Wednesday, June 19, 2024
- Advertisement -
- Advertisement -

ስፖርትጅማ አባ ቡና አሠልጣኝ ገብረመድኅን ኃይሌን ቀጠረ

ጅማ አባ ቡና አሠልጣኝ ገብረመድኅን ኃይሌን ቀጠረ

ቀን:

ፕሪሚየር ሊጉን ዘንድሮ የተቀላቀለው ጅማ አባ ቡና የቀድሞ የመከላከያና የኢትዮጵያ ብሔራዊ ቡድን አሠልጣኝ የነበሩት አቶ ገብረመድኅን ኃይሌን የቡድኑ ዋና አሠልጣኝ አድርጎ መቅጠሩ ታወቀ፡፡ አሠልጣኙ ማክሰኞ ጥር 16 ቀን 2009 ዓ.ም. ከክለቡ ጋር የመጀመርያውን ልምምድ አድርገዋል፡፡ የቀድሞ አሠልጣኝ አቶ ደረጀ በላይ ተሰናብተዋል ተብሏል፡፡

ጅማ አባ ቡና በፕሪሚየር ሊጉ እስካሁን ባደረጋቸው ጨዋታዎች ሁለት ጊዜ አሸንፎ፣ አራት ጊዜ ነጥብ ተጋርቶ፣ ስድስት ጊዜ ተሸንፎ በአሥር ነጥብ 14ኛ ደረጃ ላይ ተቀምጧል፡፡ ፌዴሬሽኑ በውድድር ዓመቱ ይፋ ባደረገው አዲሱ መመርያው መሠረት ከፕሪሚየር ሊጉ ሦስት ወርደው፣ በምትካቸው ደግሞ ከከፍተኛው ሊግ ሦስት ቡድኖች በ2010 ዓ.ም. ፕሪሚየር ሊጉን የሚቀላቀሉ ይሆናል፡፡

ለቀድሞ አሠልጣኝ አቶ ደረጀ በላይ ስንብት አንዱና ዋናው ምክንያት ክለቡ ፕሪሚየር ሊጉ የሚኖረው ቆይታ ሥጋት ውስጥ መግባቱ እንደመሆኑ ከክለቡ የሚወጡት መረጃዎች ያመለክታሉ፡፡ አዲሱ የጅማ አባ ቡና አሠልጣኝ ሆነው የተቀጠሩትና ክለቡን ለማሠልጠን የተስማሙት፣ ለስድስት ወር ሲሆን፣ የስምምነቱ ዋናውና ትልቁ ነገርም ቡድኑን በፕሪሚየር ሊጉ እንዲቆይ ማድረግ የሚለው ይገኝበታል፡፡

- Advertisement -

ለክለቡ ቅርበት ያላቸው ምንጮች እንደሚገልፁት ከሆነ፣ አሠልጣኙ በክለቡ ለሚኖራቸው የስድስት ወር ቆይታ 35,000 ወርኃዊ ክፍያና 450,000 የፊርማ ገንዘብ ይከፈላቸዋል፡፡

ስምምነቱን አስመልክቶ አሠልጣኝ ገብረመድኅን እስከ ሰኔ 30 ቀን 2009 ዓ.ም. ድረስ የሚያቆያቸውን የውል ስምምነት ማድረጋቸውን ተናግረው፣ ዝርዝሩን ከመግለጽ ተቆጥበዋል፡፡ በክለቡ በኩል ያለውን በተመለከተ ያደረግነው ጥረት አልተሳካም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...