Sunday, November 27, 2022
ሌሎች ዓምዶች
    - Advertisement -
    - Advertisement -
    ማኅበራዊአዳማ ጄኔራል ሆስፒታል የጥራት ማረጋገጫ ሰርተፊኬት አገኘ

    አዳማ ጄኔራል ሆስፒታል የጥራት ማረጋገጫ ሰርተፊኬት አገኘ

    ቀን:

    የአዳማ ጄኔራል ሆስፒታልና ሜዲካል ኮሌጅ ላቦራቶሪ ከኢትዮጵያ ብሔራዊ አክሪዲቴሽን ቢሮ የጥራትና የብቃት ማረጋገጫ ሰርተፊኬት (ISO15189) ቅዳሜ ጥር 30 ቀን 2007 ዓ.ም. ተቀበለ፡፡ የጥራት ማረጋገጫውን ያገኘው በአራት የላቦራቶሪ ሕክምና ዘርፎች  በክሊኒካል ኬሚስትሪ፣ በሂማቶሎጂ ላቦራቶሪ፣ በኢንዶ በክሮኖሎጂና በሴሊዎሎጂ ላቦራቶሪ  ነው፡፡

    የሆስፒታሉ ዋና ሥራ አስኪያጅ አቶ ካቢር ሁሴን እንደገለጹት፣ የሆስፒታሉ ራዕይ በአቅም ማነስ ምክንያት ወደ ውጭ ሄደው መታከም ለማይችሉ ዜጐች ሕክምና ሊያገኙ የሚችሉበትን መንገድ በሀገር ውስጥ ማመቻቸት፣ ለሕክምና የሚወጣውን የውጭ ምንዛሪ በሀገር ውስጥ ማስቀረትና እንዲሁም እንደ ጂቡቲ፣ ሶማሊያና ለመሳሰሉት ጐረቤት አገሮች ዜጐች በሜዲካል ቱሪዝም ወደ ሀገር ውስጥ ገብተው ሕክምና የሚያኙበትን መንገድ ማመቻቸት ነው፡፡

    ‹‹ይህንንም ራዕይ ለማሳካት በዛሬው ዕለት የላቦራቶሪ ክፍላችን ጥራቱን የጠበቀ አገልግሎቱም ተአማኒ መሆኑ ተረጋግጦ የተሰጠን ሰርተፊኬት በእጅጉ ያግዘናል፤›› በማለት ከኢትዮጵያ ብሔራዊ አክሬዲቴሽን ቢሮ ያገኙት የጥራት ማረጋገጫ የበለጠ እንዲሠሩና ለኅብረተሰቡ የተሻለ የጤና አገልግሎት እንዲሰጡ እንደሚያደርግ ተናግረዋል፡፡ ‹‹ለተጨማሪ ኃላፊነት ዝግጁ ሆነን እንድንገኝ አቅጣጫ የሚጠቁም የቃል ኪዳን ማረጋገጫ ማኅተም ነው፤›› ብለዋል፡፡

    የኢትዮጵያ ብሔራዊ አክሬዲቴሽን ቢሮ ዋና ዳይሬክተር አቶ አርአያ ፍሥሐ ሆስፒታሉ ያገኘው የጥራትና የብቃት ማረጋገጫ ሰርተፊኬት ባስመዘገበው አበረታች ሥራ መሆኑን ጠቅሰው የሚሰጠው ጥቅምም ከፍተኛ በመሆኑ በአግባቡ ሊጠቀሙ ይገባል ብለዋል፡፡ ቢሮው የሰጣቸው ዋስትና ዘላቂነት የሚኖረው በቀጣይ በሚያሳዩት ጥራት ያለው አሠራር መሆኑን በመጥቀስ በተወሰኑ ጊዜያት የሚደረጉ የቅኝት ሥራዎች ስለሚጠብቃቸው ኃላፊነታቸውን በሚገባ በመወጣት ቁርጠኝነታቸውን ማሳየት እንዳለባቸው አሳስበዋል፡፡

    አቶ ካቢር እንዳሉት፣ ሆስፒታሉ ማኅበራዊ ግዴታዎችን በመወጣት ረገድ አበረታች ሥራዎችን በመሥራት ላይ ይገኛል፡፡ በዓይን ሕክምና ዘርፍ በአፋርና በአማራ ክልሎች እንዲሁም በተለያዩ የኦሮሚያ ዞኖች ነፃ የዓይን ሕክምና እየሰጠ ይገኛል፡፡ በአዳማ ለሚገኙ ወላጅ አልባ ሕፃናት በቋሚነት የሚሰጥ የሕክምና አገልገሎት፣ ከአዳማ ከተማ ስኳር ሕሙማን ማኅበር በየወሩ ለሚላኩ አሥር አቅመ ደካማ ሕሙማን ነፃ የሕክምና አገልግሎት በመስጠት ላይ ይገኛል፡፡ በተጨማሪም በዓመት እስከ አራት ጊዜ ድረስ ከአሜሪካና ከአውሮፓ ከፍተኛ የሕክምና ሙያተኞችን በማምጣት ለኅብረተሰቡ በነፃና በተመጣጣኝ ዋጋ በአገር ውስጥ በቀላሉ የማይሠሩ የሕክምና አገልገሎቶች ተደራሽ እንዲሆኑ ሲያደርግ ቆይቷል፡፡   

    በዝግጅቱ ላይ እንደተገለጸው፣ ከ1.3 ቢሊዮን ብር በላይ በሆነ ወጪ በ88 ሺሕ ካሬ ሜትር ስፋት ላይ የተገነባው ሆስፒታል አገልግሎት በጀመረ በሦስት ዓመታት ውስጥ ከ100,000 በላይ ለሚሆኑ ታካሚዎች ግልጋሎት ሰጥቷል፡፡ ሆስፒታሉ የራሱ ኦክስጅን ማምረቻ ክፍል ያለው ሲሆን፣ በአገሪቱ በስፋት የማይገኙ ሌሎች የሕክምና ዓይነቶችን አካቷል፡፡

         

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...