Tuesday, May 28, 2024
- Advertisement -
- Advertisement -

ማኅበራዊየእስረኞችን መልዕክት ለጋዜጠኞች በማቀበል የተጠረጠሩ የማረሚያ ቤት ፖሊሶች ተከሰሱ

የእስረኞችን መልዕክት ለጋዜጠኞች በማቀበል የተጠረጠሩ የማረሚያ ቤት ፖሊሶች ተከሰሱ

ቀን:

– ከ316,000 ብር በላይ ለተከሳሾች አስገብተዋል ተብሏል

በአቃቂ ቃሊቲ ክፍለ ከተማ ቂሊንጦ ጊዜያዊ የቀጠሮ ማረፊያ በማገልገል ላይ የነበሩ አምስት ፖሊሶች፣ የእስረኞችን መልዕክት በመቀበል ለጋዜጠኞች በመስጠት ተጠርጥረው ክስ ተመሠረተባቸው፡፡

ተከሳሾቹ ከማረሚያ ቤቱ የቀጠሮ እስረኞች ጋር ያልተገባ ግንኙነት በመፍጠር ቅርፅና ይዘታቸው ያልታወቁ መጣጥፎችን ለጋዜጠኞች ከማድረሳቸው በተጨማሪ፣ ከ200 ብር በላይ ወደ ማረሚያ ቤቱ እንደማይገባ እያወቁ ለእስረኞች እስከ 70 ሺሕ ብር ድረስ ማስገባታቸውን፣ ለራሳቸው ከ300 ብር እስከ 30,000 ብር ድረስ መቀበላቸውን የፌዴራል ዓቃቤ ሕግ የመሠረተው ክስ ይገልጻል፡፡

- Advertisement -

ተከሳሾቹ የፖሊስ አባላት መሳይ በላይ፣ ጌታቸው ሰይድ፣ ዋና ሳጅን ሐጎስ፣ ወልደ ሥላሴ፣ ፍላቴ ቁለምና ምክትል ኢንስፔክተር ገመቹ ዳንዳአታኮ የሚባሉ ሲሆኑ፣ በሙስና ወንጀል ተከሰው በማረሚያ ቤቱ ከሚገኙት ዶ/ር ፍቅሩ ማሩና የኦፌኮ ተቀዳሚ ምክትል ሊቀመንበር አቶ በቀለ ገርባ ጋርም ግንኙነት እንደነበራቸው ክሱ ያብራራል፡፡

የሞባይል ስልክ ወደ ማረሚያ ቤት እንደማይገባ እያወቁ 1,000 ብር ከዶ/ር ፍቅሩ በመቀበል አስገብተው እንዲደውሉ ማድረጋቸውን፣ 70,000 ብር ወደ ማረሚያ ቤቱ በሁለት ዙር በማስገባት 3,000 ብር መቀበላቸውንም ክሱ ይጠቁማል፡፡

 

ተከሳሾቹ የተሰጣቸውን ኃላፊነት ወደ ጎን በመተውና ሥልጣናቸውን ያላግባብ በመጠቀም በሽብር ወንጀል ተጠርጥረው የተከሰሱት አቶ በቀለ ገርባ 40,000 ብር እንዲያስገቡላቸው ሲጠይቋቸው በመስማማት፣ ጎተራ ሪፍት ቫሊ ዩኒቨርሲቲ ድረስ በመሄድ ማንነቱ ካልታወቀ ግለሰብ ተቀብለው፣ ገንዘቡን እኩል ቦታ ከከፈሉ በኋላ ማስገባታቸውን ዓቃቤ ሕግ በክሱ ገልጿል፡፡ ገንዘቡን በማስገባታቸውም 10,000 ብር እንደተቀበሉም አክሏል፡፡

ተከሳሾቹ በተለያዩ ጊዜያት ለተለያዩ እስረኞች የተለያዩ መልዕክቶችን ማለትም በአማርኛ፣ በኦሮሚኛና በእንግሊዝኛ የተጻፉ ወደ ውጭ በማውጣት ለጋዜጠኞች (ስም ተጠቅሷል) መስጠታቸውን በክሱ ተገልጿል፡፡ በአጠቃላይ ተከሳሾቹ ፖሊሶች የወንጀል ሕግ አንቀጽ 32(1ሀ)፣  38 እና የሙስና ወንጀሎች አዋጅ ቁጥር 881/2007 አንቀጽ 9(1ሀ) ሥር የተደነገገውን በመተላለፍ ሥልጣንን ያላግባብ መጠቀም ወንጀል ተከሰዋል፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የፋይናንስ ኢንዱስትሪው ለውጭ ባንኮች መከፈት አገር በቀል ባንኮችን ለምን አስፈራቸው?

የማይረጥቡ ዓሳዎች የፋይናንስ ተቋማት መሪዎች ሙግት ሲሞገት! - በአመሐ...

የምርጫ 97 ትውስታ!

በበቀለ ሹሜ      መሰናዶ ኢሕአዴግ ተሰነጣጥቆ ከመወገድ ከተረፈ በኋላ፣ አገዛዙን ከማሻሻልና...

ሸማቾች የሚሰቃዩት በዋጋ ንረት ብቻ አይደለም!

የሸማች ችግር ብዙ ነው፡፡ ሸማቾች የሚፈተኑት ባልተገባ የዋጋ ጭማሪ...

መንግሥት ከለጋሽ አካላት ሀብት ለማግኘት የጀመረውን ድርድር አጠናክሮ እንዲቀጥል ፓርላማው አሳሰበ

የሦስት ዩኒቨርሲቲዎች ፕሬዚዳንቶች በኦዲት ግኝት ከኃላፊነታቸው መነሳታቸው ተገልጿል አዲስ አበባ...