Monday, May 27, 2024
- Advertisment -
- Advertisment -

ክቡር ሚኒስትር

[ክቡር ሚኒስትሩን ሾፌራቸው ከቤታቸው እየወሰዳቸው ነው]

  • ምነው ክቡር ሚኒስትር?
  • ምን ሆንክ?
  • እንዴ ክቡር ሚኒስትር?
  • ምንድን ነው የምትለው?
  • ራስዎትን ተመልክተውታል?
  • ሁሌም ራሴን እንደተመለከትኩ ነው፡፡
  • ታዲያ እንዴት እንዲህ ያደርጋሉ?
  • እኔ ምንም አላደረኩም፡፡
  • ሸሚዝዎትን አይተውታል?
  • ምን ሆነ ሸሚዜ?
  • ታኝኮ የተተፋ ነው እኮ የሚመስለው፡፡
  • ምን አልክ አንተ?
  • ለጨዋታ ብዬ ነው፡፡
  • ከእኔ ጋር የምን ጨዋታ ነው?
  • ይቅርታ አልተተኮሰም ለማለት ነው፡፡
  • እና በምኔ ልተኩሰው?
  • ኧረ ክቡር ሚኒስትር ሠራተኛዋ ምን ሠርታ ትበላለች? እሷ ትተኩሰው እንጂ፡፡
  • እኮ እሷስ በምኗ ትተኩሰው?
  • እንዴ በካውያ ነዋ?
  • መብራት ከጠፋ እኮ ሰነባበተ፡፡
  • ምን?
  • ይኸው ሦስት ቀን ሞላን፡፡
  • እየቀለዱ ነው ክቡር ሚኒስትር?
  • የምን ቀልድ ነው?
  • ሚኒስትር እኮ ነዎት፡፡
  • ብሆንስ ታዲያ?
  • ብዙ የገባዎት አልመሰለኝም፡፡
  • ምኑ ነው ያልገባኝ?
  • ሚኒስትርነት፡፡
  • ምን ማለትህ ነው?
  • ክቡር ሚኒስትር አንድ ነገር ልንገርዎት?
  • ምንድን ነው የምትነግረኝ?
  • የቀድሞው አለቃዬን ያውቋቸዋል?
  • የተነሱት ሚኒስትር?
  • የተሾሙት በሉኝ እንጂ፣ ኢሕአዴግ መቼ ማንሳት ያውቃል?
  • እ…
  • ሲጀመር የእሳቸው ቤት መብራት ጠፍቶ አያውቅም፡፡
  • እሺ፡፡
  • ቢጠፋም ፋብሪካ የሚያንቀሳቅስ ጀነሬተር ቤታቸው አለ፡፡
  • ምን?
  • ምን ይኼ ብቻ?
  • ሌላ ምን አለ?
  • ከጥበቃቸው ጋር ሁሌ እንደተጣላን ነበር፡፡
  • ለምን?
  • እሱ ራሱ ዴኤስቲቪ ክፍሉ ተገጥሞለታል፡፡
  • እ…
  • በቃ ሁሌ ኳስ እያየ በር እንኳን አይከፍትልኝም፡፡
  • ለምን እንደተባረሩ ገባኝ፡፡
  • ክቡር ሚኒስትር ለምን እንደተሾሙ ገባኝ ማለትዎ ነው?
  • እ…
  • እሳቸው ቤት ቁርስ የበላሁ ዕለት ቀኑን ሙሉ ምግብ አልበላም ነበር፡፡
  • ለምን?
  • ቁርሱ ራሱ ድግስ በሉት፡፡
  • አስገራሚ ነው፡፡
  • እርስዎም ራሱ አስገራሚ ነዎት፡፡
  • እንዴት?
  • መብራት ጠፍቷል ሲሉኝ ነዋ፡፡
  • ምን ላድርግ?
  • እኔ ግን አንድ ምክር ልምከርዎት፡፡
  • ምንድን ነው?
  • በአግባቡ ይጠቀሙበት፡፡
  • ምኑን?
  • ሹመትዎን!

