Sunday, June 16, 2024
- Advertisement -
- Advertisement -

ማኅበራዊጠቅላይ ሚኒስትሩ የሚከታተሏቸው የ830 ሚሊዮን ብር መንገዶች በጥቂት ወራት ውስጥ ይጠናቀቃሉ ተባለ

ጠቅላይ ሚኒስትሩ የሚከታተሏቸው የ830 ሚሊዮን ብር መንገዶች በጥቂት ወራት ውስጥ ይጠናቀቃሉ ተባለ

ቀን:

ጠቅላይ ሚኒስትሩ በቅርብ ይከታተሏቸዋል የተባሉና በአጭር ጊዜ ተገንብተው ኮንዶሚንየም ቤቶችን እንደሚያገናኙ የሚጠበቁ የ830 ሚሊዮን ብር የመንገድ ግንባታ ውሎች ተፈረሙ፡፡

የአዲስ አበባ መንገዶች ባለሥልጣን መጋቢት 4 ቀን 2007 ዓ.ም. በሰጠው መግለጫ፣ አጠቃላይ ወጪያቸው 830,442,271.46 ብር የሆኑ የመንገድ ፕሮጀክቶች ግንባታ ለአራት አገር በቀልና ለአንድ የውጭ ኩባንያ እንደተሰጠ አስታውቋል፡፡ መንገዶቹ በአጭር ጊዜ ውስጥ ግንባታቸው ተጠናቆ ለተጠቃሚዎች እንደሚተላለፉ የባለሥልጣኑ ዋና ሥራ አስኪያጅ ኢንጂነር ፍቃዱ ኃይሌ በፊርማ ሥነ ሥርዓቱ ወቅት ገልጸዋል፡፡

በአስተዳደሩ ወጪ የሚሸፈኑት መንገዶች ከ10 እስከ 30 ሜትር ስፋት ያላቸው እንደሚሆኑ፣ አጠቃላይ ርዝመታቸው 30 ኪሎ ሜትር መሆኑም ተገልጿል፡፡ በአስፓልትና በኮብልስቶን እንዲገነቡ የሚያስችል ስምምነት መደረጉን አስረድተዋል፡፡

- Advertisement -

ከመንገድ ግንባታዎቹ ጐን ለጐን የኤሌክትሪክ ኃይልና የቴሌኮሙዩኒኬሽን መስመሮችን የጋራ መኖሪያ ቤቶቹ በሚገኙባቸው አካባቢዎች ለመዘርጋት የሚያስችሉ ሥራዎች፣ ከ79 ሚሊዮን ብር በላይ በሆነ ወጪ መከናወናቸውም ተገልጿል፡፡

የግንባታና የቁጥጥር ሥራ የሚካሄድባቸው የጋራ መኖሪያ ቤቶች የ40/60፣ የኩዩ ፈጬ፣ የካ አባዶ፣ የቱሉ ዲምቱና የቂሊንጦ የጋራ መኖሪያ መንደሮች ናቸው፡፡ የግንባታ ሥራቸው ከሦስት እስከ ስድስት ወራት ባለው የውል ጊዜ ውስጥ እንደ ፕሮጀክቶቹ ዓይነቶችና ክብደት ተጠናቀው ርክክብ የሚፈጸምባቸው እንደሚሆኑ ባለሥልጣኑ ይፋ አድርጓል፡፡

የ40/60 የኮንዶሚንየም መንገድ ማማከር መረጣ አሸናፊ የሆነው ዩኒኮን የተባለው ድርጅት ሲሆን፣ የ406,525 ሺሕ ብር ስምምነት ተፈራርሟል፡፡ የአማካሪ ድርጅቱ የሥራ ጊዜ ሦስት ወራት እንደሚሆን ተገልጿል፡፡

በመንገድ ግንባታው ከአስፋልት እስከ ኮብልስቶን ያለውን ሥራ ለማከናወን የሚያስችለውን ጨረታ አሸንፈው ውል የተፈራረሙት ተቋራጮች አይኤፍኤች ኢንጂነሪንግ፣ ሜልኮን ኮንስትራክሽን፣ ሀፍኮን ኮንስትራክሽንና አሰር ኮንስትራክሽን መሆናቸውን በፊርማ ሥነ ሥርዓቱ ወቅት ኢንጂነር ፍቃዱ ገልጸዋል፡፡

አራቱ ድርጅቶች በአጠቃላይ ከ829 ሚሊዮን ብር በላይ በሆነ ወጪ መንገዶቹን በመገንባት በተሰጣቸው አጭር የግንባታ ጊዜ ውስጥ እንደሚያስረክቡ ኃላፊው ገልጸው፣ በተለይ ከወሰን ማስከበር ሥራ ጋር በተያያዘ ሌሎቹ ዋና መንገዶች የገጠማቸው ችግሮች እንደማይከሰቱ አስታውቀዋል፡፡ የወሰን ችግር ቢኖር እንኳ፣ ጠቅላይ ሚኒስትሩ በቅርበት የሚከታተሏቸው ግንባታዎች ስለሆኑ ችግሮችን በአፋጣኝ መፍታት እንደሚቻል ያላቸውን እምነት ገልጸዋል፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ከውጭ በተላከ ገንዘብ ሀብት አፍርቶ የተላከበትን ደረሰኝ ያላቀረበ ንብረቱ እንዲወረስ የሚደነግግ አዋጅ ቀረበ

በጥፋተኝነት ላይ ያልተመሠረተ ንብረት የመውረስ ድንጋጌም በአዋጁ ተካቷል አዋጁ የሚፀድቅ...

የውጭ ባንኮች ወደ ኢትዮጵያ እንዲገቡና የአገር ውስጥ ባንኮች እንዲዋሃዱ የሚፈቅድ ረቂቅ አዋጅ ቀረበ

የኢትዮጵያ ብሔራዊ ባንክ የአገር ውስጥ ባንኮችን ውህደትና የውጭ ባንኮች...

ኑሮ የከበዳቸው የመንግሥት ሠራተኞች የምሳ ሰዓትን በቤተ እምነቶች እያሳለፉ መሆኑ ተነገረ

የቤት ኪራይ መክፈል ያልቻሉ ተደብቀው ቢሮ ውስጥ ያድራሉ ተብሏል መንግሥት...