Monday, June 24, 2024
- Advertisement -
- Advertisement -
ስፖርትታዋቂው የአሜሪካ ቅርጫት ኳስ ማኅበር ለኢትዮጵያ የቴክኒክ ድጋፍ ለመስጠት ተስማማ

ታዋቂው የአሜሪካ ቅርጫት ኳስ ማኅበር ለኢትዮጵያ የቴክኒክ ድጋፍ ለመስጠት ተስማማ

ቀን:

የኢትዮጵያ ቅርጫት ኳስ ፌዴሬሽንና በአሜሪካ የቅርጫት ኳስ ስፖርት ቁልፍ ቦታ ያለው ናሽናል ባስኬት ቦል አሶሴሽን (ኤንቢኤ) በጋራ ለመሥራት ተስማሙ፡፡ ስምምነቱ ለኢትዮጵያ ቅርጫት ኳስ ትልቅ ጠቀሜታ እንዳለውም ተነግሯል፡፡ ኤንቢኤ በሰሜን አሜሪካ፣ የካናዳና የአሜሪካ 30 ክለቦች በአባልነት የታቀፉበት ግዙፍ የስፖርት ተቋም ነው፡፡ ቅርጫት ኳስ በዓለም እንዲስፋፋና ተፅዕኖ ፈጣሪ እንዲሆን ልዩ ልዩ ድጋፎች በማድረግ ሲታወቅ፣ በአፍሪካ ደቡብ አፍሪካን ጨምሮ አምስት አገሮች ከኤንቢኤ ጋር ግንኙነት ፈጥረዋል፡፡ ኢትዮጵያም ከኤንቢኤ ጋር ተመሳሳይ ግንኙነት በመመሥረት ከተቋሙ የሚሰጡ ድጋፎችንና ስፖርቱን የሚያሳድጉ ግንኙነቶችን ከትናንት በስቲያ ጥር 29 ቀን 2009 ዓ.ም. በአዲስ አበባ ሒልተን ስምምነት ፈጽማለች፡፡ ከሰሞኑም የኤንቢኤ የአፍሪካ ኃላፊዎች በአዲስ አበባ ጉብኝት በማድረግ ላይ ይገኛሉ፡፡ ከኢትዮጵያ ቅርጫት ኳስ ፌዴሬሽን ኃላፊዎች ጋርም ተወያይተዋል፡፡ የብሔራዊ ፌዴሬሽኑ ፕሬዚዳንት በመሆን በቅርቡ የተመረጡት ዶ/ር አሸብር ወልደጊዮርጊስ፣ በፌዴሬሽኑና በኤንቢኤ መካከል የተመሠረተው ግንኙነት ይበልጥ እንዲጠናከርና የአሜሪካ ቅርጫት ኳስ ባለሟሎችም ኢትዮጵያ በመምጣት ልዩ ልዩ የሥልጠናና ሌሎች የቴክኒክ ድጋፎችን እንዲሰጡ ለማድረግ እንዲቻል ስምምነት መደረሱን ገልጸዋል፡፡ ረዥም የምሥረታ ዕድሜ ካላቸው የስፖርት ተቋማት መካከል አንዱ የኢትዮጵያ ቅርጫት ኳስ ፌዴሬሽን ተጠቃሽ ነው፡፡ ይሁንና ስፖርቱ የዕድሜውን ያህል ዕድገት ማሳየት ቀርቶ ቀደም ሲል የነበረውን እንኳን ማስቀጠል ተስኖት ቆይቷል፡፡ እስከ ቅርብ ጊዜ ድረስ በተለምዶ ስሙ በአዲስ አበባ ትንሿ ስታዲየም ቆርቆሮ በቆርቆሮ በሆነች አነስተኛ ዛኒጋባ ውስጥ ዋና ጽሕፈት ቤቱን አድርጎ የቆየው ብሔራዊ ፌዴሬሽኑ፣ የተቋሙን ኃላፊነት በቅርቡ በምርጫ የተረከበው ሥራ አመራር ቦርድ ጽሕፈት ቤቱን ከማደራጀት ጀምሮ ስፖርቱን አንድ ዕርምጃ ወደፊት ሊያስኬድ የሚችል እንቅስቃሴ ጀምሯል፡፡ ከእንቅስቃሴ ውስጥ ሰኞ ጥር 29 ቀን 2009 ዓ.ም. በአዲስ አበባ ሒልተን ከኤንቢኤ ጋር ያደረገው ስምምነት ይጠቀሳል፡፡ ኤንቢኤ ዓለም አቀፍ የገበያ አጋርነት የአፍሪካ ዳይሬክተር ሚስተር ካይል ደክለርክ ስምምነቱን አስመልክቶ፣ ተቋማቸው በአፍሪካ ከአምስት ያላነሱ አገሮች ጋር በትብብር እየሠራ እንደሚገኝ ተናግረዋል፡፡ ኢትዮጵያን ከነዚህ አገሮች አንዷ ለማድረግ ፍላጎት ያሳየበት ይህ ስምምነት ትልቅ ትርጉም እንዳለ ጭምር ገልጸዋል፡፡ በአሁኑ ወቅት በኤንቢኤና በፌዴሬሽኑ መካከል የተደረሰው ስምምነት የዚሁ ሒደት አንድ አካል መሆኑንም ተናግረዋል፡፡ የኢትዮጵያን ቅርጫት ኳስ በቀላል ወጪ ትልቅ ደረጃ ማድረስ እንደሚቻልም ዳይሬክተሩ ስምምነቱን ባደረጉበት ወቅት ገልጸዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...