Tuesday, February 27, 2024
- Advertisement -
- Advertisement -
ማኅበራዊበአዲስ አበባ ከተማ 741 ቦታዎች ለዓመታት ታጥረው መቀመጣቸው ተጠቆመ

በአዲስ አበባ ከተማ 741 ቦታዎች ለዓመታት ታጥረው መቀመጣቸው ተጠቆመ

ቀን:

በአዲስ አበባ ከተማ አስተዳደር ሰሞኑን ለውይይት የቀረበ አንድ ሰነድ፣ በከተማው ውስጥ 741 ቦታዎች ለዓመታት ታጥረው መቀመጣቸውን ይፋ አደረገ፡፡ ከእነዚህ ቦታዎች ውስጥ 147 የሚሆኑት ምንም ዓይነት ግንባታ እንዳልተካሄደባቸው ሰነዱ አመልክቷል፡፡

በአዲስ አበባ ከተማ አስተዳደር 372 ዓይነት ሥር የሰደዱ የመልካም አስተዳደር ችግሮች መኖራቸውን ሰነዱ ለይቷል፡፡ ከእነዚህ ችግሮች መካከል መሬትና መሬት ነክ የሆኑ ጉዳዮች ጎልተው የሚታዩ የመልካም አስተዳደር ችግሮች መሆናቸውን ጠቁሟል፡፡

ይኼ ሁሉ ቦታ ታጥሮ ያለ ሥራ የተቀመጠ ቢሆንም፣ ሥልጣንና ኃላፊነት የተሰጠው አካል ዕርምጃ አለመውሰዱ፣ ክትትልና ድጋፍ አድርጎ ወደ ሥራ አለማስገባቱ አግባብ አለመሆኑ ተጠቅሷል፡፡

- Advertisement -

Video from Enat Bank Youtube Channel.

ከዚህ በተጨማሪም ዘመናዊ የመረጃ ሥርዓት አለመኖሩ፣ የአመለካከት መዛነፍና ሙስና መንሰራፋቱ ለችግሩ መባባስ በምክንያትነት ቀርቧል፡፡ ይህ አካሄድ በዚሁ የሚቀጥል ከሆነ ለከተማው ዕድገት መሰናክል እንደሚሆን በሰነዱ ላይ በግልጽ ተጠቅሷል፡፡

የአዲስ አበባ ከተማ የመሬት አስተዳደር ተቋማት በሙሉ ለችግር የተጋለጡ መሆናቸውን የሚገልጸው አዲሱ ሰነድ፣ የመሬት ዘርፍ አገልግሎት አሰጣጥም ብልሹ መሆኑን ይጠቁማል፡፡

ተገልጋዮችን ማወናበድ፣ ማመናጨቅ፣ ማጉላላት፣ መረጃ አለመስጠት፣ የይዞታ ባለቤት ካርታ ችግሮችን አለመፍታትና የባለቤትነት መብት እንዲረጋገጥ አለማድረግ ተጠቃሽ ችግሮች ሆነው ቀርበዋል፡፡

ለልማት ተነሽዎች ምትክ ቦታ አለማቅረብ በዘርፉ ለተፈጠሩ የመልካም አስተዳደር ችግሮች ሳንካ ሆነው ቀርቧል፡፡

በግንባታ ፈቃድ አሰጣጥ ላይም መጠነ ሰፊ ችግሮች መኖራቸውን ሰነዱ አመልክቷል፡፡ የአዲስ አበባ ከተማ አስተዳደር በመሬት ዘርፍ የተንሰራፋውን የመልካም አስተዳደር ችግር ለመቅረፍ በርካታ የመዋቅር ለውጦችን አካሂዷል፡፡ ከዚህ በተጨማሪ በተያዘው በጀት ዓመት ለተፈጠረው ብልሹ አሠራርና ሙስና 210 አመራሮች ላይና 1,200 ሠራተኞች ላይ ዕርምጃ መውሰዱ ተገልጿል፡፡

ነገር ግን አሁንም ዘርፉ ፀድቷል ተብሎ ባለመታመኑ፣ የአዲስ አበባ ከተማ አስተዳደር  አዲስ የመዋቅር ለውጥ ለማካሄድ ተወጥኗል፡፡

አዲሱ መዋቅር የመሬት ልማት ኮርፖሬሽን እንዲቋቋምና የልማትና ዝግጅት ሥራዎችን እንዲያካሂድ፣ የመሬት ልማትና ማኔጅመንት ቢሮ የክትትልና የግምገማ ሥራዎችን እንዲያካሂድ ምክረ ሐሳብ ቀርቧል፡፡ የተጠቀሱትን ችግሮች ይህ አዲስ መዋቅር እንደሚፈታው መታመኑ ተገልጿል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...