Monday, December 5, 2022
ሌሎች ዓምዶች
    - Advertisement -
    - Advertisement -
    ዜናኢትዮጵያን ከደቡብ ሱዳን ጋር የሚያገናኝ መንገድ እየተገነባ ነው

    ኢትዮጵያን ከደቡብ ሱዳን ጋር የሚያገናኝ መንገድ እየተገነባ ነው

    ቀን:

    ኢትዮጵያና ደቡብ ሱዳንን በኢኮኖሚ ለማስተሳሰር ከተያዙ ግዙፍ ፕሮጀክቶች አንዱ የሆነው የመንገድ አውታር ግንባታ፣ በኢትዮጵያ በኩል እየተካሄደ ነው፡፡ ደቡብ ሱዳንም ይኼንን ፕሮጀክት ዕውን ለማድረግ ከኢትዮጵያ ጋር መክራለች፡፡

    ኢትዮጵያ ከሚዛን ዲማ፣ ከዲማ ራድ ድረስ የመንገድ አውታር ግንባታ በማካሄድ ላይ ትገኛለች፡፡  ከሚዛን ዲማ ድረስ ያለውን 91 ኪሎ ሜትር መንገድ የቻይና ኩባንያ የሆነው ኤምሲሲ፣ ከዲማ የድንበር ከተማ እስከሆነው ራድ ድረስ ያለውን 62 ኪሎ ሜትር መንገድ የኢትዮጵያ መንገዶች ኮርፖሬሽን በማካሄድ ላይ ይገኛሉ፡፡

    የኢትዮጵያ መንገዶች ባለሥልጣን ሕዝብ ግንኙነት ኃላፊ አቶ ሳምሶን ወንድሙ ለሪፖርተር እንደገለጹት፣ እነዚህ ፕሮጀክቶች ከሁለት ቢሊዮን ብር በላይ በሆነ ወጪ በመገንባት ላይ ናቸው፡፡ ፕሮጀክቱ በሚቀጥለው ዓመት ይጠናቀቃሉ ተብሎ እንደሚጠበቅ አቶ ሳምሶን ጨምረው ገልጸዋል፡፡

    ከራድ እስከ ደቡብ ሱዳን ዋና ከተማ ጁባ ድረስ ያለውን መንገድ የደቡብ ሱዳን መንግሥት ያከናውናል ተብሎ ይጠበቃል፡፡

    ለአፍሪካ ኅብረት ጉባዔ በዚህ ሳምንት አዲስ አበባ የሚገኙት የደቡብ ሱዳን ፕሬዚዳንት ሳልቫ ኪር በሁለቱ አገሮች ኢኮኖሚያዊ ግንኙነትና በወቅታዊ ጉዳዮች ላይ ከጠቅላይ ሚኒስትር ኃይለ ማርያም ደሳለኝ ጋር ተነጋግረዋል፡፡

    ሁለቱ መሪዎች የኢትዮጵያንና የደቡብ ሱዳንን ግንኙነት ለማጠናከር አገሮቹ የመሠረተ ልማት ግንባታ በተለይም የመንገድ፣ የባቡርና የነዳጅ ማጣሪያ ግንባታዎችን በጋራ ለማካሄድ መክረዋል፡፡

    ኢትዮጵያ ኢኮኖሚያዊ ጠቀሜታ አላቸው ተብለው ከሚታመኑ ኮሪደሮችና ጎረቤት አገሮች ጋር በመንገድና በባቡር በመተሳሰር ላይ ትገኛለች፡፡ ለመተሳሰርም የተለያዩ ፕሮጀክቶች ተነድፈው እየተሠሩ መሆኑ ይታወቃል፡፡

    ከዚህ በተጨማሪም ከደቡብ ሱዳን ድፍድፍ ነዳጅ ወደ ኢትዮጵያ (ጋምቤላ) በማስገባት የነዳጅ ማጣሪያ የማቋቋም ዕቅድ ተይዟል፡፡

    ጠቅላይ ሚኒስትር ኃይለ ማርያም ደሳለኝ ለፕሬዚዳንት ሳልቫ ኪር ባቀረቡላቸው ግብዣ መሠረት ፕሬዚዳንት ሳልቫ ኪር በቅርቡ አዲስ አበባ ተመልሰው የሚመጡ ሲሆን፣ በዚያን ወቅት ኢትዮጵያና ደቡብ ሱዳን የተለያዩ ስምምነቶችን ይፈርማሉ ተብሎ እንደሚጠበቅ የተገኘው መረጃ ያመላክታል፡፡    

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    ዳግም ነፍስ የዘራው የተማሪዎች ማርች ባንድ

    የሙያው ፍቅር ያደረባቸው ገና በልጅነታቸው ነው፡፡ በ1970ዎቹ መጀመርያ፣ ለቀለም...

    በስንደዶና ሰበዝ የተቃኘው ጥበብ

    በአንዋር አባቢ ተወልዳ ያደገችው መሀል አዲስ አበባ አራት ኪሎ ነው፡፡...

    አዲስ ጥረት የሚጠይቀው  ኤችአይቪ  ኤድስን  የመግታት  ንቅናቄ

    ‹‹ኤችአይቪ በመላው ዓለም  በሚሊዮን የሚቆጠሩ ሰዎችን የሚያጠቃ ዋነኛ የሕዝብ...

    የኅትመት ብርሃን ያየው ‹‹የቃቄ ወርድዎት›› ቴአትር

    ከአራት ዓመታት በፊት በኢትዮጵያ ብሔራዊ ቴአትር መድረክ ላይ ይታይ...