Monday, July 15, 2024
- ማስታወቂያ -
- ማስታወቂያ -

ለአዲስ ዓመት ዋዜማ የንግድ ትርዒት ጨረታ 9.2 ሚሊዮን ብር ተሰጠ

ተዛማጅ ፅሁፎች

የአዲስ አበባ ኤግዚቢሽን ማዕከል ለ2008 ዓ.ም. አዲስ ዓመት ዋዜማ የሚካሄደውን የንግድ ትርዒት ለሚያዘጋጁ ድርጅቶች ባወጣው ጨረታ በማዕከሉ ታሪክ ከፍተኛ የተባለ ዋጋ ተሰጠ፡፡

ለ15 ቀናት ኤግዚቢሽን ማዕከሉን ለመጠቀምና ንግድ ትርዒቱን ለማስኬድ በወጣው ጨረታ ስድስት ድርጅቶች ተሳታፊ የሆኑ ሲሆን፣ እስከዛሬ ያልተመዘገበ ነው የተባለውን ከፍተኛ ዋጋ ያቀረበው ደግሞ ሐባሻ ዊክሊ ፕሮሞሽን የተባለ ኩባንያ ነው፡፡

መጋቢት 4 ቀን 2007 ዓ.ም. በተከፈተው ጨረታ ከሐበሻ ቀጥሎ ከፍተኛ የሆነውን ዋጋ የሰጠው ሴንቸሪ ፕሮሞሽን 8.7 ሚሊዮን ብር ነው፡፡

በዚሁ ጨረታ ማልድቢስ ፕሮሞሽን የተባለው ኩባንያ 8.22 ሚሊዮን ብር፣ ፊሊክስ ዩኒቨርሳል ኩባንያ 8.85 ሚሊዮን ብር፣ አደም መሐመድ ትሬዲንግ 7.6 ሚሊዮን ብር፣ አዩ ዓለሙ አደሙ ኩባንያ ደግሞ 8.27 ሚሊዮን ብር ሰጥተዋል፡፡

በዕለቱ ጨረታው ይከፈት እንጂ አሸናፊው ይፋ አልተደረገም፡፡ የማዕከሉ ዋና ሥራ አስኪያጅ አቶ ታምራት አድማሱ እንደገለጹት፣ ጨረታው በተከፈተበት ወቅት አሸናፊው የማይገለጸው ተጫራቾች ያቃረቡዋቸው መረጃዎች ከተመረመሩ በኋላ የሚገኘው ውጤት ታይቶ ይፋ ስለሚሆን ነው፡፡ ይህ የማዕከሉ አሠራር መሆኑን ገልጸው ውጤቱን በቅርቡ ይፋ ያደርጋሉ ተብሎ ይጠበቃል፡፡

ማዕከሉ ጨረታ የሚያወጣባቸው በዓላት አዲስ ዓመት፣ ገናና ፋሲካ ሲሆኑ፣ በእነዚህ በዓላት ዋዜማ ላይ የንግድ ትርዒት ባዛር ለማዘጋጀት እየተሰጠ ያለው ዋጋ በከፍተኛ ደረጃ እየጨረ መጥቷል፡፡

ባለፈው ዓመት ለአዲስ ዓመት ዋዜማ የንግድ ትርዒትና ባዛር ዝግጅች ተሰጥቶ የነበረው ዋጋ 6.6 ሚሊዮን ብር አካባቢ ሲሆን፣ ዘንድሮ 9.22 ሚሊዮን ብር መድረሱ ጭማሪውን በግልጽ የሚያሳይ ነው ተብሏል፡፡ ይህም በማዕከሉ ምርታቸውን ለመሸጥ ቦታ የሚከራዩ ነጋዴዎች ላይ ዋጋ የሚጭንና የመግቢያ ቲኬቶች ዋጋ ላይም ተፅዕኖ ያሳድራል እየተባለ ነው፡፡

ይህም በበዓላት ወቅት ለተገልጋዩ በተመጣጣኝ ዋጋ ምርቶቻቸውን ማቅረብ ይችሉ የነበሩ አምራቾችንም ዋጋ እንዲጨምሩ ሊያደርግ ይችላል የሚል ሥጋት አሳድሯል፡፡

በአሁኑ ወቅት በበዓላት ዋዜማ ቀናት ከሚዘጋጁ የንግድ ትርዒቶች ሌላ በማዕከሉ በዓመት ውስጥ ከ50 በላይ የተለያዩ የንግድ ትርዒቶች ይካሄዳሉ፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች