Sunday, November 27, 2022
ሌሎች ዓምዶች
    - Advertisement -
    - Advertisement -
    ማኅበራዊከቃሊቲ እስከ ቂሊንጦ የሚገነቡ ሁለት የመንገድ ኮሪደሮች በ4.7 ቢሊዮን ብር ሊጀመሩ ነው

    ከቃሊቲ እስከ ቂሊንጦ የሚገነቡ ሁለት የመንገድ ኮሪደሮች በ4.7 ቢሊዮን ብር ሊጀመሩ ነው

    ቀን:

    በአዲስ አበባ ከተማ ከተገነቡ የመንገድ ፕሮጀክቶች ውስጥ ከፍተኛ የሆነ ወጪ ይወጣበታል የተባለው በተለያዩ አቅጣጫዎች የሚገነባው የቃሊቲ – ቱሉ ዲምቱና የቃሊቲ – ቂሊጦ ሁለት የመንገድ ኮሪደሮች ፕሮጀክት፣ በ4.7 ቢሊዮን ብር ለመገንባት የተስማማው የቻይና ኩባንያ ግንባታውን ማክሰኞ የካቲት 7 ቀን 2009 ዓ.ም. ሊጀምር ነው፡፡

    ከአዲስ አበባ ከተማ መንገዶች ባለሥልጣን የተገኘው መረጃ እንደሚያመለክተው በሁለት አቅጣጫዎች የሚገነቡት መንገዶች፣ መነሻቸው ከቃሊቲ አደባባይ (ማሠልጠኛ) ጀምሮ የደብረ ዘይትን መንገድ በመያዝ ከተለያዩ አቅጣጫዎች የሚመጡ መንገዶችን ያቀባብላሉ፡፡

    በኢትዮጵያ መንገድ ግንባታ ታሪክ የመጀመርያውን የአዲስ አበባ – አዳማ የፍጥነት መንገድ ጨምሮ የተለያዩ የመንገድ ፕሮጀክቶችን በመገንባት የሚታወቀው ቻይና ኮሙዩኒኬሽንስ ኮንስትራክሽን ኩባንያ (ሲሲሲሲ)፣ የግንባታ ሥራውን የተረከበው በድርድር ነው፡፡

    ኮንትራክተሩ የፍጥነት መንገዱንም ሆነ ከፍጥነት መንገዱ ወደ አዲስ አበባ በሁለት አቅጣጫ የሚያገናኙ መንገዶችን የገነባው ከቻይና ኤግዚም ባንክ ፋይናንስ እንዲቀርብ በማድረጉ ሲሆን፣ አሁንም ለዚህ መንገድ ግንባታ ከሚያስፈልገው ወጪ 50 በመቶ የሚሆነውን ገንዘብ ከቻይና ኤግዚም ባንክ ብድር እንዲገኝ በማድረግ ሥራው ሊሰጠው እንደቻለ ለማወቅ ተችሏል፡፡ ቀሪው 50 በመቶ ደግሞ በኢትዮጵያ መንግሥት የሚሸፈን እንደሆነ ለማወቅ ተችሏል፡፡

    ሁለቱ የመንገድ ኮሪደሮች የአገሪቱ የወጪና ገቢ ንግድን በማስተናገድ የሚታወቀውን የደብረ ዘይት መንገድ በአዲስ መልክ እንዲገነባ የሚያደርጉ ሲሆን፣ ከላይና ከታች ተሽከርካሪዎችን የሚያስተናግዱ ተላላፊ መንገዶችን አካተው ይይዛሉ፡፡ በሁለት አቅጣጫ ከሚገነቡት መንገዶች ውስጥ አንደኛው 11 ኪሎ ሜትር፣ ሁለተኛው ደግሞ 10.5 በድምሩ 21.5 ኪሎ ሜትር የሚሸፍን እንደሆኑ የአዲስ አበባ ከተማ መንገዶች ባለሥልጣን ዋና ሥራ አስኪያጅ ኢንጂነር ሀብታሙ ተገኝ ለሪፖርተር ገልጸዋል፡፡

    በአዲስ አበባ እስካሁን ከተገነቡ ትልልቅ የመንገድ ፕሮጀክቶች መካከል ተጠቃሽ የመንገድ ኮሪደር እንደሚሆን የገለጹት ኢንጂነር ሀብታሙ፣ ለዓመታት አገልግሎት ሲሰጥ የቆየውን የአቃቂ ድልድይ እንደ አዲስ ይገነባል ብለዋል፡፡ የመንገድ ግንባታው በመጪው ማክሰኞ በይፋ ተጀምሮ በአራት ዓመታት ውስጥ እንደሚጠናቀቅ ተገልጿል፡፡  

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...