Tuesday, April 23, 2024
- Advertisement -
- Advertisement -

ማኅበራዊየቡና ግብይት አዋጅ ሊሻሻል ነው

የቡና ግብይት አዋጅ ሊሻሻል ነው

ቀን:

የአገሪቱን የቡና ወጪ ንግድ ለማሳደግና ከቡና ግብይት ጋር የተያያዙ ሕገወጥ ተግባራትን የበለጠ ለመቆጣጠር እንዲቻል፣ የቡና ግብይት አዋጅ እንደሚሻሻል ተገለጸ፡፡

የኢትዮጵያ ቡናና ሻይ ልማት ግብይት ባለሥልጣን እንዳስታወቀው፣ በአዋጁ ለማሻሻል ከሚካተቱ ዋና ዋና አንቀጾች መካከል ወደ ቡና ንግድ የሚገቡ ነጋዴዎች ፈቃድ ከማግኘታቸው በፊት፣ የብቃት ማረጋገጫ ሊያገኙ እንደሚገባ የሚያመለክተው አንዱ ነው፡፡ በቡና ንግድ ለመሰማራትና ፈቃድ ጠይቀው የኋላ ታሪክ ተጠንቶ ጭምር እንዲሆን የሚያስችል አሠራር እንደሚኖር፣ የኢትዮጵያ ቡናና ሻይ ልማትና ግብይት ባለሥልጣን ዋና ዳይሬክተር አቶ ሳኒ ረዲ አህመድ ገልጸዋል፡፡

ከዚህ በተጨማሪ የቡና እሴትን ጨምሮ ለመላክ የጥሬ ቡና ግዢን የሚመለከተው ክፍል ላይ ማሻሻያ ይደረጋል ተብሎ ይጠበቃል፡፡ በኢትዮጵያ የምርት ገበያ የቡና የጨረታ መነሻ፣ ዕለታዊ ገበያን መሠረት ባደረገ የጨረታ መነሻ ዋጋ እንዲካሄድ መወሰኑንም ዳይሬክተሩ ጠቁመዋል፡፡

- Advertisement -

Video from Enat Bank Youtube Channel.

እንደ ዳይሬክተሩ ገለጻ፣ ከ2004 ወዲህ ዕለታዊ የጨረታ መነሻ ዋጋን መሠረት ያደረገ ጨረታ እንዲቋረጥ ተደርጎ ነበር፡፡ አሁን ግን ዕለታዊ የጨረታ መነሻ በማድረግ አምስት በመቶ ከፍና ዝቅ በማድረግ ጨረታው እንዲካሄድ በመወሰኑ በቀጣዩ ሳምንት ይጀመራል ተብሏል፡፡

በአሁኑ ወቅት 437 የሚሆኑ ላኪዎች ሲኖሩ፣ ከእነዚህ ውስጥ 54 ከላኪነት ታግደዋል፡፡ ዳይሬክተሩ ለውጭ ገበያ የሚቀርብ ቡና በአገር ውስጥ ገበያ እንዲውል በማድረጋቸው ጉዳያቸው በሕግ እንዲታይ መደረጉን ገልጸዋል፡፡

በቡና የወጪ ንግድ ላይ የተሰማሩ ላኪዎች ብቃትን ለማረጋገጥ የተለያዩ ዕርምጃዎች እንደሚወሰዱ ያመለከቱት ዳይሬክተሩ፣ በዚህ ሥራ አዳዲስ ላኪዎች እንዲገቡ እንደሚደረግና የውጭ ኩባንያዎችም ተሳታፊ የሚሆኑበት አሠራር እንደሚመቻች አክለዋል፡፡

በቡና ግብይት ውስጥ ያለውን ችግር ለመፍታት ከተለያዩ ባለድርሻ አካላት ጋር መምከራቸውን የገለጹት ዳይሬክተሩ፣ በዘርፉ ማነቆ በሆኑ ጉዳዮች ላይ በቀጣይነት የሚወሰዱ ዕርምጃዎች ይኖራሉ ብለዋል፡፡

በአሁኑ ወቅት ካሉ 437 ቡና ላኪዎች ውስጥ 120 ያህሉ 90 በመቶ የሚሆነውን ቡና ወደ ውጭ የሚልኩ ናቸው፡፡ ከእነዚህ ውስጥም 60 በመቶውን ቡና ለውጭ ገበያ የሚያቀርቡት 40 ላኪዎች ናቸው ተብሏል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰው መሆን ምንድን ነው? ቅርስና ማኅበራዊ ፍትሕ

በሱራፌል ወንድሙ (ዶ/ር) ዳራ ከጎራዎች፣ ከመፈራረጅ፣ ነገሮችን ከማቅለልና ከጊዜያዊ ማለባበስ ወጥተን...

ኢኮኖሚው ኢትዮጵያን እንዳያፈርሳት ያሠጋል

በጌታቸው አስፋው ኢትዮጵያን እንዳያፈርሱ የሚያሠጉኝ አንድ ሁለት ብዬ ልቆጥራቸው የምችላቸው...

የኢትዮጵያ የፖለቲካ ትግል በሕግ አምላክ ይላል

በገነት ዓለሙ የአገራችንን ሰላም፣ የመላውን ዓለም ሰላም ጭምር የሚፈታተነውና አደጋ...

በሽግግር ፍትሕ እንዲታዩ የታሰቡ የወንጀል ጉዳዮች በልዩ ፍርድ ቤት ሳይሆን በልዩ ችሎት እንዲታዩ ተወሰነ

የኤርትራ ወታደሮች በሌሉበትም ቢሆን ይዳኛሉ ተብሏል በፅዮን ታደሰ የሽግግር ፍትሕ የባለሙያዎች...