Tuesday, September 26, 2023
- Advertisement -
- Advertisement -
ስፖርትፌዴሬሽኑ የዋሊያዎቹን ዋና አሠልጣኝ ለመቅጠር ዝግጅት ላይ ነው

ፌዴሬሽኑ የዋሊያዎቹን ዋና አሠልጣኝ ለመቅጠር ዝግጅት ላይ ነው

ቀን:

የኢትዮጵያ እግር ኳስ ፌዴሬሽንም የብሔራዊ ቡድኑን አሠልጣኝ ቅጥር ለመፈጸም በዝግጅት ላይ እንደሚገኝ ተጠቆመ፡፡

በሌላ በኩል የአፍሪካ እግር ኳስ ኮንፌዴሬሽን (ካፍ) ለ2019 የአፍሪካ ዋንጫ በቅድመ ማጣሪያና በምድብ ድልድል የሚካተቱ አገሮችን ዝርዝር በጥር ወር እንደሚያሳውቅ ተገልጿል፡፡ የመጀመርያው የማጣሪያ መርሐ ግብር በመጋቢት ወር ይጀምራል ተብሏል፡፡

የኢትዮጵያ እግር ኳስ ፌዴሬሽን ጽሕፈት ቤት ተጠባባቂ ኃላፊ አቶ ወንድምኩን አላዩ ለሪፖርተር እንደገለጹት ከሆነ፣ ካፍ የ2019 የአፍሪካ ዋንጫ ማጣሪያ ወደ ቅድመ ማጣሪያ የሚገቡ አገሮችንና ቀጥታ በምድብ ድልድሉ የሚካተቱ አገሮችን ዝርዝር ጥር 12 ቀን 2009 ዓ.ም. በሚያደርገው ስብሰባ ይወስናል፡፡ የጨዋታው መርሐ ግብርም በመጋቢት 2009 እንደሚጀምር ጭምር ተናግረዋል፡፡

እንደ ኃላፊው የካፍ ውድድር አዘጋጅ ኮሚቴ የማጣሪያውን መርሐ ግብር አስመልክቶ በ2017 ጋቦን ለምታስተናግደው የአፍሪካ ዋንጫ ለቅድመ ማጣሪያው የሚደረገው የጨዋታ ፕሮግራም አስቀርቶ ሁሉም አገሮች በቀጥታ ወደ ምድብ ድልድሉ የሚካተቱበትን ሁኔታ ሊያመቻች የሚችልበት አጋጣሚ አለ፡፡ ይህ የማይሆን ከሆነ ግን ኢትዮጵያና ሌሎች መሰል አገሮች ያላቸው የእግር ኳስ ደረጃ ታይቶ ወደ ቅድመ ማጣሪያው ወይም ወደ ምድብ ድልድሉ የሚካተቱ ስለመሆኑም ተነግሯል፡፡

ከ2017 የአፍሪካ ዋንጫ ተሳትፎ ውጪ መሆኑን ያረጋገጠው የኢትዮጵያ ብሔራዊ ቡድን በአሁኑ ወቅት ዋናም ሆነ ምክትል አሠልጣኝ የለውም፡፡ ይኼው ፌዴሬሽኑን በማስተቸት ላይ ይገኛል፡፡

የብሔራዊ ቡድኑ አሠልጣኝ ቅጥር በአንድ ወር ጊዜ ውሰጥ እንደሚታወቅ የሚናገሩ አሉ፡፡ ይሁንና ይህንኑ አስመልክቶ የተጠየቁት አቶ ወንድምኩን፣ ‹‹ለጥቅር የሚያስፈልጉ ቅድመ ዝግጅቶችን ማድረግ ካልሆነ በስተቀር ፌዴሬሽኑ በአንድ ወር ጊዜ ውስጥ ቅጥር እንደሚፈጽም ያሳውቀው ምንም ዓይነት ነገር የለም፤›› በማለት እየተወራ ያለው ነገር ግምት መሆኑን ይገልጻሉ፡፡ ሆኖም የ2019 የአፍሪካ ጨዋታ ቅድመ ማጣሪያም ይሁን የምድብ ድልድል ከቀረው ጊዜ አኳያ ፌዴሬሽኑ የብሔራዊ ቡድኑን አሠልጣኝ ቅጥር ተፈጻሚ እንደሚያደርግ ግን አልሸሸጉም፡፡

 

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የቤት ባለንብረቶች የሚከፍሉትን ዓመታዊ የንብረት ታክስ የሚተምን ረቂቅ አዋጅ ተዘጋጀ

በአዋጁ መሥፈርት መሠረት የክልልና የከተማ አስተዳደሮች የንብረት ታክስ መጠን...

እንደ ንብረት ታክስ ያሉ ወጪን የሚያስከትሉ አዋጆች ከማኅበረሰብ ጋር ምክክርን ይሻሉ!

የመንግሥትን ገቢ በማሳደግ ረገድ አስተዋጽኦ እንዳላቸው የሚታመኑት የተጨማሪ እሴት...

ለዓለምም ለኢትዮጵያም ሰላም እንታገል

በበቀለ ሹሜ ያለፉት ሁለት የዓለም ጦርነቶች በአያሌው የኃያል ነን ባይ...