Wednesday, February 1, 2023
- Advertisement -
- Advertisement -
ስፖርትበቻይና የደመቁት ጀግኖች አቀባበል ተደረገላቸው

በቻይና የደመቁት ጀግኖች አቀባበል ተደረገላቸው

ቀን:

  • የገንዘብ ሽልማት ቃል ተገብቶላቸዋል

በቻይና ጉያንግ መጋቢት 19 ቀን 2007 ዓ.ም. በተካሄደው የዓለም አገር አቋራጭ ሩጫ ላይ ተካፍሎ በድል የተመለሰው የኢትዮጵያ ብሔራዊ አትሌቲክስ ቡድን አቀባበል ተደረገለት፡፡ ቡድኑ አምስት ወርቅ፣ ሦስት ብርና ሦስት የነሐስ በድምሩ 11 ሜዳሊያዎች አስመዝግቦ ከዓለም አንደኛ ሆኖ በማጠናቀቁ አድናቆት ተችሮታል፡፡ በአቀባበል ሥነ ሥርዓቱ ብሔራዊ ፌዴሬሽኑ ማበረታቻ የገንዘብ ሽልማት እንደሚሰጥ ቃል ገብቷል፡፡

ምሥራቅ አፍሪውያኑ የኢትዮጵያውያንና ኬንያውያንን አትሌቶች የበላይነት ጎልቶ በታየበት የጉያንግ የዓለም አገር አቋራጭ፣ ኢትዮጵያ ካስመዘገበቻቸው አምስት የወርቅ ሜዳሊያዎች ሁለቱ በወጣት ሴቶች ስድስት ኪሎ ሜትር በለተሰንበት ግደይና 8  ኪሎ ሜትር ወጣት ወንዶች ያሲን ሐጂ የተገኙ ሲሆን፣ ቀሪውን ደግሞ በወጣትና አዋቂ ሴቶች እንዲሁም በአዋቂ ወንዶች በቡድን የተመዘገቡ ናቸው፡፡ ሦስቱን የብር ሜዳሊያዎች ያስመዘገቡት በወጣት ሴቶች ዳራ ዲዳ፣ በአዋቂ ሴቶች ሰንበሬ ተፈሪና በወጣት ወንዶች በቡድን የተገኘ ነው፡፡ የነሐስ ሜዳልያዎቹ ደግሞ በወጣት ሴቶች እታገኝ ወልዱ፣ በአዋቂ ሴቶች ሰናይት ጉደታና 12 ኪሎ ሜትር አዋቂ ወንዶች ሙክታር እንድሪስ አማካይነት መሆኑ ታውቋል፡፡

 አትሌቶቹ ባለፈው ሰኞ በብሔራዊ ሆቴል አቀባበል የተደረገላቸው ሲሆን፣ የብሔራዊ ፌዴሬሽኑ ፕሬዚዳንት አቶ አለባቸው ንጉሴ ባደረጉት የእንኳን መጣችሁ ንግግር በቻይና ጉያንግ የተገኘው ውጤት አገርና ሕዝብን ያኮራ መሆኑን ጠቅሰው ይኼው ተጠናከሮ እንዲቀጥል ጠይቀዋል፡፡ ፌዴሬሽኑ ይህንን አንፀባራቂ ድል ላስመዘገቡ ጀግኖች ማበረታቻ የገንዘብ ሽልማት እንደሚያበረክትም ቃል ገብተዋል፡፡

በወጣት ሴቶችና ወንዶች የወርቅ ሜዳሊያ ያስመዘገቡት ለተሰንበት ግደይና ያሲን ሐጂ፣ በጉያንግ ያደረጉት የዓለም አገር አቋራጭ ሩጫ የመጀመርያቸው መሆኑን በመጥቀስ በውጤቱ መደሰታቸውን ተናግረዋል፡፡ በቀጣይ ለቤጅንግ የዓለም ሻምፒዮናና ለሪዮ ዴጀኔሮ ኦሊምፒክ ከወዲሁ ጠንካራ ዝግጅት አድርገው በ5,000 ሜትር ሕዝባቸውንና አገራቸውን ለመካስ ጽኑ አቋም እንዳላቸው ተናግረዋል፡፡

ባለፈው ዓመት በተከናወነው የዓለም ወጣቶች አትሌቲክስ ሻምፒዮና በ5,000 ሜትር የብር ሜዳሊያ በማስመዝገብ ድሉን ማጣጣም እንደጀመረ የሚናገረው ያሲን፣ አትሌቲክስ ምንም እንኳ የግል ውድድር ቢሆንም እንደ ዓለም ሻምፒዮናና አገር አቋራጭ የመሳሰሉት የሩጫ ውድድሮች የተሻለ ውጤት እንዲመዘገብባቸው ከተፈለገ የቡድን ሥራ ወሳኝ መሆኑን ያምናል፡፡ በቻይና ጉያንግ በተደረገው የዓለም አገር አቋራጭ ሩጫ ላይም ከቡድን ጓደኞቹ ጋር ጠንካራ የቡድን ሥራ ለመሥራት ተነጋግረው ወደ ሜዳ ቢገቡም የጠበቀውን ያህል ውጤታማ ሥራ እንዳልተሠራ  የሚናገረው ያሲን በቡድን ሥራው ከተሳካላቸው ኬንያውያን እልህ አስጨራሽ ትግል ገጥሞት እንደነበርም አልሸሸገም፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን...

የ12ኛ ክፍል የብሔራዊ ፈተና ውጤትና እንደምታው

የተባበሩት መንግሥታት ድርጅት የትምህርት፣ የሳይንስና የባህል ድርጅት (UNESCO) የትምህርትን...

ንግድ ባንክ ከቪዛና ማስተር ካርድ ጋር ተደራድሮ ያስጀመረው የገንዘብ ማስተላለፊያ ቴክኖሎጂና ፋይዳው

ከውጭ ወደ አገር በሕጋዊ መንገድ የሚላክ ገንዘብ (ሬሚታንስ) መጠን...

ይኼ አመላችን የት ያደርሰን ይሆን?

እነሆ ከፒያሳ ወደ ካዛንቺስ። ‹‹አዳም ሆይ በግንባር ወዝ ትበላለህ››...