Monday, June 24, 2024
- Advertisement -
- Advertisement -
ዜናበአርሲ ነገሌ በግለሰቦች ግጭት ምክንያት የሰው ሕይወት ሲጠፋ ንብረት ወደመ

በአርሲ ነገሌ በግለሰቦች ግጭት ምክንያት የሰው ሕይወት ሲጠፋ ንብረት ወደመ

ቀን:

በኦሮሚያ ክልል ምዕራብ አርሲ ዞን አርሲ ነገሌ ከተማ ውስጥ በሁለት ጓደኛሞች አለመግባባት ምክንያት በተፈጠረ ግጭት፣ የሰው ሕይወት መጥፋቱና ግምቱ ለጊዜው መጠኑ ያልታወቀ ንብረት መውደሙ ተገለጸ፡፡

የሪፖርተር ታማኝ ምንጮች እንደገለጹት በአርሲ ነገሌ ከተማ ልዩ ስሙ 03 ጡረታ ሠፈር በሚባለው አካባቢ፣ ሁለት ጓደኛሞች ደረጀ ግሮሰሪና ሆቴል የሚባል መዝናኛ ውስጥ ይጋጫሉ፡፡ የሁለቱ ጓደኛሞች ግጭት እየጠነከረ በመምጣቱ፣ የግሮሰሪው ባለቤት ሊገላግሉ በመሀል ሲገቡ ታጥቀውት የነበረ ሽጉጥ ባርቆ አንደኛውን መግደሉን ምንጮች ተናግረዋል፡፡  

ለመገላገል ገብተው ሕይወት ያጠፉት የግሮሰሪው ባለቤት እጃቸውን ለፖሊስ የሰጡ ቢሆንም፣ የአካባቢው ወጣቶችና ነዋሪዎች በመደራጀት ዓርብ ኅዳር 15 ቀን 2010 ዓ.ም. ከቀትር በኋላ ግሮሰሪውን በእሳት ማቃጠላቸውን ምንጮች አስረድተዋል፡፡

በመቀጠልም በአካባቢው የሚገኙ ሱቆች፣ ቡቲኮች፣ ምግብ ቤቶችና የደረሰ እህል እየለዩ ሲያቃጥሉ እንደነበር አስረድተዋል፡፡

ረብሻውና ጉዳቱ እየጨመረና ወደ ሌላ እየተስፋፋ ስለነበር፣ ከሻሸመኔና ከሌሎች አካባቢዎች የመከላከያ ሠራዊትና የክልሉ ፖሊሶች ሥፍራው መድረሳቸውን ምንጮች ጠቁመዋል፡፡

ስለደረሰው ጉዳትና ስላለበት ሁኔታ ሪፖርተር ዓርብ ማምሻውን በስልክ ያነጋገራቸው የአርሲ ነገሌ ከተማ ፖሊስ አዛዥ ኢንስፔክተር አብርሃም ግጭቱ የሁለት ጓደኛሞች ቢሆንም፣ መስመር አልፎ መሄዱንና በንብረት ላይ ጉዳት መድረሱን አረጋግጠዋል፡፡

ኅትመት እስከገባንበት ኅዳር 15 ቀን 2010 ዓ.ም. እኩለ ሌሊት ድረስ የመከላከያ ሠራዊትና ተጨማሪ የፖሊስ ኃይል በአካባቢው ስለደረሰ በቁጥጥር ሥር ለማዋል ጥረት እየተደረገ እንደነበር ኢንስፔክተሩ አክለዋል፡፡

የአርሲ ነገሌ ወረዳ አስተዳዳሪ አቶ ገመዳ ቱሉን ሪፖርተር አነጋግሯቸው ችግሩ መከሰቱን የሰሙ ቢሆንም፣ እሳቸው ከአካባቢው ርቀው ሥልጠና ላይ በመሆናቸው ምን ደረጃ ላይ እንደሆነ ስላላወቁ ምላሽ ለመስጠት እንደሚቸገሩ ተናግረዋል፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...