Sunday, April 14, 2024
- Advertisement -
- Advertisement -
ስፖርትየሜጀር ጄኔራል ኃየሎም አርአያ መታሰቢያ የሩጫ ውድድር በመቀለ

የሜጀር ጄኔራል ኃየሎም አርአያ መታሰቢያ የሩጫ ውድድር በመቀለ

ቀን:

የኢትዮጵያ አትሌቲክስ ፌዴሬሽን በየዓመቱ በመደበኛነት ከሚያከናውናቸው የውድድር መርሐ ግብሮች መካከል የሜጀር ጄኔራል ኃየሎም አርአያ መታሰቢያ የ15 ኪሎ ሜትር የጎዳና ላይ ሩጫ ይጠቀሳል፡፡ በመለ ከተማ በተከናወነው የጎዳና ውድድር ሁለቱን የከተማ አስተዳደሮች ጨምሮ ክልሎችና ክለቦች ተሳትፈውበታል፡፡

ባለፈው እሑድ የካቲት 19 ቀን 2009 ዓ.ም. መነሻና መድረሻውን በመለ ሐውዜን አደባባይ አድርጎ በተደረገው 15 ኪሎ ሜትር የጎዳና ላይ ሩጫ በርካታ ቁጥር ያለው የከተማው ነዋሪ በተገኘበት በስኬት መጠናቀቁን ብሔራዊ ፌዴሬሽኑ በላከው መግለጫ አስታውቋል፡፡ በመግለጫው መሠረት በክልሎች መካከል በሴቶች በተደረገው ፉክክር እሌኒ ኃይለማርያም ከትግራይ አንደኛ በመሆን ስታጠናቅቅ፣ ሁለተኛና ሦስተኛ በመሆን የአማራና የአዲስ አበባ ተወዳዳሪዎች ርቀቱን ጨርሰዋል፡፡ በወንዶች ገብሬ እርቅይሁንና ሙላት ባዘዘው ከአማራ አንደኛና ሁለተኛ በመሆን የወርቅና የብር ሜዳሊያን ሲያጠልቁ ደጀን ቱፋ ከአዲስ አበባ ሦስተኛ ሆኖ የነሐስ ሜዳሊያ አግኝቷል፡፡

በክለቦች መካከል በሴቶች የብርጓል መለሰ ከመከላከያ አንደኛ ስትወጣ፣ አያንቱ ገመቹና ሙሉሀብተ ፀጋ ሁለቱም ከፌዴራል ፖሊስ አንደኛና ሁለተኛ በመሆን አጠናቀዋል፡፡ በወንዶች ደግሞ ልዑል ገብረሥላሴ ከመከላከያ፣ መሠረት ገረመው ከአማራና አሰፋ ተፈራ ከደብረ ብርሃን ዩኒቨርሲቲ ከአንደኛ እስከ ሦስተኛ ያለውን ደረጃ ማግኘታቸው ታውቋል፡፡

- Advertisement -

Video from Enat Bank Youtube Channel.

በክልሎችና በከተማ አስተዳደሮች መካከል በሴቶች የአጠቃላይ አሸናፊ የአማራ ክልል ሲሆን፣ ሁለተኛና ሦስተኛ በመሆን የዋንጫ ተሸላሚ የሆኑት ደግሞ ትግራይና አዲሰ አበባ ናቸው፡፡ በወንዶች አንደኛ በመሆን የዋንጫ ተሸላሚ የሆነው አዲስ አበባ  ሲሆን፣ አማራና ትግራይ ሁለተኛና ሦስተኛ ሆነው ማጠናቀቃቸው ታውቋል፡፡ በክለቦች መካከል ሴቶች ፌዴራል ፖሊስ የአጠቃላይ አሸናፊ ሲሆን፣ ኢትዮጵያ ንግድ ባንክና መከላከያ ሁለተኛና ሦስተኛ ሆነዋል፡፡ በወንዶች ደግሞ የኢትዮጵያ ንግድ ባንክ የአጠቃላይ አሸናፊ ሲሆን፣ ኢትዮ ኤሌክትሪክና አማራ ፖሊስ ሁለተኛና ሦስተኛ በመሆን ማጠናቀቃቸው የፌዴሬሽኑ መግለጫ አስታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...

‹‹ደስታ›› የተባለችው አማርኛ ተናጋሪ ሮቦት በሳይንስ ሙዚየም

‹‹እንደ ሮቦት ዋነኛው አገልግሎቴ ውስብስብ የሆኑ የቴክኖሎጂ ውጤቶችንና አሠራሮችን...