[ክቡር ሚኒስትሩ የቦርድ ሊቀመንበር ከሆኑበት አንድ የልማት ድርጅት ኃላፊ ጋር እየተወያዩ ነው]

  • ክቡር ሚኒስትር ስለተገናኘን ደስ ብሎኛል፡፡
  • ሥራ አይደለ እንዴ ምን ችግር አለው?
  • የቀድሞውን ሚኒስትር ማግኘት በጣም አስቸጋሪ ነበር፡፡
  • ለምን?
  • በቃ ራሳቸውን የሚጠቅማቸው ነገር ከሌለ ወደዚህ ዝር ማለት አይፈልጉም፡፡
  • ምን ታደርገዋለህ?
  • ለነገሩ ምን ያድርጉ?
  • እንዴት?
  • እስር ቤት የሚገባቸው ሰውዬ ሹመት ነው የጠበቃቸው፡፡
  • እ…
  • ለማንኛውም ስለጨረታው እናውራ ብዬ ነው፡፡
  • እሺ ምን ዓይነት ጨረታ ነው የሚወጣው?
  • ሁለት ዓይነት ጨረታ ማውጣት እንችላለን፡፡
  • ምንና ምን ዓይነት?
  • ግልጽ ወይም ዝግ ጨረታ፡፡
  • አሁን የትኛውን ዓይነት ጨረታ እናውጣ ታዲያ?
  • እኔ ግልጽ ጨረታ ቢወጣ ባይ ነኝ፡፡
  • ለምን?
  • ዝግ ጨረታው ለሙስና በጣም ተጋላጭ ነው፡፡
  • እንዴት?
  • ያው ለዝግ ጨረታው የሚመረጡት ሰዎች አደገኛ ሙሰኞች ናቸው፡፡
  • ስለዚህ ግልጽ ጨረታ ይደረጋ?
  • አዎን ክቡር ሚኒስትር፡፡
  • ዓለም አቀፍ ተቋማት ብቻ ይሳተፉ ወይስ የአገር ውስጦቹም ይኑሩበት?
  • የአገር አቀፎቹም ቢኖሩ መልካም ነው፡፡
  • አቅም አላቸው ግን?
  • እሱን በውድድሩ ያሳዩ፡፡
  • በቃ እንደዛው ይደረግ፡፡

[ክቡር ሚኒስትሩ ቢሮ ሲገቡ አማካሪያቸውን አገኙት]

  • ሪፖርቱን እየሠራህ ነው?
  • አዎን ክቡር ሚኒስትር፡፡
  • ምን ያህል ገጽ ሠራህ?
  • ገና ሁለተኛ ገጽ ላይ ነኝ፡፡
  • ምን?
  • ሥራ ስለሚበዛብኝ ነው እኮ፡፡
  • የ50 ገጽ ሪፖርት እንደምፈልግ ታውቃለህ አይደል?
  • ምን ችግር አለው? ከቀድሞው ሪፖርት ኮፒ ፔስት ማድረግ ነው፡፡
  • እ…
  • ከፈለጉም ከኢንተርኔት ኮፒ ማድረግ እችላለሁ፡፡
  • ስማ ለሚኒስትሮች የሚቀርብ ሪፖርት እኮ ነው፡፡
  • ምን ችግር አለው?
  • አንተ በዚህ አቅምህ እንዴት ነው ከእኔ ጋር የምትሠራው?
  • እኔ የምልዎት ጠዋት የት ሄደው ነበር ግን?
  • የቦርድ ሊቀመንበር የሆንኩበት የልማት ድርጅት ስለሚያወጣው ጨረታ ለመነጋገር እዛ ነበርኩ፡፡
  • አልሰሙም እንዴ?
  • ምኑን?
  • ጨረታው መሰረዙን?
  • እ…
  • ጨረታው እኮ የበርካታ ባለሥልጣናትን ቀልብ ስቧል፡፡
  • እና?
  • ተሰረዘ፡፡
  • እንዴት?
  • በአንድ የስልክ ጥሪ!

