Wednesday, July 24, 2024
- ማስታወቂያ -
- ማስታወቂያ -

ኦርኪድ ኩባንያ የምርት ገበያን የአባልነት ወንበር በ1.6 ሚሊዮን ብር ገዛ

ተዛማጅ ፅሁፎች

የኢትዮጵያ ምርት ገበያ የአንድ አባልን የግብይት የአባልነት ወንበር ለጨረታ አቅርቦ፣ ኦርኪድ ቢዝነስ ኃላፊነቱ የተወሰነ የግል ኩባንያ 1.6 ሚሊዮን ብር በማቅረብ የግብይት ወንበሩን መረከቡ ተገለጸ፡፡

ባለፈው ዓርብ ምርት ገበያው ያወጣው መግለጫ እንደሚያስረዳው፣ ለወንበሩ ግዥ የቀረበው ዋጋ ምርት ገበያው ወደ ሥራ በገባበት ወቅት ለአባልነት መቀመጫው ከተከፈለው ዋጋ በ12 በመቶ ብልጫ አለው፡፡

ምርት ገበያው ሥራ በጀመረበት ወቅት የአባላት የአባልነት ወንበሮችን ሸጦ የነበረው በ50 ሺሕ ብር እንደነበርም አስታውሷል፡፡

እንዲህ ባለው መንገድ የአባልነት ወንበሮችን ሲያስተላልፍ 14ኛው ጊዜ መሆኑን የሚገልጸው መግለጫው፣ ጥር 26 ቀን 2007 ዓ.ም. በተካሄደው ጨረታ የአባልነት መቀመጫውን ለመግዛት አራት ተጫራቾች ቀርበው ነበር ብሏል፡፡

እንደ ምንጮች ገለጻ ከኦርኪድ ቢዝነስ ኃላፊነቱ የተወሰነ ኩባንያ ጋር ከቀረቡት ተጫራቾች ውስጥ ሁለተኛ የወጣው ኩባንያ 1.42 ሚሊዮን ብር፣ ሦስተኛ የወጣው ደግሞ 1.41 ሚሊዮን ብር አቅርበው ነበር፡፡

የአባልነት ወንበር ማንኛውም ሕጋዊ ሰው ወይም ድርጅት በኢትዮጵያ ምርት ገበያ የመገበያየት መብት የሚያስገኝ ሲሆን፣ ይህም የመገበያያ ወንበር ሁለት ዓይነት የአባልነት መደቦች አሉት፡፡

የኢትዮጵያ ምርት ገበያ የተቀናጀና የራሱ የሕግ ማዕቀፍ ያለው ዘመናዊ ገበያ ሲሆን፣ ሻጮችና ገዢዎች አስተማማኝ በሆነ ጥራት፣ መጠን፣ ክፍያና ርክክብ የሚገበያዩበት ገበያ ነው፡፡ ምርት ገበያው በ100 ሙሉ አባላትና በ600 ደንበኞች ግብይት የጀመረ ሲሆን፣ በአሁኑ ወቅት 346 ሙሉ አባላትና ከ14,000 በላይ ደንበኞችን ማፍራት ችሏል፡፡ ከዚህም በተጨማሪ ሁለት ብቻ የነበሩትን መጋዘኖች ወደ 65 ሲያደርሳቸው፣ በአንድ ጊዜ የመቀበል አቅማቸውም ከ3,000 ቶን በላይ ነው፡፡ አንድ ብቻ የነበረው የምርት መቀበያ ማዕከል ቁጥር ወደ 19 ያደገ ሲሆን፣ የሚያገበያያቸውም ምርቶች ብዛት ከአንድ ወደ ስድስት ደርሰዋል፡፡ ቡና፣ ሰሊጥ፣ ነጭ ቦለቄ፣ ማሾ፣ በቆሎና ስንዴ በአሁኑ ጊዜ በምርት ገበያው ግብይት የሚፈጸምባቸው ምርቶች ናቸው፡፡  

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች