Tuesday, February 27, 2024
- Advertisement -
- Advertisement -
ዜናፓርላማው ሁለት የፌዴራል ዳኞችን ሹመት አነሳ

ፓርላማው ሁለት የፌዴራል ዳኞችን ሹመት አነሳ

ቀን:

 የሕዝብ ተወካዮች ምክር ቤት ባለፈው ማክሰኞ በዋለው መደበኛ ጉባዔው፣ የሁለት የፌዴራል ዳኞችን ሹመት አነሳ፡፡ ውሳኔውን ያስተላለፈው ሁለቱ ዳኞች በሙስና ወንጀል ተከሰው ጥፋተኛ መሆናቸውን ካረጋገጠ በኋላ መሆኑ ታውቋል፡፡

የፌዴራል ዳኞችን ሹመት የሚያፀድቀው የሕዝብ ተወካዮች ምክር ቤት ሲሆን፣ ከሹመት የሚያነሳውም ራሱ ፓርላማው እንደሆነ በሕግ ተደንግጓል፡፡ በዚሁ መሠረት የፌዴራል ዳኞች አስተዳደር ጉባዔ ታኅሳስ 7 ቀን 2007 ዓ.ም. ለምክር ቤቱ በጻፈው ደብዳቤ፣ ሁለቱ ዳኞች እንዲነሱለት መጠየቁን መረጃዎች አመልክተዋል፡፡

ፓርላማው ጉዳዩን ለራሱ የሕግ፣ ፍትሕና አስተዳደር ጉዳዮች ቋሚ ኮሚቴ በመምራት ጥያቄውንና ምክንያቱን እንዲመረምር ልኮታል፡፡ ኮሚቴው ከዳኝነት እንዲነሱ የተባሉትን አንደኛ የፌዴራል ከፍተኛ ፍርድ ቤት ዳኛ አቶ ብርሃኑ መሸሻ ላቀው፣ ሁለተኛው ደግሞ በፌዴራል የመጀመርያ ደረጃ ፍርድ ቤት ዳኛ አቶ ዘሪሁን አስፋው ቅጣው ላይ የተጠቀሰውን የዲሲፕሊን ችግር መመርመሩን፣ የቀረበው የውሳኔ ሐሳብ ያስረዳል፡፡

- Advertisement -

Video from Enat Bank Youtube Channel.

አቶ ብርሃኑ መሸሻ ላቀው ከሐምሌ 2001 ዓ.ም. ጀምሮ በፌዴራል ከፍተኛ ፍርድ ቤት በዳኝነት ሲሠሩ የቆዩ መሆኑን፣ ነገር ግን የፌዴራል ሥነ ምግባርና ፀረ ሙስና ኮሚሽን በጉቦ መቀበል ወንጀል በፌዴራል ከፍተኛ ፍርድ ቤት ክስ አቅርቦ ፍርድ ቤቱ ተከሳሹን በነፃ እንዳሰናበተ፣ ኮሚሽኑ በመቀጠል በይግባኝ ክሱን ለጠቅላይ ፍርድ ቤት አቅርቦ በመዝገብ ቁጥር 90525 መስከረም 30 ቀን 2006 ዓ.ም. ተከሳሹን ጥፋተኛ እንዳላቸው አረጋግጧል፡፡

በጥቅምት ወር 2006 ዓ.ም. በሰጠው የቅጣት ውሳኔም ተከሳሹ የስምንት ዓመት ጽኑ እስራትና 5,000 ብር እንዲቀጡ ወስኗል፡፡ ይሁን እንጂ ግለሰቡ ቅጣቱ ተግባራዊ እንዳይሆንባቸው አገር ለቀው መሄዳቸውንም አረጋግጧል፡፡

አቶ ዘሪሁን አሰፋ ቅጣው የተባሉት ዳኛም እንደዚሁ በጉቦ መቀበል የሙስና ወንጀል በሥነ ምግባርና ፀረ ሙስና ኮሚሽን ክስ ተመሥርቶባቸው፣ በከፍተኛ ፍርድ ቤት የአራት ዓመት ጽኑ እስራትና የ7,000 ብር ቅጣት እንደተጣለባቸው፣ የይግባኝ መብታቸውን ተጠቅመው እስከ ሰበር ሰሚ ችሎት ሕጋዊ መብታቸውን መጠቀማቸውን፣ ነገር ግን በሁሉም ፍርድ ቤቶች ጥፋተኝነታቸው መፅናቱን ኮሚቴው አረጋግጧል፡፡

በመሆኑም የፌዴራል ዳኞች አስተዳዳር ጉባዔ የዳኞቹ ሹመት እንዲነሳ የጠየቀው በሕግ አግባብ መሆኑን ቋሚ ኮሚቴው በሙሉ ድምፅ በመስማማት፣ ፓርላማው ሁለቱን ግለሰቦች ከዳኝነት እንዲያሰናብት ጠይቋል፡፡ ምክር ቤቱም የውሳኔ ሐሳቡን በሙሉ ድምፅ ተቀብሎታል፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...