[አንድ ነባር ሚኒስትር ለክቡር ሚኒስትሩ ስልክ ደወሉላቸው]

  • ተመስገን ነው ክቡር ሚኒስትር፡፡
  • ምን ተገኘ?
  • ስልክዎት ሠራ ብዬ ነዋ፡፡
  • እምቢ ብሎ ነበር አይደል?
  • በተደጋጋሚ ነበር የሞከርኩልዎት፡፡
  • ውጭ ነበርኩ፡፡
  • እሱማ ሰምቻለሁ ግን…
  • ምነው?
  • ማለት ገና ከመሾምዎት…
  • ምን?
  • ጉዞ አበዙ፡፡
  • ለሥራ እኮ ነው የምሄደው፡፡
  • ቢሆንም በየሳምንቱ የውጭ ጉዞ እንዴት ነው?
  • በሪሰርቸርነቴ አይደለም እኮ እየሄድኩ ያለሁት፡፡
  • እሱማ ይገባኛል፡፡
  • አገር ወክዬ እኮ ነው የምሄደው፡፡
  • ያው ዓይን ውስጥ እንዳይገቡ ብዬ ነው፡፡
  • ማለት?
  • የሚባለው እኮ ሌላ ነው፡፡
  • ምንድን ነው የሚባለው?
  • ከአየር ላይ ነው እየመሩት ያለው እየተባለ ነው፡፡
  • ምኑን?
  • መሥሪያ ቤቱን፡፡
  • ወሬኞች በላቸው፡፡
  • ሌላም ነገር ተብለዋል፡፡
  • ሌላ ምን?
  • ክቡር ካፒቴን!

[ክቡር ሚኒስትር ቢሮ አንድ የመሥሪያ ቤቱ ሠራተኛ ገባ]

  • ሰላም ክቡር ሚኒስትር፡፡
  • ሰላም እንዴት ነህ?
  • ጥሩ ሰው መሆንዎትን ሰምቻለሁ፡፡
  • አመሰግናለሁ፡፡
  • በርካታ ለውጦች ያመጣሉ ብዬ አስባለሁ፡፡
  • ምንድን ነው የምትሠራው?
  • ጠቅላላ አገልግሎት ላይ ነው የምሠራው፡፡
  • ብዙ ዓመት ሠራህ?
  • ጡረታ ለመውጣት አምስት ዓመት ነው የቀረኝ፡፡
  • ቆይተሃላ?
  • መሥሪያ ቤቱን በሚገባ አውቀዋለሁ፡፡
  • እስቲ ንገረኝ?
  • ሕይወቴን የነጠቀኝ መሥሪያ ቤት ነው፡፡
  • እንዴት?
  • የቀድሞው ሚኒስትር ግፈኛ ነበሩ፡፡
  • ማለት?
  • ሁሌም ባዶ ተስፋ ይሰጡኝ ነበር፡፡
  • የምን ባዶ ተስፋ?
  • ይኸው ይኼን ያህል አገልግዬ የኮንዶሚኒየም ቤት እንኳን የለኝም፡፡
  • እሺ፡፡
  • እሳቸው ግን ሁሌም የማያደርጉትን ነገር እንደሚያደርጉልኝ ያወሩልኝ ነበር፡፡
  • ምን ታደርገዋለህ?
  • ለራሳቸው ግን ቤት ሳይሆን ቤተ መንግሥት ነው የገነቡት፡፡
  • ካልኖሩበት ምን ይጠቅማል ብለህ ነው?
  • እኔ የመጣሁት እንደሳቸው እንዳይሆኑ ለመምከር ነው፡፡
  • እንደሳቸው ምን እንዳልሆን?
  • ክቡር ሙሰኛ!

[አንድ ደላላ ክቡር ሚኒስትር ቢሮ ገባ]

  • ሰላም ክቡር ሚኒስትር፡፡
  • ምን ፈልገህ መጣህ?
  • ጉዳይ አለኝ፡፡
  • የምን ጉዳይ?
  • በርዎት ክፍት መስሎኝ፡፡
  • ለአንተ ግን ክፍት አይደለም፡፡
  • ረሱት እንዴ?
  • ምኑን?
  • የሰጡትን መግለጫ፡፡
  • የምን መግለጫ?
  • ለሁሉም ኢትዮጵያዊ በሬ ክፍት ነው ብለው ተናግረው ነበር፡፡
  • እሱማ ክፍት ነው፡፡
  • ታዲያ እኔ ላይ ለምን ይዘጉታል?
  • ስማ ከሙሰኞች ጋር መሥራት አልፈልግም፡፡
  • ክቡር ሚኒስትር ቢሰሙኝ ጥሩ ነው፡፡
  • ምንድን ነው የምሰማው?
  • የምሰጥዎትን ምክር፡፡
  • ምን?
  • አብረን እንብላ፡፡
  • ውጣ ከዚህ፡፡
  • ምን አጠፋሁ?
  • ውጣልኝ፡፡
  • በሬ ክፍት ነው ብለው?
  • ለአንተ መከፈት ያለበት ሌላ በር ነው፡፡
  • የምን በር?
  • የእስር ቤት!

