Tuesday, November 29, 2022
ሌሎች ዓምዶች
    - Advertisement -
    - Advertisement -
    ስፖርትእግር ኳስ ፌዴሬሽን በታዳጊ ወጣቶችና በሀብት አጠቃቀም ጉዳይ ትኩረት እንዲያደርግ ተጠየቀ

    እግር ኳስ ፌዴሬሽን በታዳጊ ወጣቶችና በሀብት አጠቃቀም ጉዳይ ትኩረት እንዲያደርግ ተጠየቀ

    ቀን:

    የኢትዮጵያ እግር ኳስ ፌዴሬሽን እግር ኳሱን በመላ አገሪቱ በማስፋፋት ረገድ የተሻለ እንቅስቃሴ ቢኖረውም፣ ታዳጊ ወጣቶች ላይ ግን ኅብረተሰቡና መንግሥት በሚፈልጉት መጠን አለመሠራቱ በፓርላማው የመንግሥት ወጪ አስተዳደር ጉዳዮች ቋሚ ኮሚቴ ግምገማ አመለከተ፡፡ ለቋሚ ኮሚቴው ማብራሪያ እንዲሰጡ ከተገኙት የፌደሬሽኑ አመራሮች አንዳንዶቹ ፌዴሬሽኑም ሆነ ሌሎች የሚመለከታቸው አካላት ለታዳጊ ወጣቶች የሚሰጡት ትኩረት አነስተኛ እንደሆነም መናገራቸው ተሰምቷል፡፡

    ብሔራዊ ፌዴሬሽኑ እግር ኳሱን ለመምራትና ለማስፋፋት እያከናወነ ያለውን የአሠራር ሥርዓት በተመለከተ የፌዴራል ዋና ኦዲተር መሥሪያ ቤት ባቀረበው የክዋኔ ሪፖርት ላይ በፓርላማው ለመንግሥት ወጪ አስተዳደር ጉዳዮች ቋሚ ኮሚቴ ዓርብ ታኅሣሥ 14 ቀን 2009 ዓ.ም. ፌዴሬሽኑ ቀርቦ ማብራሪያ እንዲሰጥ ተደርጓል፡፡

    በፌዴራሉ ዋና ኦዲተር መሥሪያ ቤት የክዋኔ ሪፖርት መሠረት ግምገማውን ያደረገው ቋሚ ኮሚቴው፣ የኢትዮጵያ እግር ኳስ ፌዴሬሽን እግር ኳሱን በመላ አገሪቱ ለማስፋፋት እያደረገ ያለውን የሊግ አደረጃጀት አድንቆ፣ ተተኪና ታዳጊ ወጣቶችን የተመለከተ ግን አጥጋቢና ሊታይ የሚችል እንቅስቃሴ እያደረገ አለመሆኑ በክፍተትነት ታምኖበታል፡፡ ብሔራዊ ፌዴሬሽኑ ከተቋቋመለት ዓላማ አኳያ፣ ከሁሉ በፊት የአገሪቱ እግር ኳስ አስታማማኝ መሠረት ኖሮት ይቀጥል ዘንድ በተለያየ የዕድሜ ደረጃ ተከፋፍለው ሊንቀሳቀሱ የሚችሉ የታዳጊ ወጣቶች ፕሮጀክት የለውም፡፡ ይህ ባልሆነበት ሁኔታ ደግሞ እግር ኳሱና ኅብረተሰቡ የሚፈልገውን ውጤት ማሳካት እንደማይችል ጭምር በቋሚ ኮሚቴው ለፌዴሬሽኑ መገለጹ ታውቋል፡፡

    የታዳጊ ወጣቶችን እንቅስቃሴ አስመልክቶ ፌዴሬሽኑ ባቋቋመው ቴክኒክና ልማት ዲፓርትመንት አማካይነት ሁሌም ሲነገር የሚሰማው በአገሪቱ በታዳጊ ወጣቶች ፕሮጀክት የታቀፉ 5,000 ታዳጊ ወጣቶች እንዳሉ ነው፡፡ ይሁንና በቋሚ ኮሚቴው እንደተጠቆመው ሁሉ፣ ፌዴሬሽኑ ወረቀት ላይ ያለውን ወደ ጎን በመተው በምትኩ እውነታው ወደ መሬት ማውረድ የሚችሉ ሙያተኞች በመያዝ ለእግር ኳሱ የወደፊት ህልውና መንቀሳቀስ እንደሚገባ ነው ብዙዎች ሲናገሩ የሚደመጠው፡፡

    ሌላው በፓርላማው የመንግሥት ወጪ አስተዳደር ጉዳዮች ቋሚ ኮሚቴ በክፍተትነት የታየው፣ ፌዴሬሽኑ ከፊፋም ሆነ ከመንግሥት የሚያገኘውን የገንዘብና የቁሳቁስ ድጎማ ተጠያቂነትና ግልጽነት በተሞላበት አግባብ መጠቀም እንዳለበትም አቅጣጫ ተቀምጦለታል፡፡ ከዚሁ ጎን ለጎን የዓመቱ ውድድሮች በወጣላቸው መርሐ ግብር መሠረት ተጀምረው በወቅቱና በጊዜው እንደማይጠናቀቁ፣ ይህ ደግሞ ክለቦችንና ሌሎች የመንግሥት ተቋማትን ተገቢ ላልሆነ ወጪ የሚዳርጋቸው ስለመሆኑም  በክፍተትነት ተወስዷል፡፡

    በአፍሪካ እግር ኳስ ኮንፌደሬሽን (ካፍ) ሙሉ ወጪ ግንባታው ከተጀመረ በርካታ ዓመታትን ያስቆጠረው በአዲስ አበባ ሲኤምሲ አካባቢ የሚገኘው የምሥራቅ አፍሪካ እግር ኳስ አካዴሚ ጉዳይም በቋሚ ኮሚቴው ቅሬታ ከቀረበባቸው መካከል አንዱ እንደነበረም ተመልክቷል፡፡ 

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...