Sunday, January 29, 2023
- Advertisement -
- Advertisement -
ማኅበራዊጉዳት የደረሰበትን የተከዜ ኃይል ማመንጫ ለመጠገን የቻይናው ኩባንያ ምላሽ እየተጠበቀ ነው

ጉዳት የደረሰበትን የተከዜ ኃይል ማመንጫ ለመጠገን የቻይናው ኩባንያ ምላሽ እየተጠበቀ ነው

ቀን:

ባለፈው ዓመት ተከስቶ ከነበረው ድርቅ ጋር በተገናኘ ጉዳት ደርሶባቸው የነበሩትን የተከዜ ኃይል ማመንጫ ተርባይኖችን ለመጠገን፣ ዳንግ ፋንግ የተባለው የቻይና ኩባንያ ምላሽ እየተጠበቀ መሆኑን የኢትዮጵያ ኤሌክትሪክ ኃይል ገለጸ፡፡

ድርቁ ባስከተለው የዝናብ እጥረት ግድቡ በቂ ውኃ ማጠራቀም ባለመቻሉ፣ እንዲሠሩ ከተደረጉት የኃይል ማመንጫ ተርባይኖች ከአራቱ ሦስቱ ጉዳት ደርሶባቸው እንደነበር ተጠቁሟል፡፡

ኤሌክትሪክ ኃይል በራሱ ባለሙያዎች አንዱን ማስጠገን ቢችልም ሁለቱ እስካሁን መጠገን አለመቻላቸውን፣ የኤሌክትሪክ ኃይል የኦፕሬሽን ሥራ አስፈጻሚ አቶ አንዳርጌ እሸቴ ለሪፖርተር ገልጸዋል፡፡

ሁለቱን ተርባይኖች ለመጠገን ቀድሞ ጄኔሬተሮችን አምርቶ የገጠመው የቻይናው ዳንግ ፋንግ ኩባንያ ለጥገና የሚያስፈልጉ መሣሪያዎችን አቅርቦ እንዲተክል የተጠየቀ በመሆኑ፣ የኩባንያው ምላሽ እየተጠበቀ እንደሆነ ጨምረው ገልጸዋል፡፡

ባለፈው ክረምት የኃይል ማመንጫ ግድቦች የሚፈለገውን ያህል ውኃ መያዝ በመቻላቸው እያንዳንዳቸው በአማካይ የተሻለ ኃይል እያመነጩ በመሆኑ፣ በተከዜ ያጋጠመው ችግር ለጊዜው በአገሪቱ የኃይል ፍላጎት ላይ ያሳደረው ጫና አለመኖሩን የኦፕሬሽን ሥራ አስፈጻሚው አስረድተዋል፡፡

መጪው ክረምት ደርሶ የግድቡን የውኃ መጠን አሁን ካለበት ከፍ ከማድረጉ በፊት፣ ብልሽቱን አስተካክሎ ወደ ሥራ ለማስገባት እየተሠራ መሆኑ ተገልጿል፡፡

ለግድቦች የመለዋወጫ ዕቃ በየዓመቱ ወደ አገር ውስጥ የሚያስገባው የኢትዮጵያ ኤሌክትሪክ ኃይል፣ ባለፈው ዓመት ለተከዜና ለጢስ ዓባይ ኃይል ማመንጫዎች በግማሽ ሚሊዮን ዶላር ያህል ወጪ መለዋወጫዎች ወደ አገር ውስጥ አስገብቷል፡፡

መለዋወጫዎቹ በኃይል ማመንጫው በአጠቃላይ ሊያጋጥሙ የሚችሉ ብልሽቶችን ለመጠገን ተብለው ቀድመው የገቡ ናቸው፡፡

ሆኖም አሁን በራስ አቅም ቀላል የሚባሉትን በመጠገን ለጊዜውም ቢሆን ሁለተኛው ተርባይን ኃይል እንዲያመነጭ አስችሏል ያሉት አቶ አንዳርጌ፣ ሌሎች ተጓዳኝ ሥራዎችም በኃይል ማመንጫው እየተሠሩ ነው ብለዋል፡፡

ግንባታው በ2001 ዓ.ም. ተጠናቆ ወደ ሥራ የገባው የተከዜ የኤሌክትሪክ ኃይል ማመንጫ ግድብ እያንዳንዳቸው 75 ሜጋ ዋት የኤሌክትሪክ ኃይልን ማመንጨት የሚችሉ አራት ተርባይኖች ሲኖሩት፣ በአጠቃላይ 300 ሜጋ ዋት የኤሌክትሪክ ኃይል ያመነጫል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...