Thursday, June 13, 2024
- Advertisement -
- Advertisement -

ዜናየዓቃቤ ሕግ ምስክሮች ሊቀርቡ ባለመቻላቸው ዶ/ር መረራ ለብይን ተቀጠሩ

የዓቃቤ ሕግ ምስክሮች ሊቀርቡ ባለመቻላቸው ዶ/ር መረራ ለብይን ተቀጠሩ

ቀን:

  • ዓቃቤ ሕግ እንዲከላከሉ ብይን ይሰጥልኝ ብሏል

የአስቸኳይ ጊዜ አዋጅ ቁጥር 01/2009 አንቀጽ 12(1) ሥር የተደነገገውንና የአስቸኳይ ጊዜ አዋጅ ኮማንድ ፖስት ያወጣውን የአስቸኳይ ጊዜ ዕርምጃ አፈጻጸም አንቀጽ 2(1)ን በመተላለፍ፣ ሕገ መንግሥታዊ ሥርዓቱን በኃይል ለማስወገድ ሙከራ ወንጀል የተከሰሱት ዶ/ር መረራ ጉዲና ለብይን ተቀጠሩ፡፡

ዶ/ር መረራ ዓርብ ኅዳር 22 ቀን 2010 ዓ.ም. በፌዴራል ከፍተኛ ፍርድ ቤት ልደታ ምድብ 19ኛ ወንጀል ችሎት ቀርበው ነበር፡፡ ፍርድ ቤት የቀረቡት ክስ የመሠረተባቸው ጠቅላይ ዓቃቤ ሕግ የቆጠረባቸውን ቀሪ ሁለት የደረጃ ምስክሮችን ለመስማት ነበር፡፡

ዓቃቤ ሕግ አራት የደረጃ ምስክሮችን ማለትም ዶ/ር መረራ በፌዴራል ወንጀል ምርመራ ማዕከል (ማዕከላዊ) ውስጥ ከግል ንብረቶቻቸው ላፕቶፕ፣ ሃርድ ዲስክና ከኢሜይል አድራሻቸው የተገኙ መጣጥፎችን ፈቅደውና የሚስጥር ማሳለፊያ ቃል (Password) ሰጥተው፣ ታትሞ የሚወጣው መጣጥፍ የእሳቸው መሆኑን አረጋግጠው ሲፈርሙ ያዩና እነሱም የፈረሙ ምስክሮች ሲሆኑ፣ ሁለቱ ቀደም ብሎ በነበረ የቀጠሮ ጊዜ ተሰምተው ሁለት መቅረታቸውን መዘገባችን ይታወሳል፡፡

- Advertisement -

በዕለቱ ችሎቱ ከተሰየመ በኋላ ምስክሮቹ እንዲቀርቡ ሲጠይቅ፣ ምስክሮቹ ሊገኙ እንዳልቻሉ ትዕዛዝ ተሰጥቶት የነበረው ፖሊስ ምላሽ ሰጥቷል፡፡ በመቀጠልም ዓቃቤ ሕግ ምስክሮቹን እንደማይፈልጋቸው በመግለጽ፣ ፍርድ ቤቱ ተከሳሹ እንዲከላከሉ ብይን እንዲሰጥለት ጠይቋል፡፡

ፍርድ ቤቱም የግራ ቀኙን ማለትም ቀደም ብለው የተሰሙትን ሁለት የዓቃቤ ሕግ ምስክሮችና ሰነዶች፣ እንዲሁም የተከሳሹ ጠበቆች ያቀረቡትን መስቀለኛ ጥያቄ፣ የፍርድ ቤቱን የማጣሪያ ጥያቄ በመመርመርና ከሕጉ ጋር በማገናዘብ መከላከል ሳያስፈልጋቸው በነፃ ለማሰናበት፣ ወይም የቀረበባቸውን ክስ እንዲከላከሉ ብይን ለመስጠት ለታኅሳስ 25 ቀን 2010 ዓ.ም. ቀጠሮ ሰጥቷል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...