Tuesday, December 6, 2022
ሌሎች ዓምዶች
    - ማስታወቂያ -
    - ማስታወቂያ -

    ማዕከላዊ ስታቲስቲክስ የሶሺዮኢኮኖሚ መረጃን ማሠራጨት ጀመረ

    - ማስታወቂያ -

    ተዛማጅ ፅሁፎች

    የማዕከላዊ ስታትስቲክስ ኤጀንሲ  ወቅታዊ ጥናታቂ መረጃዎችን ለተጠቃሚዎች ለማቅረብ እየሠራ መሆኑን ጠቅሶ፣ ከዓለም ባንክ ጋር በትብብር ያካሄደውን የኢትዮጵያ ሶሺዮኢኮኖሚ ጥናት መረጃዎችን ለተጠቃሚዎች በተዘጋጀ ዓውደ ጥናት ላይ አቅርቧል።

    የዓለም ባንክ ለሪፖርተር በላከው መግለጫ እንደገለጸው፣ የኢትዮጵያ ሶሺዮኢኮኖሚ ጥናት በቤተሰብ ደረጃ የሚሰበሰብ አገር አቀፋዊ  ወካይነት  እንዲኖረው ተደርጎ የሚካሔድ ሲሆን በግብርና፣ በኢኮኖሚና በማኅበራዊ ጉዳዮች ላይ ያተኮረ መረጃ ይቀርብበታል፡፡ በማዕከላዊ ስታትስቲክስ ኤጀንሲና በዓለም ባንክ የኑሮ ደረጃ ምዘና ጥናት በኩል የተቀናጀ የግብርና ዳሰሳ ጥናት ቡድን ተቋቁሞ ባለፉት ዓመታት የጥናት መረጃዎችን ሲያሰባስቡ መቆየታቸውን መግለጫው ጠቅሶ፣ የጥናት ውጤቱ መረጃዎች ለማንኛውም ጠቃሚ ክፍት መደረጋቸው ደግሞ በዘርፉ በዓለም አቀፍ ደረጃ  የሚካሔደው  እንቅስቃሴ አካል መሆኑን ባንኩ አስታውቋል፡፡

    አቶ ቢራቱ ይገዙ የማዕከላዊ ስታትስቲክስ ኤጀንሲ ዋና ዳይሬክተር በዓውደ ጥናቱ ላይ እንደተናገሩት፣ ‹‹መረጃውን መንግሥት  በቀጥታ የተለያዩ ፖሊሲዎችን ሲያወጣ  ሊጠቀምበት ይችላል። መረጃው በአገሪቱ በተለያዩ ጉዳዮች ላይ ምርምር ለሚያደርጉ ግለሰቦች ጠቀሜታ ይኖረዋል፡፡››

    በዓለም ባንክ የኢትዮጵያ ዳይሬክተር ጉዋንግ ዤ ቼን በበኩላቸው ለተጠቃሚው ከፍት በሆነ መንገድ መቅረቡ መረጃውን በመጠቀም የተለያዩ  ጥናቶችን ለማካሔድ አመቺ ሁኔታን እንደሚፈጥርና በአገሪቱ በጥናት ላይ የተደገፈ ፖሊሲ ለመቅረፅ  ጥሩ መሠረት እንደሚጥልም ገልጸዋል፡፡

    የኢትዮጵያ ሶሺዮኢኮኖሚ ጥናት  ዝርዝር መረጃ ከሚሰበስብባቸው ዘርፎች መካከል ትምህርት፣ ጤና ፣ የጊዜ አጠቃቀም፣ የሥራ ሁኔታ፣ የአመጋገብ ሁኔታ፣ የምግብ ዋስትና ፣ ግብርናና የመሳሰሉት ይካተታሉ።  ጥናቱን ማካሔድ የተጀመረው በ2004 ዓ.ም. ሲሆን በወቅቱ አራት ሺሕ በሚሆኑ የገጠርና የአነስተኛ ከተሞች ነዋሪዎች በሆኑ ቤተሰቦች ላይ ተመሥርቶ ነው፡፡ ዓምና 1,500 ከተማ ነዋሪ ቤተሰቦችን በማካተት በአጠቃልይ በ5,500 ቤተሰቦች ላይ ተመሥርቶ ጥናቱ በሁሉም የአገሪቱ ክልሎች በመካሔድ ላይ እንደሚገኝ ታውቋል። ቀጣዩ ጥናት በ2008 ዓ.ም. ይፋ እንደሚደረግ ይጠበቃል።

    መረጃው በተከታታይ  የሚሰበሰበው አንድ ጊዜ በተመረጡ ቤተሰቦች ላይ በመሆኑ በእነኝህ ቤተሰቦች  ላይ ለሚታየው የኑሮ ሁኔታ መሻሻል፣ የምርታማነት መለወጥና የመሳሰሉት መሻሻሎች ላይ አስተዋጽኦ ያደረጉ ሁኔታዎች  ዓይነት ፖሊሲዎችና ሌሎች ጉዳዮች እንደሆኑ ለማጥናት  ያስችላል ያሉት የማዕከላዊ ስታትስቲክስ ኤጀንሲ ምክትል ዋና ዳይሬክተር  አቶ አማረ ለገሰ ናቸው።

    በዓለም ባንክ የኑሮ ደረጃ ምዘና ጥናት መሠረት የተቀናጀ የግብርና ዳሰሳ ጥናት ፕሮጀክት  በቢል ጌትስና ሜሊንዳ ጌትስ ፋውንዴሽን በከፊል ድጋፍ የሚደረግለት ሲሆን፣ ዓላማው የመረጃ አሰባሰብ ዘዴን  በማሻሻል ጥራት ያለው መረጃ ለፖሊሲ አውጭዎችና ተመራማሪዎች እንዲቀርብ ማስቻል ነው። የዓለም ባንክ የኑሮ ደረጃ ምዘና ጥናት ቡድን  ከኢትዮጵያ በተጨማሪ በቡርኪና ፋሶ፣ በማላዊ፣ በማሊ፣ በኒጀር፣ በናይጄሪያ፣ በታንዛንያና በኡጋንዳ ተመሳሳይ ጥናቶችን ያካሂዳል።

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች