Monday, June 24, 2024
- Advertisement -
- Advertisement -
ዜናአቶ በቀለ ገርባ በዋስትና ጉዳይ ላይ ለሰበር ሰሚ ችሎት መልስ ሰጡ

አቶ በቀለ ገርባ በዋስትና ጉዳይ ላይ ለሰበር ሰሚ ችሎት መልስ ሰጡ

ቀን:

‹‹ሕጉንና ውሳኔውን በማገናዘብ ወይም ወደ ጎን ትቶ ያሻውን ውሳኔ ይስጠኝ››

አቶ በቀለ ቀርባ

የተከሰሱበት የሽብር ተግባር ወንጀል በመደበኛ ወንጀል የተቀየረ ቢሆንም፣ የዋስትና መብት የተነፈጋቸው የኦሮሞ ፌዴራሊስት ኮንግረስ (ኦፌኮ) ምክትል ሊቀመንበር አቶ በቀለ ገርባ፣ ዋስትናቸውን ላገደው የፌዴራል ጠቅላይ ፍርድ ቤት ሰበር ሰሚ ችሎት ምላሻቸውን ሰጡ፡፡

የሥር ፍርድ ቤቶች ማለትም የፌዴራል ከፍተኛ ፍርድ ቤት ልደታ ምድብ ከፍተኛ ወንጀል ችሎት አንቀጹን ቀይሮ ለምን ተከላከሉ እንዳላቸው፣ ይግባኝ ሰሚ ችሎት ደግሞ ሕገ መንግሥታዊ የዋስትና መብታቸውን አስከብሮላቸው የ30,000 ብር ዋስትና አስይዘው ለመፈታት ሲጥሩ መፈታት አለመቻላቸውን፣ በዝርዝር አብራርተው ለሰበር ችሎቱ ምላሽ ሰጥተዋል፡፡

የከፍተኛው ፍርድ ቤት ‹‹ተከላከል›› ውሳኔ ‹‹ፖለቲካዊ ውሳኔ ነው›› ያሉት አቶ በቀለ፣ ጠቅላይ ፍርድ ቤት ያከበረላቸው የዋስትና መብት ደግሞ ከሕግ በላይ የሆነ አካል ማረሚያ ቤቱ እዳይፈታቸው ትዕዛዝ መስጠቱን እንደገመቱ አስረድተዋል፡፡ ሰበር ሰሚው ችሎት ለወትሮው የሚቀርቡለትን አቤቱታዎች ለመስማት ለወራት ይቀጥር እንደነበር ያስታወሱት አቶ በቀለ፣ በእሳቸው ላይ የቀረበውን አቤቱታ በአንድ ቀን ልዩነት (የሥር ፍርድ ቤቱ እንዲለቀቁ በተወሰነ በአንድ ቀን) ሰምቶ ‹‹ያስቀርባል›› በማለት፣ መሠረታዊውንና በሕግና በፍርድ ቤት የተረጋገጠላቸውን የዋስትና መብት ማገዱን ገልጸዋል፡፡

ይኼ ውሳኔ ግን ከሕግ በላይ በሆነ አካል አስተባባሪነት፣ በማረሚያ ቤቱና በዓቃቤ ሕግ መካከል በተደረሰ የፖለቲካ ውሳኔ የተሰጠ መሆኑን አስረድተዋል፡፡ ይኼንንም እንኳን እሳቸው ጉዳዩን ለሚከታተለው ለኢትዮጵያ ሕዝብም ሆነ ለዓለም አቀፉ ማኅበረሰብ ግልጽ የሆነ ጉዳይ መሆኑን ጠቁመዋል፡፡

‹‹ፍርድ ቤቱ ቀድሞውንም ችግር ውስጥ የነበረውን ክብሩን አጥቷል፡፡ ተዓማኒም አልሆነም፡፡ ሰበር ሰሚ ችሎቱ ተፈቅዶልኝ የነበረውን የዋስትና መብት ሲያግድ የዋስትና መብቴን ለዘለቄታው እየከለከለኝ መሆኑ ግልጽ ነው፤›› ያሉት አቶ በቀለ፣ ምላሽ ያቀረቡትም ዓቃቤ ሕግ ያቀረበው የሰበር አቤቱታ መልስ የሚያሻውና ችሎቱም ፍትሐዊ ውሳኔ ይሰጠኛል ብለው ሳይሆን፣ መዝገቡ ከታች እስከ ሰበር ድረስ በምን ሒደት ውስጥ እንዳለፈ ወደፊት በዳኝነት ነፃነት ጉዳይ ላይ ምርምር ለሚያደርጉ ተመራማሪዎች ማስረጃ እንዲሆን መሆኑን አብራርተዋል፡፡

ለአገራቸው ተቋምም ተገቢውን ክብር ላለመንፈግም በመሆኑ፣ ችሎቱ ሕጉንና የጠቅላይ ፍርድ ቤቱን ውሳኔ በማገናዘብ ወይም ሕጉን ወደ ጎን ትቶ ያሻውን ውሳኔ እንዲሰጣቸው በምላሻቸው ጠይቀዋል፡፡ ችሎቱ የዓቃቤ ሕግን የመልስ መልስ ለመጠባበቅ ለታኅሳስ 2 ቀን 2010 ዓ.ም. ቀጠሮ ሰጥቷል፡፡                  

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...