Sunday, June 23, 2024
- Advertisement -
- Advertisement -
ዜናየኢትዮጵያ ንግድ ባንክና አልሳም ኃላፊነቱ የተወሰነ የግል ማኅበር ክስ ተመሠረተባቸው

የኢትዮጵያ ንግድ ባንክና አልሳም ኃላፊነቱ የተወሰነ የግል ማኅበር ክስ ተመሠረተባቸው

ቀን:

  • 96.6 ሚሊዮን ብር ዕዳ እንዲከፍሉ ጥያቄ ቀርቧል

የኢትዮጵያ ንግድ ባንክና አልሳም ኃላፊነቱ የተወሰነ የግል ማኅበር በገቡት ውል መሠረት ግዴታቸውን አልፈጸሙም ተብለው ክስ ተመሠረተባቸው፡፡

በሁለቱም ላይ የፍትሐ ብሔር ክስ የመሠረተው ሲንጋፖር የሚገኘው ዊልማር ትሬዲንግ ቻይና ፒቲኤ ሊሚትድ ነው፡፡

ድርጅቱ ክሱን የመሠረተው በፌዴራል ከፍተኛ ፍርድ ቤት ሲሆን፣ ለክሱ ምክንያት የሆነው ከአልሳም ኃላፊነቱ የተወሰነ የግል ማኅበር ጋር በተለያዩ ጊዜያት የሰሊጥ ግዢ ውሎችን ፈጽሞ ቅድሚያ ክፍያ የፈጸመ ቢሆንም፣ በውሉ መሠረት ሳይፈጸምለት ወይም ሰሊጡ ሳይቀርብለት በመቅረቱ መሆኑን ክሱ ያስረዳል፡፡

አልሳም በውሉ መሠረት አቅርቦቱን ተግባራዊ ባለማድረጉና የኢትዮጵያ ንግድ ባንክ አልሳም ያለውን ተቀማጭ ገንዘብ ክፈል ቢባል እንደ ስምምነታቸው ውሉ ሊፈጸም ባለመቻሉ፣ በተናጠል ወይም በጋራ ሁለቱ ተከሳሾች 3,549,600 ዶላር ወይም 96,691,104 ብር ክፍያ ተመላሽ እንዲያደርጉ (እንዲከፍሉት) ድርጅቱ ክስ አቅርቧል፡፡

ድርጅቱ በክሱ እንዳብራራው፣ ከአልሳም ጋር በገቡት ውል መሠረት ለተለያዩ ጊዜያት የሰሊጡን ዋጋ አስቀድሞ እየከፈለ ሰሊጡም ሲላክለት ነበር፡፡ አልሳም ሰሊጥ ለመላክ ሁለት ውሎችን የተዋዋለ ቢሆንም፣ በአንደኛው ውል በከፊል በሁለተኛው ውል ደግሞ ሙሉ በሙሉ ሳያስረክብ መቅረቱን በክሱ አብራርቷል፡፡ በተደረሰው አለመግባባት ውሉን ያፈረሰ ቢሆንም፣ የተፈጸመውን ቅድሚያ ክፍያ ግን ሳይመልስ መቅረቱን አክሏል፡፡

አልሳም ኃላፊነቱ የተወሰነ የግል ማኅበር ሰሊጡን የማስረከቢያ ጊዜው አንድ ዓመት እንዳለፈውና ውሉ ተሰርዞ ቅድሚያ የከፈለው ገንዘብ ተመላሽ እንዲሆን ስምምነት ላይ የተደረሰ ቢሆንም፣ ገንዘቡ ግን እንዳልተመለሰለት ከሳሽ ድርጅት በክሱ ገልጿል፡፡ ነገር ግን ገንዘቡን ለመመለስ አልሳም የተሰማማው በንግድ ሚኒስቴር ሸምጋይነት መሆኑን ያስታወሰው ከሳሽ፣ ገንዘቡ በባንክ እንደተላለፈለትና ተመላሽ ቢደረግ እንደማይቃወም ለንግድ ሚኒስቴር ግልባጭ በማድረግ ለኢትዮጵያ ንግድ ባንክ ማሳወቁን ድርጅቱ በክሱ አብራርቷል፡፡

አልሳም ለንግድ ባንክ ደብዳቤ መጻፉ ብቻ ግዴታውን ተወጥቷል ማለት እንደማይቻል የገለጸው ከሳሽ፣ ንግድ ባንክን በተደጋጋሚ ቢጠይቀውም ሊከፍለውና ፈቃደኛ ሳይሆን መቅረቱን ገልጿል፡፡ የውጭ ምንዛሪ እጥረትን ምክንያት በማድረጉ፣ ከሳሽ ከብሔራዊ ባንክ ጋር በመነጋገርና የባንኩን ፈቃድ በማግኘት አልሳም ሰሊጡን ዊልኮ ለሚባል ድርጅት እንዲያቀርብ ስምምነት ላይ መደረሱን በክሱ አስረድቷል፡፡

በመሆኑም የከሳሽ ገንዘብ ወደ ውጭ ምንዛሪ ተቀይሮ ከኢትዮጵያ መውጣት ሳይኖርበት ለዊልኮ በቀጥታ በብር እንዲከፍል፣ ከሳሽ በንግድ ባንክ ያላግባብ ተይዞበት የሚገኘው ገንዘብ ለዊልኮ እንዲያስተላልፈው በቴሌክስ ትዕዛዝ እንዳስተላለፈለትም ገልጿል፡፡ ንግድ ባንክም መፈጸም እንደሚችል በደብዳቤ ለብሔራዊ ባንክ ማሳወቁን አክሏል፡፡ አንዳቸው በአንዳቸው እየተመካኙ ገንዘቡን ይዘውበት እንደሚገኙ ከሳሽ ጠቁሞ፣ በጠበቃው አማካይነት የሕግ ማስጠንቀቂያ የሰጠ ቢሆንም፣ የውል ግዴታቸውን ለመፈጸም ቅን ልቦና እንደሌላቸው አስረድቷል፡፡ በመሆኑም ውሉ እንዲሰረዝ ከተደረገበት ቀን አንስቶ በውሉ በተመለከተው መሠረት የተጠቀሰውን ገንዘብ ከነሕጋዊ ወለዱ በተናጠል ወይም በአንድነት እንዲከፍሉት እንዲታዘዝለት፣ ዊልማርት ትሬዲንግ ቻይና ፒቲኤ ሊሚትድ ክሱን አቅርቧል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...