Monday, November 28, 2022
ሌሎች ዓምዶች
    - Advertisement -
    - Advertisement -
    ዜናየንግድ ምዝገባ አዋጁ በተሻሻለ በዓመቱ በድጋሚ ሊሻሻል ነው

    የንግድ ምዝገባ አዋጁ በተሻሻለ በዓመቱ በድጋሚ ሊሻሻል ነው

    ቀን:

    በ2006 ዓ.ም. ለሕዝብ ተወካዮች ምክር ቤት ቀርቦ ለሁለተኛ ጊዜ ማሻሻያ የተደረገበት የንግድ ምዝገባና ፈቃድ አዋጅ ለሦስተኛ ጊዜ ሊሻሻል መሆኑ ተሰማ፡፡

    የንግድ ሚኒስቴር አዋጁን ለመተግበር በርካታ መሰናክሎች እየገጠሙት በመሆኑ፣ አዋጁን እንዲመረምር ያቋቋመው ኮሚቴ የአዋጁን ችግሮች ለይቶ ማውጣቱ ታውቋል፡፡ በዚህ መሠረትም አዋጁ እንዲሻሻል ሐሳብ ማቅረቡን ከንግድ ሚኒስቴር የተገኘው መረጃ ያመለክታል፡፡

    በርካታ ሰዎች የንግድ ስያሜ ይዘው ለማስመዝገብ ቢመጡም በተደጋጋሚ እየወደቀባቸው በመቸገራቸው የተፈጠረውን ቅሬታ ለማጣራት ባደረገው ሙከራ፣ ከንግድ ምልክትና ስያሜ ጋር በተያያዘ በርካታ የሚጣረሱና ለትርጉም ክፍት የሆኑ አንቀጾች እንዳሉበት የተቋቋመው ኮሚቴ ማረጋገጡን መረጃው ያመለክታል፡፡ በመሆኑም በቅርቡ የማሻሻያ ረቂቁ ተሠርቶ ለሚኒስትሮች ምክር ቤት፣ ከዚያም ለተወካዮች ምክር ቤት የአሠራር ሒደቱን ተከትሎ እንደሚቀርብ ለማወቅ ተችሏል፡፡

    በተባለው መሠረት ማሻሻያው ለሕዝብ ተወካዮች ምክር ቤት የሚቀርብ ከሆነ፣ በተሻሻለ በዓመቱ በድጋሚ ለመሻሻል የቀረበ አዋጅ ያደርገዋል፡፡ አዋጁ በ2006 ዓ.ም. ለፓርላማ እንዲቀርብ የተደረገው ከዳግም ምዝገባ ጋር የተፈጠረውን ችግር ለማስተካከል ነበር፡፡

    ይኸው አዋጅ በ2004 ዓ.ም. መጨረሻ ላይም ለሕዝብ ተወካዮች ምክር ቤት ቀርቦ ማሻሻያ ተደርጐበት ነበር፡፡ በዚህ ወቅት ደግሞ ማሻሻያ የተደረገበት ከፈቃድ ማደስ ጋር ተያይዞ የተቀመጠውን የጊዜ ገደብ ከጉምሩክ አዋጁ ጋር ለማጣጣም ሲባል መሆኑን የአዋጁ ማብራሪያ ያመለክታል፡፡

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...