Tuesday, September 27, 2022
ሌሎች ዓምዶች
    - ማስታወቂያ -
    - ማስታወቂያ -

    የአገር ውስጥ ብረት አምራቾች ላይ የተከፈተውን ዘመቻ እንደሚያጠፋ ኢንዱስትሪ ሚኒስቴር አስታወቀ

    - ማስታወቂያ -

    ተዛማጅ ፅሁፎች

    – የኅትመት ሚዲያዎች ተወቅሰዋል

    የአገር ውስጥ ብረት አምራቾች የአገሪቱን የአርማታ ብረት ፍላጎት እንዳያሟሉ ከፍተኛ ዘመቻ እየተደረገባቸው መሆኑን፣ ይህንን በመታገል ለማጥፋትና የአገሪቱን ፍላጎት እንዲያሟሉ መንግሥት ድጋፍ እንደሚያደርግ ኢንዱስትሪ ሚኒስቴር ገለጸ፡፡

    የኢንዱስትሪ ሚኒስትር ዴኤታ ዶ/ር ዓለሙ ስሜ ማክሰኞ ጥር 16 ቀን 2009 ዓ.ም. ለፓርላማ አባላት እንደተናገሩት፣ የአገር ውስጥ ብረት አምራቾችን አቅምና ገበያ ለመስበር ሲባል ከፍተኛና የተቀናጀ ጥቃት ተከፍቶባቸዋል፡፡ የመንግሥት መሥሪያ ቤቶች፣ አስመጪዎችና የኅትመት ሚዲያውን ያካተተ ዘመቻ እንደተከፈተባቸው ተናግረዋል፡፡

    ‹‹የአገር ውስጥ ብረት ዋጋው ውድ ነው፡፡ ጥራቱ የወረደ ነው በማለት ሰፊ ዘመቻ ተከፍቶባቸው ከአገር ውስጥ ገበያ እንዲወጡ ጥቃት ተከፍቶባቸዋል፤›› ብለዋል፡፡

    መንግሥት ይህንን በአሁኑ ወቅት በፅኑ መረዳቱንና  ለቤቶች ፕሮጀክት ተብሎ ምንም ዓይነት የአርማታ ብረት ግዥ ከውጭ እንዳይፈጸም መታገዱን ገልጸዋል፡፡

    ከመንግሥት ተቋማት ውጪ ባሉት ጉዳዮች ላይም ኢንዱስትሪ ሚኒስቴር ተከታታይ ዕርምጃዎችን እንደሚወስድ አክለዋል፡፡

    ከዚህ ቀደም ሆቴል የሚገነባውም የማይገነባውም የቀረጥ ነፃ መብትን በመጠቀም የአገር ውስጥ አምራቾችን ከገበያ ውጪ ሲያደርግ መቆየቱን ተናግረዋል፡፡

    በአሁኑ ወቅት ብረታ ብረት በተለይም ለኮንስትራክሽን ግብዓት የሚሆኑ የምርት ውጤቶችን ከመተካት አንፃር ከፍተኛ ፍላጎት መኖሩን ገልጸዋል፡፡ በአርማታ ብረት፣ በቆርቆሮ፣ በቱቦላሬና በአልሙኒየም ፕሮፋይል ምርቶች የተፈጠረው የአገር ውስጥ አቅም 2.5 ሚሊዮን ቶን መሆኑን፣ የ2009 ዓ.ም. የአገር ውስጥ ፍላጎት ደግሞ 3.355 ሚሊዮን ቶን መድረሱን ተናግረዋል፡፡

    ይህንን ፍላጎት መሸፈን ሲቻል ምንም ዓይነት የውጭ ግዥ እንዳይፈቀድ እንደሚወሰንም አስታውቀዋል፡፡ 

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች