Monday, March 4, 2024
- Advertisement -
- Advertisement -
ማኅበራዊከ800 ሺሕ በላይ ሰዎች ለመተንፈሻ አካል በሽታ ተጋልጠዋል ተባለ

ከ800 ሺሕ በላይ ሰዎች ለመተንፈሻ አካል በሽታ ተጋልጠዋል ተባለ

ቀን:

አዲስ አበባ ውስጥ ባለፉት ሦስት ዓመታት በተከሰተው የአየር ብክለት የተነሳ በድምሩ 891,876 ሰዎች የመተንፈሻ አካል በሽታ እንዳደረባቸው የጤና ጥበቃ ሚኒስቴር የሃይጅንና ኢንቫይሮመንታል ሔልዝ ፕሮግራም አስተባባሪ አስታወቁ፡፡

ለሚዲያ ባለሙያዎች ጥር 9 ቀን 2009 ዓ.ም. በዘውዲቱ መታሰቢያ ሆስፒታል በተሰጠው የግንዛቤ ማስጨበጫ ሥልጠና ፕሮግራም ላይ አስተባባሪው አቶ ዳኘው ታደሰ እንደገለጹት፣ በዚህ በሽታ ከታመሙት ሰዎች መካከል በ2004 ዓ.ም. 223,000፣ በ2005 ዓ.ም. 307,403፣ በ2006 ዓ.ም. 361,473 ናቸው፡፡

በብክለቱ የተነሳ ለበሽታው የተጋለጡት ሰዎች ቁጥር እየጨመረ መምጣቱን ገልጸው፣ ይህም የአዲስ አበባ ጤና ቢሮ ከየጤና ተቋማቱ በሰበሰበው ዓመታዊ ሪፖርት መረጋገጡን አስረድተዋል፡፡

- Advertisement -

Video from Enat Bank Youtube Channel.

እንደ አቶ ዳኘው፣ የ2007 ዓ.ም. እና የ2008 ዓ.ም. መረጃ ገና እንዳልተሠራ ነገር ግን ቁጥሩ ሊጨምር ይችላል የሚል እምነት አለ፡፡

በዚህ በሽታ ዘርፍ የሚመደቡትን አስም፣ ብሮንካይት፣ ኤፊጄማ፣ ኒሞክኖሲስ ተጠቃሾች መሆናቸውን፣ አዲስ አበባን ከምሥራቅ ወደ ምዕራብ ጠዋት፣ ጠዋት በጨረር ቢታይ የአየር ብክለቱ መጠን ደመና መስሎ እንደሚታይ፣ ይህንን መሰል አየር ከሕፃን እስከ ትልቅ ሰው እንደሚስበውና በዚህም የተነሳ የሳንባ ሥራ በከፍተኛ ደረጃ ስለሚጎዳ ለበሽታ እንደሚጋለጥ አስረድተዋል፡፡

የአየር ብክለቱ 60 ከመቶ ያህሉ መንስኤው ከተሽከርካሪዎች የሚወጣው የተቃጠለ ጭስ ነው፡፡ ይህንንም ብክለትን የሚያስከትሉት 50 እና 60 ዓመታት ድረስ ያገለገሉ ተሽከርካሪዎች ናቸው፡፡ የአሮጌ ተሽከርካሪዎቹ ቀጥርም የዓለም ጤና ድርጅት ካስቀመጠው መመሪያ 50 በመቶ እና ከዚያም በላይ ሆነው ተገኝተዋል፡፡

በሌላ በኩል ደግሞ በመላ አገሪቱ ከሚኘው ሕዝብ መካከል 75.5 ሚሊዮን ያህሉ ለልዩ ልዩ ዓይነት ተላለፊ በሽታዎቹ የተጋለጠ ነው፡፡ ይህም ሊሆን የቻለው በሃይጂንና ኢንቫይሮመንታል ሔልዝ ላይ ባለመሠራቱ መሆኑን አቶ ዳኘው ተናግረዋል፡፡

ከበሽታዎቹም መካከል የተቅማጥ፣ የቆዳ፣ የዓይን፣ የሆድ ውስጥ ትላትል፣ የጃርዲያና የአሜባ በሽታዎች ተጠቃሾች መሆናቸውን ገልጸው፣ ኢትዮጵያ በእንደዚህ ዓይነት በሽታዎች በዓለም ውስጥ ቀዳሚውን ስፍራ እንደያዘች አስረድተዋል፡፡

በተለይም ደግሞ በትራኮማ በሽታ የአማራ ክልል የመጀመሪያው እንደሆነ፣ የተላላፊ በሽታዎች መንስኤ የግልና የአካባቢ ንፅህና አለመጠበቅንና በዋነኝነት ሃይጂንና ኢንቫይሮመንታል ሔልዝን አሳንሶ ከማየት እንደሚመጣ ገልጸዋል፡፡

የፌዴራል ጤና ጥበቃ ሚኒስቴር ከአዲስ አበባ ዩኒቨርሲቲ የኅብረተሰብ ጤና ትምህርትና ከከተማ ጤና ማዕከል ጋር በመተባበር በዘውዲቱ ሆስፒታል ባካሄደው በዚሁ ፕሮግራም በከተማዋ የሚስተዋለው የሃይጂንና ሳኒቴሽን ጉድለት በከተማው ነዋሪ ላይ እያስከተለ በሚገኘው ችግር ላይ ውይይት ተካሂዷል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...