Wednesday, February 28, 2024
- Advertisement -
- Advertisement -
ዜናኢትዮጵያ በፀጥታው ምክር ቤት የተለዋጭ አባልነቷን ኃላፊነት ጀመረች

ኢትዮጵያ በፀጥታው ምክር ቤት የተለዋጭ አባልነቷን ኃላፊነት ጀመረች

ቀን:

– ዶ/ር ተቀዳ ዓለሙ በምክር ቤቱ ኢትዮጵያን ይወክላሉ

ኢትዮጵያ በተባበሩት መንግሥታት ድርጅት (ተመድ) የፀጥታው ምክር ቤት የተለዋጭ አባልነት ኃላፊነቷን በዚህ ሳምንት ተረከበች፡፡

ኢትዮጵያ በፀጥታው ምክር ቤት የተለዋጭ አባልነት ወንበርን ያገኘችው ባለፈው ሰኔ ወር 2008 ዓ.ም. በተደረገ ምርጫ ሲሆን፣ ድምፅ መስጠት ከሚችሉ 190 አገሮች ውስጥ የ185 አገሮችን ይሁንታ አግኝታ ማለፏን መዘገባችን ይታወሳል፡፡

- Advertisement -

Video from Enat Bank Youtube Channel.

የተለዋጭ አባልነት ቆይታዋ እ.ኤ.አ. ከ2017 ጀምሮ ለሁለት ዓመታት የሚቆይ ሲሆን፣ እ.ኤ.አ. ከጥር 2 ቀን 2017 ጀምሮ ኃላፊነቷን መወጣት ጀምራለች፡፡ ኢትዮጵያን በምክር ቤቱ የሚወክሉት ኒውዮርክ የሚገኘው ተመድ የኢትዮጵያ አምባሳደር ዶ/ር ተቀዳ ዓለሙ መሆናቸውን ለማወቅ ተችሏል፡፡

ኢትዮጵያ ከዚህ ቀደም ለሁለት ጊዜያት አባል እንደነበረችና አሁን የጀመረችው የሁለት ዓመት የአባልነት ኃላፊነት ለሦስተኛ ጊዜ መሆኑን መረጃዎች ያመለክታሉ፡፡

በዚህኛው ምርጫ ኢትዮጵያ አፍሪካን በብቸኝነት ወክላ የቀረበች ሲሆን፣ አኅጉሩን በፀጥታው ምክር ቤት ስትወከል የነበረችውን አንጎላን ተክታለች፡፡ የተመድ የፀጥታው ምክር ቤት አምስት ቋሚ አባላት (ማለትም አሜሪካ፣ እንግሊዝ፣ ሩሲያ፣ ቻይናና ፈረንሣይ) እና አሥር ተለዋጭ አባላት አሉት፡፡ የኃላፊነት ዘመናቸውን የጨረሱ አምስት ተለዋጭ አባላትን በመተካት የተመረጡት ኢትዮጵያ፣ ቦሊቪያ፣ ጣሊያን፣ ካዛኪስታንና ስዊድን ናቸው፡፡

የኢትዮጵያንና የሌሎቹን ተለዋጭ አባላት ሥራ መጀመር አስመልክቶ አስተያየታቸውን የሰጡት የቱርክ የውጭ ጉዳይ ሚኒስትር ሜቭሉት ካቩሶግሉ አገራቸው ከተለዋጭ አባል አገሮቹ ጋር እንደምትወግን ገልጸዋል፡፡

ቱርክ ከእነዚህ አምስት ተለዋጭ አገሮች ጋር ተባብራ እንደምትሠራ የገለጹት የውጭ ጉዳይ ሚኒስትሩ፣ ‹‹ዓለማችን ከአምስቱ የፀጥታው ምክር ቤት ቋሚ አባላት በላይ ኃያል ነች፤›› በማለት፣ የኃያላኑን ተፅዕኖ ለመቋቋም ከተለዋጭ አባል አገሮች ጋር መሥራት የመንግሥታቸው ዓብይ ፍላጎት መሆኑን ጠቁመዋል፡፡      

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...