውን መጠየቅ እንደሚችሉና እሳቸውን በሚመለከት የፈለጉትን ጥያቄ ማንሳት ወይም ከሚመለከታቸው የመንግሥት አካላት ጋር መነጋገር እንደሚችሉ ፈቅዶ እንደነበር አክለዋል፡፡ ልዑኩ ባለፈው ወር አቶ አንዳርጋቸውን ለመጠየቅ ለኢትዮጵያ መንግሥት ጥያቄ ማቅረቡ መዘገቡ ይታወሳል፡፡

የእንግሊዝ ዜግነት ያላቸው የግንቦት ሰባት ድርጅት ዋና ጸሐፊ የነበሩት አቶ አንዳርጋቸው፣ በኢትዮጵያ መንግሥት በአሸባሪነት ክስ ተመሥርቶባቸው በሌሉበት ከስድስት ዓመታት በፊት በሞት እንዲቀጡ እንደተወሰነባቸው አይዘነጋም፡፡ አቶ አንዳርጋቸው በሰኔ ወር 2006 ዓ.ም. አጋማሽ ከዱባይ ወደ ኤርትራ በመጓዝ ላይ እያሉ፣ የተሳፈሩበት አውሮፕላን የመን ዋና ከተማ ሰነዓ አውሮፕላን ማረፊያ ሲያርፍ፣ በየመን በፀጥታ ኃይሎች በቁጥጥር ሥር ውለው ሐምሌ 1 ቀን 2006 ዓ.ም. ለኢትዮጵያ ተላልፈው መሰጠታቸው ይታወሳል፡፡     

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን...

የ12ኛ ክፍል የብሔራዊ ፈተና ውጤትና እንደምታው

የተባበሩት መንግሥታት ድርጅት የትምህርት፣ የሳይንስና የባህል ድርጅት (UNESCO) የትምህርትን...

ንግድ ባንክ ከቪዛና ማስተር ካርድ ጋር ተደራድሮ ያስጀመረው የገንዘብ ማስተላለፊያ ቴክኖሎጂና ፋይዳው

ከውጭ ወደ አገር በሕጋዊ መንገድ የሚላክ ገንዘብ (ሬሚታንስ) መጠን...

ይኼ አመላችን የት ያደርሰን ይሆን?

እነሆ ከፒያሳ ወደ ካዛንቺስ። ‹‹አዳም ሆይ በግንባር ወዝ ትበላለህ››...