Sunday, June 23, 2024
- Advertisement -
- Advertisement -
ዜናዓቃቤ ሕግ አቶ በቀለ ገርባ ለሰበር ችሎት ያቀረቡት አቤቱታ ሕግን ያልተከተለ...

ዓቃቤ ሕግ አቶ በቀለ ገርባ ለሰበር ችሎት ያቀረቡት አቤቱታ ሕግን ያልተከተለ ነው አለ

ቀን:

የፌዴራል ጠቅላይ ዓቃቤ ሕግ የፈቀደላቸውን የ30 ሺሕ ብር ዋስትና በማገድ፣ አስተያየታቸውን እንዲያቀርቡ በተሰጣቸው ትዕዛዝ መሠረት መልሳቸውን ያቀረቡት አቶ በቀለ ገርባ፣ ያቀረቡት አቤቱታ (መልስ) ሕግን ያልተከተለ ነው በማለት ዓቃቤ ሕግ የመልስ መልስ ሰጠ፡፡

ጠቅላይ ዓቃቤ ሕግ ሰኞ ታኅሳስ 2 ቀን 2010 ዓ.ም. ለፌዴራል ጠቅላይ ፍርድ ቤት ሰበር ሰሚ ችሎት ባቀረበው የመልስ መልስ እንደገለጸው፣ አቶ በቀለ ለሰበር ችሎቱ ባቀረቡት መልስ ላይ በተደጋጋሚ የገለጹት የዋስትና መብታቸውን የተከለከሉት መደበኛ ዳኛ ባልሆኑት የፍርድ ቤቱ ፕሬዚዳንት ነው ማለታቸውን ተቃውሟል፡፡

እንደ ዓቃቤ ሕግ ገለጻ የፌዴራል ፍርድ ቤቶችን ለማሻሻል በወጣው አዋጅ ቁጥር 454/97 አንቀጽ (4) መሠረት፣ የፌዴራል ከፍተኛ ፍርድ ቤት ፕሬዚዳንትና ምክትል ፕሬዚዳንት በየትኛውም ችሎት ማስቻል እንደሚችሉ አብራርቷል፡፡ በመሆኑም የፕሬዚዳንቱ መሰየም ሕግን የተከተለ መሆኑን ጠቁሞ፣ አቶ በቀለ በተከሰሱበት መዝገብ ሆን ተብሎ ዋስትና ለማስከልከል እንደተሰየሙ በማስመሰል ማቅረባቸው የሕግ መሠረት የሌለው መሆኑን አክሏል፡፡

አቶ በቀለ የከፍተኛውን ፍርድ ቤት ውሳኔ፣ ‹‹ፖለቲካዊ መሆኑን ብረዳም›› በማለት ለሰበር ችሎቱ መግለጻቸው፣ በሕገ መንግሥቱ አንቀጽ 79 ላይ እንደተገለጸው ከማንኛውም ነገር ነፃ ሆኖ የሚዳኘውን ፍርድ ቤት ነፃ እንዳልሆነ ማስመሰላቸው ተገቢ አይደለም ብሏል፡፡ የወንጀል ሥነ ሥርዓት ሕጉን ባለመከተል ከጉዳዩ ጋር ግንኙነት የሌለውን ነገር በመግለጽ የሰጡት ምላሽ፣ ዓቃቤ ሕግ ሕጉን ተከትሎ ይግባኝ የማቅረብ መብት ያለው መሆኑን አለመገንዘብ መሆኑንም ጠቁሟል፡፡

ሕጉን ጠብቆ ለሰበር ሰሚ ችሎቱ ያቀረበው አቤቱታ ትክክለኛ መሆኑን የተገነዘበው ሰበር ሰሚ ችሎቱም፣ ውሳኔ እስከሚሰጥ ድረስ ይግባኝ ሰሚ ችሎት የሰጠውን ውሳኔ ማገዱ ተገቢ መሆኑን ዓቃቤ ሕግ በመልሱ ገልጿል፡፡

በወንጀለኛ መቅጫ ሥነ ሥርዓት ሕግ ቁጥር 67 (ሀ እና ለ) መሠረትና በሕገ መንግሥቱ አንቀጽ 19(6) መሠረት ዋስትና ሊያስከለክሉ የሚገባቸውን ድንጋጌዎች መጥቀሱን አስታውሶ፣ ያቀረበው አቤቱታ ተገቢ መሆኑን በማረጋገጥ ሰበር ሰሚ ችሎቱ የሥር ፍርድ ቤት ውሳኔን ውድቅ አድርጎ፣ የከፍተኛውን ፍርድ ቤት ውሳኔ እንዲያፀናለት ጠይቋል፡፡

ፍርድ ቤቱም የሁለቱ ወገኖች የሰጡትን አስተያየት መርምሮ ውሳኔ ለመስጠት ለታኅሳስ 17 ቀን 2010 ዓ.ም. ቀጠሮ ሰጥቷል፡፡       

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...