በብዛት የተነበቡ ፅሁፎች

- Advertisment -

ትኩስ ፅሁፎች

የፋይናንስ ኢንዱስትሪው ለውጭ ባንኮች መከፈት አገር በቀል ባንኮችን ለምን አስፈራቸው?

የማይረጥቡ ዓሳዎች የፋይናንስ ተቋማት መሪዎች ሙግት ሲሞገት! - በአመሐ...

የምርጫ 97 ትውስታ!

በበቀለ ሹሜ      መሰናዶ ኢሕአዴግ ተሰነጣጥቆ ከመወገድ ከተረፈ በኋላ፣ አገዛዙን ከማሻሻልና...

ሸማቾች የሚሰቃዩት በዋጋ ንረት ብቻ አይደለም!

የሸማች ችግር ብዙ ነው፡፡ ሸማቾች የሚፈተኑት ባልተገባ የዋጋ ጭማሪ...

መንግሥት ከለጋሽ አካላት ሀብት ለማግኘት የጀመረውን ድርድር አጠናክሮ እንዲቀጥል ፓርላማው አሳሰበ

የሦስት ዩኒቨርሲቲዎች ፕሬዚዳንቶች በኦዲት ግኝት ከኃላፊነታቸው መነሳታቸው ተገልጿል አዲስ አበባ...

በአሜሪካ የኢትዮጵያ አምባሳደር ስለሺ በቀለ ያቀረቡት መልቀቂያ ተቀባይነት ማግኘቱ ተሰማ

በአሜሪካ የኢትዮጵያ አምባሳደር ሆነው እያገለገሉ የሚገኙት የቀድሞው የውኃ ሀብት...
spot_img

ተዛማጅ ፅሁፎች

[ክቡር ሚኒስትር በኢትዮጵያ ታምርት ንቅናቄ እንዲሳተፉ ከተለዩ ባለሀብቶች መካከል እንዱ ጋ ስልክ ደውለው በንቅናቄው ላይ እንዲሳተፉ ግብዣቸውን እያቀረቡ ነው]

መቼም ኢትዮጵያ ታምርት በሚል የተጀመረውን አገር አቀፍ ንቅናቄ ሳትሰማ አትቀርም ብዬ ተስፋ አደርጋለሁ። ልክ ነው፣ ሰምቻለሁ ክቡር ሚኒስትር። አሁን ደግሞ ንቅናቄውን ለማጠናከር ኢትዮጵያ ታምርት የሚል የታላቁ...

[ክቡር ሚኒስትሩ የቢሮ ሥራቸውን አጠናቀው ከውጭ አገር የመጣ ወንድማቸውን ለመጠየቅ ያረፈበት ገስት ሀውስ ሲደርሱ ወንድማቸው በቴሌቪዥን የሚተላለፈውን ፕሮግራም በመገረም እየተከታተለ አገኙት]

ውይ መጣህ እንዴ? እስኪ አረፍ በል፡፡ ምንድነው እንዲህ ያስደነቀህ? ተደንቄ ሳይሆን ግራ ግብት ብሎኝ ነው። ምኑ ነው ግራ ያጋባህ? የድልድይ ማስመረቅና የድልድይ ማፍረስ ነገር ነዋ። አልገባኝም? አለቃችሁ ድልድይ ሲያስመርቁ የተናገሩትን...

[ክቡር ሚኒስትሩ ከዘመዶቻቸውና ቤተሰቦቻቸው ጋር ሆነው በዓሉን በመኖሪያ ቤታቸው እያከበሩ ነው። ባለቤታቸውም ለበዓሉ የተዘጋጀውን ዳቦ ባርከው እንዲቆርሱ ለሚኒስትሩ እያቀረቡ ነው]

በል ዳቦውን ባርክና ቁረስልንና በዓሉን እናክብር? ጥሩ ወዲህ አምጪው... አዎ! በል መርቅ... ከዓመት ዓመት ያድርሰን... ኧረ በሥርዓት መርቅ ተው? ከዓመት ዓመት ያድርሰን አልኩኝ እኮ ...አልሰማሽም? ከዓመት ዓመት መድረሱ ብቻ ምን...