Tuesday, February 27, 2024
- Advertisement -
- Advertisement -
ማኅበራዊበአገሪቱ የሚገኙ ዩኒቨርሲቲዎችን 44 ለማድረስ ዕቅድ ተይዟል

በአገሪቱ የሚገኙ ዩኒቨርሲቲዎችን 44 ለማድረስ ዕቅድ ተይዟል

ቀን:

በሚቀጥለው በጀት ዓመት በተለያዩ የአገሪቱ ክፍሎች 11 አዳዲስ ዩኒቨርሲቲዎችን ለመገንባት ዕቅድ ተነደፈ፡፡ እነዚህ ዩኒቨርሲቲዎች ሲገነቡ በአገሪቱ የሚገኙትን ዩኒቨርሲቲዎች ቁጥር 44 ያደርሳል፡፡

የትምህርት ሚኒስትር ዴኤታ ዶ/ር ካባ ኡርጌሳ ለሪፖርተር እንደገለጹት፣ ዩኒቨርሲቲዎቹ የሚገነቡበትን ቦታ የሚመርጡት ክልሎች ናቸው፡፡

ነገር ግን የሚመረጡት የክልል ከተሞች የሚገነቡዋቸው ዩኒቨርሲቲዎች የሚያመጡትን ተጨማሪ ጫና ለመሸከምና አገልግሎት የማቅረብ አቅም ሊኖራቸው እንደሚገባ፣ ሚኒስትር ዴኤታው ጨምረው ገልጸዋል፡፡

- Advertisement -

Video from Enat Bank Youtube Channel.

ትምህርት ሚኒስቴር ዩኒቨርሲቲዎቹ ስለሚገነቡባቸው ከተሞች ሁኔታ ከክልሎች ጋር ውይይት ማካሄዱን፣ ክልሎች በመረጧቸው ተገቢ ከተሞች ላይ ግንባታዎቹን ይጀምራል ተብሏል፡፡

ግንባታው በሚቀጥለው በጀት ዓመት የሚጀመር ሲሆን፣ የተያዘው ዕቅድ የሁለተኛው የአምስት ዓመት የዕድገትና ትራንስፎርሜሽን ዕቅድ አካል ነው፡፡ በሁለተኛው የአምስት ዓመት ዕቅድ ዘመን አንድ ዩኒቨርሲቲ ለሁለት ሚሊዮን ሕዝብ አገልግሎት ይሰጣል ተብሎ የተቀመጠውን ግብ ለማሳካት፣ የእነዚህ ዩኒቨርሲቲዎች መገንባት ወሳኝ ድርሻ እንዳለው ዶ/ር ካባ ተናግረዋል፡፡

በሚገነቡት ዩኒቨርሲቲዎች የሚያገለግሉ መምህራን ምልመላ እንደሚካሄድና የሚመለመሉት መምህራንም በሁለተኛ ዲግሪ እንዲሠለጥኑ እንደሚደረግ ተገልጿል፡፡

መንግሥት ባለፉት ሁለት አሥርት ዓመታት በአገሪቱ ከነበሩት አዲስ አበባና ሃሮማያ ዩኒቨርሲቲዎች በተጨማሪ፣ ነባር ኮሌጆችንና ኢንስቲትዩቶችን አቅም በማሳደግ፣ እንዲሁም አዳዲስ ዩኒቨርሲቲዎችን በመገንባት በመላው አገሪቱ የሚገኙ ዩኒቨርሲቲዎችን ቁጥር 33 አድርሷል፡፡

ከዚህ በመቀጠልም መንግሥት ሌሎች 11 አዳዲስ ዩኒቨርሲቲዎችን ለመገንባት ዕቅድ ይዟል፡፡ መረጃዎች እንደሚጠቁሙት፣ መንግሥት የሁለተኛ ደረጃ ትምህርት ቤቶችን በማስፋፋት ላይ በመሆኑ፣ እነዚህ ተማሪዎች በቀላሉ የከፍተኛ ደረጃ ትምህርታቸውን እንዲከታተሉ የዩኒቨርሲቲዎች መስፋፋት ጠቀሜታው የጎላ መሆኑ ተጠቁሟል፡፡

የሚገነቡት ዩኒቨርሲቲዎች በሳይንስና ቴክኖሎጂ ትምህርት ላይ ትኩረት ቢያደርጉም፣ ለማኅበራዊ ሳይንስ ሠልጣኞችም በ70/30 ፖሊሲ መሠረት ቦታ እንዳላቸው ተገልጿል፡፡

መንግሥት የትምህርት ተቋማትን በከፍተኛ ደረጃ ቢያስፋፋም የጥራት ችግር አለ የሚል ትችት በሰፊው ይሰነዘርበታል፡፡ ትምህርት ሚኒስቴር ይህንን ትችት በመቀበል፣ በመጀመርያውም ሆነ በቀጣዩ የአምስት ዓመት የዕድገትና ትራንስፎርሜሽን ዕቅድ ችግሩን ለመቅረፍ ፕሮግራም መንደፉን በመግለጽ ላይ ይገኛል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...