Sunday, September 25, 2022
ሌሎች ዓምዶች
    - ማስታወቂያ -
    - ማስታወቂያ -

    ኢትዮጵያ የተመድን የኢንቨስትመንት ሽልማት አገኘች

    - ማስታወቂያ -

    ተዛማጅ ፅሁፎች

    የተባበሩት መንግሥታት በየዓመቱ ከዘላቂ የልማት ግቦች ትግበራ ጋር የተጣጣመ ኢንቨስትመንትን በመሳብ አመርቂ ውጤት ላስመዘገቡ አገሮች የሚሰጠውን ሽልማት ኢትዮጵያ በዚህ ዓመት ባስመዘገበችው የላቀ አፈጻጸም ሳቢያ ዓለም አቀፍ ተሸላሚ ለመሆን መብቃቷን የኢንቨስትመንት ኮሚሽን አስታወቀ።

    የተባበሩት መንግሥታት ድርጅት የንግድና የልማት ኮንፈረንስ (UNCTAD) ኅዳር 10 ቀን 2010 ዓ.ም. በስዊዘርላንድ፣ ጄኔቫ ባካሄደው የኢንቨስትመንትና የልማት ስብሰባ ወቅት የዓመቱ ምርጥ ፈጻሚ አገሮችን ይፋ ማድረጉን የኢንቨስመንት ኮሚሽን ለሪፖርተር በላከው መግለጫ ጠቅሷል። ኢትዮጵያን በመወከል ሽልማቱን ከተረከበው ከኢንቨስትመንት ኮሚሽን በተጨማሪ፣ የሞሪሽየስ የኢንቨስትመንት ቦርድና የስፔኑ ኮፋይደስ እ.ኤ.አ. የ2017 ተሸላሚ ሆነዋል፡፡

    በኢትዮጵያ ኢንቨስትመንት ኮሚሽን ኮሚሽነር አቶ ፍጹም አረጋ የተመራው የኢትዮጵያ ልዑካን ቡድን፣ በሲዊዘርላንድ የኢትዮጵያ ባለሙሉ ሥልጣን አምባሳደርና በጄኔቫ የተመድና ሌሎች ዓለም አቀፍ ተቋማት ቋሚ መልዕክተኛ አምባሳደር ነጋሽ ክብረት በተገኙበት ሽልማቱን ተቀብሏል።

    በሽልማት ሥነ ሥርዓቱ ወቅት የተባበሩት መንግሥታት ድርጅት የንግድና ልማት ኮንፈረንስ (UNCTAD) የኢንቨስትመንት ዳይሬክተር ጄምስ ዣን እንደተናገሩት፣ የኢትዮጵያ ኢንቨስትመንት ኮሚሽንን ለሽልማት ካበቁት መለኪያዎች መካከል መንግሥት ጥራት ያለው ኢንቨስትመንት በተቀናጀ መልኩ በመሳብና ድጋፍ በመስጠት ባከናወናቸው ሥራዎች ነው፡፡ በዚህም ለዘላቂ የልማት ግቦች መሳካት ቀጥተኛ አስተዋጽኦ የሚያበረክቱ የኢንቨስትመንት ፕሮጀክቶችን ለማስተግበር መንቀሳቀሱም ለሽልማት እንዳበቃው ጠቅሷል።

    የአገሪቱ የአረንጓዴ ኢንዱስትሪ የልማት ስትራቴጂ እንደ ሐዋሳ ኢንዱስትሪ ፓርክ ያሉ ከብክለት ነፃ በሆነ መንገድ በተገነቡ የኢንዱስትሪ ፓርኮች ውስጥ ምርቶቻቸውን እንዲያመርቱ የተመረጡ ኢንቨስተሮችን መሳብ መቻሉ፣ ለሌሎች አገሮችም ምሳሌ የሚሆን ሥራ መሥራቱ፣ ለሽልማቱ አስተዋጽኦ ማድረጋቸውን ኮሚሽኑ አስታውቋል። መንግሥት ከፍተኛ የሥራ ዕድል የሚፈጥሩ ሥራዎችን በመሥራት፣ ሴቶችንና ወጣቶችን ተጠቃሚ በማድረግ፣ የማኅበራዊና አካባቢያዊ ተፅዕኖዎች ላይ መሥራቱ፣ ጥራት ያለው የውጭ ኢንቨስትመንት ለመሳብ የፖሊሲ ማሻሻያዎችና አሠራሮችን ማከናወኑም ለሽልማት ካበቁት ውስጥ ይገኙበታል።

    የዓለም ባንክ ውጤታማ የፖሊሲና የአሠራር ማሻሻያዎችን በመተግበር ኢንቨስትመንትን በመሳብ አገሪቱ በዓመቱ ያስመዘገበችውን ውጤት የኮከብ ፈጻሚ ደረጃ (2017 Star Reformer Award) በመስጠት ለኢትዮጵያ መንግሥት ማበርከቱን ኮሚሽኑ አስታውሷል። እነዚህ ውጤት ኢትዮጵያ እ.ኤ.አ. በ2025 በአፍሪካ የማምረቻ ኢንዱስትሪ ቀዳሚ ማዕከል ለመሆን ያነገበችውን ራዕይ የምታሳከበት ትክክለኛው አካሄድ ለመሆኗ ማሳያ ነው ሲል አስታውቋል፡፡

     

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች