Tuesday, October 4, 2022
ሌሎች ዓምዶች
    - Advertisement -
    - Advertisement -
    ስፖርትሻምፒዮኑና ወራጁ ያለየለት የኢትዮጵያ ፕሪሚየር ሊግ ቅዳሜና እሑድ ይቀጥላል

    ሻምፒዮኑና ወራጁ ያለየለት የኢትዮጵያ ፕሪሚየር ሊግ ቅዳሜና እሑድ ይቀጥላል

    ቀን:

    ሊጠናቀቅ ሰባት ጨዋታ የሚቀረው የኢትዮጵያ ፕሪሚየር ሊግ የ20ኛው ሳምንት መርሐ ግብር ቅዳሜና እሑድ ቀጥሎ ይውላል፡፡ ቅዱስ ጊዮርጊስና ሲዳማ ቡና በእኩል  38 ነጥብ በጎል ክፍያ ተበላልጠው የዋንጫው ፉክክር ተጠናክሮ እንዲቀጥል ምክንያት ሆነዋል፡፡

    እስካሁን በተደረጉት የ19 ሳምንት ጨዋታዎች ቅዱስ ጊዮርጊስ በ38 ነጥብና በ15 የጎል ክፍያ ሊጉን ሲመራ፣ በተመሳሳይ ሲዳማ ቡና በስድስት የጎል ክፍያ ተበልጦ በሁለተኛ ደረጃ ይከተላል፡፡ ከታች ደግሞ ወልዲያ ከነማ በዘጠኝ ነጥብና በ22 የጎል  ዕዳ የመጨረሻውን ደረጃ ይዞ ሲከተል ዳሸን ቢራ፣ ሙገር ሲሚንቶና ሐዋሳ ከነማ በእኩል 19 ነጥብና በተቆጠረባቸው የጎል ዕዳ ተበላልጠው ላለመውረድ የሚያደርጉትን ትንቅንቅ አጠናክረው ቀጥለውበታል፡፡

    ልዩነት ይፈጠርበታል ተብሎ የሚጠበቀው የ20ኛው ሳምንት የጨዋታ መርሐ ግብር የፊታችን ቅዳሜና እሑድ ቀጥሎ ሲውል፣ በወጣው ፕሮግራም መሠረት ቅዳሜ ሁለት ተስተካካይ ጨዋታ ከመከላከያና ከሐዋሳ ከነማ ጋር የሚቀረው ደደቢት ከኢትዮጵያ ቡና ጋር በአዲስ አበባ ስታዲየም ይጫወታል፡፡ እሑድ ቅዱስ ጊዮርጊስና ኢትዮጵያ ንግድ ባንክ በአዲስ አበባ ስታዲየም ከቀኑ በ10 ሰዓት ሲጫወቱ፣ በክልል ከተሞች ወልዲያ ከነማ ከወላይታ ድቻ፣ ሐዋሳ ከነማ ከመከላከያ፣ አዳማ ከነማ ከሲዳማ ቡና፣ አርባ ምንጭ ከነማ ከሙገር ሲሚንቶ እንዲሁም ዳሸን ቢራ ከኢትዮጵያ ኤሌክትሪክ በተመሳሳይ ዘጠኝ ሰዓት ላይ ይጫወታሉ ተብሎ እንደሚጠበቅ ታውቋል፡፡

     

    - Advertisement -

    ይመዝገቡ

    spot_img
    spot_img