Wednesday, February 8, 2023
- Advertisement -
- Advertisement -
ዜናጠቅላይ ሚኒስትር ኃይለ ማርያም ከተባበሩት ዓረብ ኤምሬትስ የጦር ኃይሎች አዛዥ ጋር ተወያዩ

ጠቅላይ ሚኒስትር ኃይለ ማርያም ከተባበሩት ዓረብ ኤምሬትስ የጦር ኃይሎች አዛዥ ጋር ተወያዩ

ቀን:

ጠቅላይ ሚኒስትር ኃይለ ማርያም ደሳለኝ ከተባበሩት ዓረብ ኤምሬትስ ምክትል የጦር ኃይሎች አዛዥ ጋር ተገናኝተው መወያየታቸውን ምንጮች ገለጹ፡፡

ጠቅላይ ሚኒስትሩ ከምክትል የጦር ኃይሎች አዛዥ ልዑል አልጋ ወራሽ ሼክ መሐመድ ዛይድ ቢን ሡልጣን አል ናህያን ጋር የተወያዩት፣ የተባበሩት ዓረብ ኤምሬትስ ከሳዑዲ ዓረቢያ ጋር በመሆን በኤርትራ የከፈተቻችው የአየር ኃይልና የባህር ኃይል የጦር ሠፈሮች፣ በኢትዮጵያ ብሔራዊ ደኅንነት ላይ የደቀኑትን ሥጋት በተመለከተ መሆኑን ምንጮች አክለዋል፡፡

ጠቅላይ ሚኒስትር ኃይለ ማርያም ከፍተኛ የመንግሥት ባለሥልጣናትን በማካተት በዋናነት ወደ ተባበሩት ዓረብ ኤምሬትስ ያመሩት፣ በአገሪቱ በተዘጋጀው ባህላዊ ቅርሶች ጥበቃን የተመለከተ ዓለም አቀፍ ጉባዔ ለመሳተፍ መሆኑ ታውቋል፡፡

ጠቅላይ ሚኒስትሩ ከአልጋ ወራሽና ምክትል የጦር ኃይሎች አዛዡ ጋር የተወያዩት ከዋናው ጉባዔ ጎን ለጎን መሆኑም ታውቋል፡፡

ከጠቅላይ ሚኒስትሩ ጋር ከተካተቱት ባለሥልጣናት መካከል የትራንስፖርት ሚኒስትሩ አቶ አህመድ ሸዴ ይገኙበታል፡፡

ጠቅላይ ሚኒስትር ኃይለ ማርያም የመከላከያ ሚኒስትሩ አቶ ሲራጅ ፈጌሳን  ያካተተ ልዑካን ቡድን በመምራት፣ ከሳምንት በፊት ሳውዲ ዓረቢያ ተገኝተው በተመሳሳይ ጉዳይ ላይ እንደተወያዩ መዘገባችን ይታወሳል፡፡

ተባበሩት መንግሥት ድርጅት (ተመድ) የፀጥታው ምክር ቤት በኤርትራ ላይ የጣለውን የመሣሪያ ማዕቀብ የሚከታተለው አጣሪ ቡድን ከሁለት ሳምንት በፊት ባወጣው ሪፖርት፣ የሳዑዲ ዓረቢያና የተባበሩት ዓረብ ኤምሬትስ በኤርትራ እያደረጉት ያለው ወታደራዊ እንቅስቃሴ የኤርትራን የጦር ኃይል አቅም ሊያጠናክር እንደሚችል ሥጋቱን ገልጾ ነበር፡፡

ጄንስ የተባለውና በወታደራዊ የአቪዬሽን ስለላ የሚታወቀው ተቋም ባለፈው ሳምንት ባወጣው ሪፖርት፣ የተባበሩት ዓረብ ኤምሬትስ ለብቻዋ በኤርትራ ዘጠኝ ተዋጊ ጄቶችንና አራት ሔሊኮፕተሮችን ማሰማራቷን በሳተላይት ምሥል ማረጋገጡን አስታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ጥቁር የመልበስ ውዝግብና የእምነት ነፃነት በኢትዮጵያ

ጠቅላይ ሚኒስትር ዓብይ አህመድ (ዶ/ር) ኅዳር ወር ላይ በፓርላማ...

የኢንሹራንስ ዘርፉን የሚቆጠጠር ገለልተኛ ተቋም ለመመሥረት እንቅስቃሴ ተጀመረ

ከ70 በላይ አዳዲስ የፋይናንስ ተቋማት ዘርፉን ሊቀላቀሉ ነው የኢትዮጵያ ብሔራዊ...

እስቲ አንገፋፋ!

እነሆ መንገድ። ጊዜና ሥፍራ ተጋግዘው በውስንነት ይዘውናል። መፍጠን ያቃተው...