Wednesday, December 7, 2022
ሌሎች ዓምዶች
    - ማስታወቂያ -
    - ማስታወቂያ -

    መንግሥት በአምቦ ውኃ ያለውን ድርሻ ለሞሪሽየስ ኩባንያ በ19.8 ሚሊዮን ዶላር ሸጠ

    - ማስታወቂያ -

    ተዛማጅ ፅሁፎች

    የመንግሥት የልማት ድርጅቶች ሚኒስቴር በአምቦ ማዕድን ውኃ አክሲዮን ማኅበር ያለውን የመንግሥት 33 በመቶ የአክሲዮን ድርሻ ሙሉ በሙሉ፣ በ19,782,807 ዶላር አምቦ ኢንተርናሽናል ሆልዲንግ ሊሚትድ በሚል ስያሜ ለሚታወቅ የሞሪሽየስ ኩባንያ ሸጠ፡፡

    የሽያጭ ስምምነቱ ታኅሳስ 6 ቀን 2009 ዓ.ም. በሚኒስቴር መሥሪያ ቤቱ መሰብሰቢያ አዳራሽ ተከናውኗል፡፡ በሽያጭ ስምምነት ሰነዱ ላይ በሚኒስቴሩ በኩል ዶ/ር ግርማ አመንቴ የመንግሥት ልማት ድርጅቶች ሚኒስትር ፊርማቸውን አኑረዋል፡፡ ገዥውን አምቦ ኢንተርናሽናል ሆልዲንግ ሊሚትድ ኩባንያን ወክለው ፓትሪክ ፕላንኬት ፈርመዋል፡፡

    በፊርማ ሥነ ሥርዓቱ ላይ የመንግሥት የልማት ድርጅቶች ሚኒስትር ዴኤታዎች አቶ በየነ ገብረ መስቀልና ወ/ሮ መሰለች ወዳጆ፣ ከገዥው ኩባንያ በኩል አቶ ቴዎድሮስ አሸናፊና ሌሎች የሚኒስቴሩና የኩባንያው የሥራ ኃላፊዎች ተገኝተዋል፡፡

    ከፊርማ ሥነ ሥርዓቱ በኋላ ዶ/ር ግርማ ባደረጉት ንግግር፣ አምቦ ማዕድን ውኃ ከግሉ ዘርፍ ጋር በጋራ እንዲለማ ከተደረገ በኋላ የምርቶቹን ዓይነት በማብዛት የተለያዩ ጣዕሞችን እንዲይዝ በማድረግ ከፍተኛ መሻሻል ያሳየ መሆኑን ጠቁመው፣ ሙሉ በሙሉ ወደ ግል ሲዛወር ደግሞ የበለጠ ዕድገት ማስመዝገብ እንደሚጠበቅበት አስገንዝበዋል፡፡ ለዚህ ደግሞ አምቦ ማዕድን ውኃ ‹‹በገበያው ውስጥ ያለው ጥሩ ስምና ዝና ያግዘዋል፤›› ብለዋል፡፡ በቀጣይ የመንግሥትም ድጋፍ እንደማይለየው ገልጸዋል፡፡

    ገዥውን ኩባንያ ወክለው ፊርማቸውን ያኖሩት ፓትሪክ ፕላንኬትም በበኩላቸው ባሰሙት ንግግር፣ የግዥ ስምምነቱን አክብሮ በመንቀሳቀስ ኩባንያው የተሻለ ደረጃ ላይ እንደሚደርስ ገልጸዋል፡፡

    አምቦ ማዕድን ውኃ በ2001 ዓ.ም. በተደረገ የጋራ ልማት ስምምነት መሠረት፣ በመንግሥትና በአምቦ ኢንተርናሽናል ሆልዲንግ ሊሚትድ ኩባንያና ሌሎች አነስተኛ የአክሲዮን ድርሻ ባላቸው ግለሰቦች ሲለማ የቆየ ነው፡፡ መንግሥት የአክሲዮን ድርሻውን ሙሉ በሙሉ ሸጦ ለመውጣት በመወሰኑ፣ ገዥው እንደ ባለድርሻ ያለውን ቅድሚያ መብት ተጠቅሞ ሊገዛው ችሏል ሲል የመንግሥት የልማት ድርጅቶች ሚኒስቴር  አስታውቋል፡፡  

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች