Monday, June 24, 2024
- ማስታወቂያ -
- ማስታወቂያ -

ለአፍሪካ ልማት ባንክ ፕሬዚዳንትነት ለታጩት አቶ ሱፍያን አህመድ መንግሥት ድጋፍ ሊያሰባስብ ነው

spot_img

ተዛማጅ ፅሁፎች

የገንዘብና ኢኮኖሚ ልማት ሚኒስትሩ አቶ ሱፍያን አህመድ ለአፍሪካ ልማት ባንክ ፕሬዚዳንትነት ለመወዳደር የመጨረሻ ዕጩ በመሆናቸው፣ መንግሥት ድጋፍ ማሰባሰብ እንደሚጀምር አስታወቀ፡፡

አቶ ሱፍያን የአፍሪካ ልማት ባንክን ለአምስት ዓመት በፕሬዚዳንትነት ለመምራት ከተመረጡት ስምንት ዕጩዎች መካከል አንዱ መሆናቸውን፣ ባንኩ የካቲት 13 ቀን 2007 ዓ.ም. አስታውቋል፡፡

በቅርቡ 57ኛ ዓመታቸውን የሚያከብሩት ሚኒስትሩ ከወራት በፊት በመንግሥት አቅራቢነት ለውድድር የታጩ ሲሆን፣ ማሸነፍ የሚያስችላቸውን ድምፅ ለማግኘት መንግሥት የድጋፍ ማሰባስብና የማግባባት ሥራን እንደሚጀምር፣ የቀድሞው የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ለሪፖርተር ገልጸዋል፡፡

የድጋፍ ማሰባሰቡ ሥራ መቼ እንደሚጀር በይፋ ባይገልጹም፣ መንግሥት የባንኩን አባል አገሮችና ከፍተኛ አክሲዮን ያላቸውን አገሮችን ለማግባባት ተከታታይ ሥራ እንደሚያከናውን አስረድተዋል፡፡

በባንኩ ከፍተኛ የአክሲዮን ድርሻ ካላቸው አገሮች በዋነኝነት ቻይና፣ ህንድና ቱርክ ሲጠቀሱ፣ ከኢትዮጵያ መንግሥት ጋር ካላቸው ወዳጅነት አንፃር አቶ ሱፍያን የማሸነፍ ተስፋ እንደሚኖራቸው ጠቁመዋል፡፡

በሌላ በኩል አንድ ስማቸውን እንዳይጠቀስ ያልፈለጉ ከፍተኛ የመንግሥት ባለሥልጣን እንደጠቆሙት፣ የአቶ ሱፍያን የመጨረሻ ዕጩነት ይፋ ከመሆኑ ቀደም ብሎ ከምሥራቁ የአኅጉሪቱ ክልል የኬንያ መንግሥትም የራሱን ዕጩ አቅርቦ ነበር፡፡ በኢትዮጵያ መንግሥት ተደጋጋሚ ጥያቄ መሠረት የኬንያ መንግሥት ዕጩውን የማቅረብ ፍላጎቱን ከቀናት በፊት መተውን ጨምረው ለሪፖርተር ገልጸዋል፡፡

በመሆኑም አቶ ሱፍያን በብቸኝነት ኮሜሳን (የደቡባዊና ምሥራቃዊ አፍሪካ አገሮች የኢኮኖሚ ማኅበረሰብ) ወክለው የሚወዳደሩ ሲሆን፣ ከሌሎች አገሮች ዕጩዎች ግን ከፍተኛ ፉክክር እንደሚጠብቃቸው እየተነገረ ነው፡፡ በአሁኑ ወቅት የባንኩ ፕሬዚዳንት የሆኑት ሩዋንዳዊው ዶናልድ ካቤሩካ ሁለተኛ የሥልጣን ዘመናቸው በዚህ ዓመት መጨረሻ በነሐሴ ወር የሚጠናቀቅ በመሆኑ እሳቸውን የሚተካው አዲሱ ፕሬዚዳንት ደግሞ ግንቦት 20 ቀን 2007 ዓ.ም. እንደሚመረጥ ይጠበቃል፡፡

እንደ ባንኩ መግለጫ፣ የወቅቱ የባንኩ ምክትል ፕሬዚዳንት ቶማስ ለካላ፣ የሴራሊዮናን የውጭ ጉዳይ ሚኒስቴር ሳሙራ ካማራ፣ የናይጄሪያ የግብርና ሚኒስትርና የወቅቱ የእስላሚክ ልማት ባንክ ምክትል ፕሬዚዳንት የሆኑት የማሊው ቢራማ ባቦካር ሲዲቤ በዕጩነት ቀርበዋል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች