Tuesday, December 6, 2022
ሌሎች ዓምዶች
    - Advertisement -
    - Advertisement -
    ማኅበራዊበአዲስ አበባ በቀን 206 ሺሕ ሜትር ኩዩብ ውኃ እጥረት አለ

    በአዲስ አበባ በቀን 206 ሺሕ ሜትር ኩዩብ ውኃ እጥረት አለ

    ቀን:

    114 ሺሕ ሜትር ኪዩብ ውኃ ወደ መስመር ገብቷል

    የአዲስ አበባ ከተማ ውኃና ፍሳሽ ባለሥልጣን በአቅርቦትና በፍላጎት መካከል ያለውን ክፍተት ለማጥበብ ባካሄደው ግዙፍ ፕሮጀክት 114 ሺሕ ሜትር ኪዩብ ውኃ ወደ መስመር ማስገባት ቢችልም፣ 206 ሺሕ ሜትር ኪዩብ ውኃ እጥረት መኖሩን አስታወቀ፡፡

    የአዲስ አበባ ከተማ ንፁህ የመጠጥ ውኃ ፍላጎት በቀን 670 ሺሕ ሜትር ኪዩብ ቢሆንም፣ የከተማው ውኃና ፍሳሽ ባለሥልጣን ማቅረብ የቻለው 464 ሺሕ ሜትር ኪዩብ ነው፡፡

    የተቀረውን ክፍተት ለመሙላት የከተማው አስተዳደር ከራሱ ግምጃ ቤትና ከዓለም ባንክ ባገኘው አንድ ቢሊዮን ብር አቃቂ አካባቢ 19 ጥልቅ ጉድጓዶች ቁፋፎ ማካሄድ መጀመሩን አስታውቋል፡፡ ይህ ፕሮጀክት ሲጠናቀቅ በቀን 70 ሺሕ ሜትር ኪዩብ ውኃ እንደሚገኝ ተገልጿል፡፡ በሌላ በኩልም በአቃቂ ከርሰ ምድር በ90 ሚሊዮን ብር እየተገነባ ካለው የማሟያ ፕሮጀክት 18 ሺሕ ሜትር ኪዩብ ይገኛል ተብሏል፡፡ እነዚህ ፕሮጀክቶች በተወሰነ ደረጃም ቢሆን ክፍተቱን እንደሚሞሉ ይጠበቃል፡፡

    የአዲስ አበባ ከተማ ውኃና ፍሳሽ ባለሥልጣን የሥራ ኃላፊዎች የካቲት 25 ቀን 2007 ዓ.ም. ጋዜጣዊ መግለጫ ሰጥተዋል፡፡ መግለጫውን የሰጡት የባለሥልጣኑ የውኃ አቅርቦትና ስርጭት ዋና ሥራ አስኪያጅ አቶ ፈቃዱ ዘለቀ እንዳስታወቁት፣ ባለሥልጣኑ በገጸ ምድርና በከርስ ምድር ውኃ መገኛዎች ባካሄደው ግንባታ 114 ሺሕ ሜትር ኪዩብ ውኃ ወደ መስመር ማስገባት ችሏል፡፡

    እነዚህ ፕሮጀክቶች በዋነኛነት የድሬ ግድብን ውኃ የመያዝ አቅም በማሳደግ ውኃው ወደ ለገዳዲ ግድብ እንዲያመራ በማድረግ፣ እንዲሁም የለገዳዲ ግድብን የማጣራት አቅምን በማሳደግ 30 ሺሕ ሜትር ኪዩብ ውኃ እንዲያመነጭ መደረጉ ተገልጿል፡፡ ከሁለቱ ግድቦች ይመነጭ የነበረው ውኃ 165 ሺሕ ሜትር ኪዩብ ሲሆን፣ በአሁኑ ወቅት ግን 195 ሺሕ ሜትር ኪዩብ ደርሷል፡፡ ከዚህ በተጨማሪ በአቃቂ በተካሄደው 24 ጥልቅ ጉድጓዶች ቁፋሮ በቀን 70 ሺሕ ሜትር ኪዩብ ውኃ ማምረት መቻሉ ተገልጿል፡፡

    ይህ ፕሮጀክት 26.3 ኪሎ ሜትር የመስመር ዝርጋታ፣ 10.5 ኪሎ ሜትር የስርጭት መስመር ዝርጋታ እና 25.8 ኪሎ ሜትር የማሰባሰቢያ መስመሮች ዝርጋታን ያካተተ ነው፡፡

    ግንባታው የተካሄደው የቻይና ኤግዚም ባንክ በሰጠው 1.8 ቢሊዮን ብር ሲሆን፣ ሥራውን ያካሄደው የቻይና ሲጂ ኦቨርሲስ ኩባንያ ነው፡፡ የቁጥጥር ሥራውን ደግሞ መንግሥታዊው የውኃ ሥራዎች ዲዛይንና ቁጥጥር ኢንተርፕራይዝ ነው፡፡

    ፕሮጀክቱ ጠቅላይ ሚኒስትር ኃይለ ማርያም ደሳለኝ በተገኙበት የካቲት 29 ቀን 2007 ዓ.ም የሚመረቅ ሲሆን፣ የለገዳዲው ፕሮጀክት ደግሞ በሳምንቱ መጋቢት 6 ቀን 2007 ዓ.ም. እንደሚመረቅ የውኃና ፍሳሽ ባለሥልጣን ፕሮጀክት ጽሕፈት ቤት ሥራ አስኪያጅ አቶ ተስፋለም ባዩ ገልጸዋል፡፡

    14 ሺሕ ሜትር ኪዩብ ውኃ የተገኘው ደግሞ በተለይ የውኃ እጥረት ባለባቸው በተለይ በከተማው ሰሜንና ሰሜን ምሥራቅ አካባቢዎች እየተቆፈሩ በሚገኙ 20 ጉድጓዶች ነው፡፡

    እነዚህ ቁፍሮዎች ሊካሄዱ የቻሉት ለእነዚህ አካባቢዎች ከሌሎች የውኃ ምንጮች ንፁህ የመጠጥ ውኃ ማድረስ ባለመቻሉ ነው ተብሏል፡፡ የከተማው ውኃና ፍሳሽ ባለሥልጣን የከተማውን የውኃ እጥረት ለመቅረፍና አቅርቦቱን ለረዥም ጊዜ አስተማማኝ ለማድረግ፣ ከአዲስ አበባ 40 ኪሎ ሜትር ርቀት ላይ በሚገኙት ሁለት ወንዞች ላይ ግድብ ለመገንባት የመጨረሻ ምዕራፍ ላይ እንደሚገኝ አቶ ተስፋለም ገልጸዋል፡፡

    ባለሥልጣኑ ለሚያካሂደው ፕሮጀክቶች ትልቅ እንቅፋት ከሆኑ ምክንያቶች መካከል፣ የኤሌክትሪክ ኃይል መቋረጥና ከኢትዮጵያ ኤሌክትሪክ ኃይል አገልግሎት ፈጣን ምላሽ አለማግኘት አንዱና ዋነኛው ነው ተብሏል፡፡

    በሁለተኛ ደረጃ የተቀመጠው ደግሞ በመንገድና ባቡር መስመር ግንባታና ባለሀብቶች በሚያካሂዱዋቸው ልዩ ልዩ ግንባታዎች የውኃ ማስተላለፊያ መስመሮች እየተሰበሩ መሆኑ ነው፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    ዳግም ነፍስ የዘራው የተማሪዎች ማርች ባንድ

    የሙያው ፍቅር ያደረባቸው ገና በልጅነታቸው ነው፡፡ በ1970ዎቹ መጀመርያ፣ ለቀለም...

    በስንደዶና ሰበዝ የተቃኘው ጥበብ

    በአንዋር አባቢ ተወልዳ ያደገችው መሀል አዲስ አበባ አራት ኪሎ ነው፡፡...

    አዲስ ጥረት የሚጠይቀው  ኤችአይቪ  ኤድስን  የመግታት  ንቅናቄ

    ‹‹ኤችአይቪ በመላው ዓለም  በሚሊዮን የሚቆጠሩ ሰዎችን የሚያጠቃ ዋነኛ የሕዝብ...

    የኅትመት ብርሃን ያየው ‹‹የቃቄ ወርድዎት›› ቴአትር

    ከአራት ዓመታት በፊት በኢትዮጵያ ብሔራዊ ቴአትር መድረክ ላይ ይታይ...