Monday, January 30, 2023
- Advertisement -
- Advertisement -
ማኅበራዊየሰብዓዊ መብት ድርጊት መርሐ ግብር የቤት ኪራይ ዋጋ ንረትን ለመከላከል ዕቅድ አስቀመጠ

የሰብዓዊ መብት ድርጊት መርሐ ግብር የቤት ኪራይ ዋጋ ንረትን ለመከላከል ዕቅድ አስቀመጠ

ቀን:

– የድርጊት መርሐ ግብሩ ለፓርላማ ቀርቧል

በሁለተኛው የዕድገትና ትራንስፎርሜሽን ዕቅድ ዘመን ውስጥ ተግባራዊ እንዲሆን የተረቀቀው ብሔራዊ የሰብዓዊ መብቶች ድርጊት መርሐ ግብር፣ የቤት ኪራይ ዋጋ ንረትን ለመከላከል መንግሥት ሕግ አውጥቶ የመቆጣጠር ኃላፊነት እንዳለበት ገለጸ፡፡

የድርጊት መርሐ ግብሩ በቂ የመኖሪያ ቤት የማግኘት መብት በሚል ርዕስ ሥር በቀጣዮቹ ዓመታት ሊደረጉ ይገባል ካላቸው መካከል፣ በከተሞች አካባቢ የሚታየውን የቤት ዋጋ ንረትን ለመከላከል እንዲቻል የኪራይ ስታንዳርድን የሚመለከት ሕግ በማውጣት ተግባራዊ እንዲደረግ በዕቅዱ አሳይቷል፡፡

ይህንንም ጉዳይ ተከታትሎ እንዲያስፈጽም ለከተማ ልማትና ቤቶች ሚኒስቴር፣ እንዲሁም ለክልል ቢሮዎች ኃላፊነት እንዲወስዱ የድርጊት መርሐ ግብሩ አመላክቷል፡፡

ከዚህ በተጨማሪም በአነስተኛና ወጪ ቆጣቢ ቤቶች ግንባታ ላይ ያሉ የግሉ ዘርፍ የቤት አልሚዎች እንዲሰማሩ ለማበረታታት የብድር አገልግሎት፣ የመሬት አቅርቦትና የመሳሰሉት ልዩ ልዩ ማበረታቻዎች የሚሰጥበት ሁኔታ ተጠናክሮ እንዲቀጥል አስቀምጧል፡፡

የፖለቲካና ሲቪል መብቶችን በተመለከተ የተያዙ፣ በቁጥጥር ሥር የዋሉና በፍርድ የታሰሩ ሰዎች መብትን ለማስከበር በሚል ልዩ ርዕስ ሥር የዋስትና መብት ለማረጋገጥና የዋስትና አሰጣጥ አሠራር ሥርዓት ወጥነትና ፍትሐዊነት እንዲኖረው ለማድረግ፣ የዋስትና አወሳሰን መመርያ ተዘጋጅቶ ተግባራዊ እንደሚሆን በረቂቅ ድርጊት መርሐ ግብር ዝርዝር ውስጥ ተቀምጧል፡፡

በሁሉም የፖሊስ ማቆያ ጣቢያዎች በቀን ሦስት ጊዜ ለተጠርጣሪዎች ምግብ እንዲቀርብም በረቂቁ ተመልክቷል፡፡

ማንኛውም ሰው በፍርድ ቤት የጥፋተኝነት ውሳኔ ከተላለፈበት በኋላ ጥፋተኛ አለመሆኑን የሚያሳይ ማስረጃ ከተገኘ፣ ውሳኔ የሰጠው ፍርድ ቤት ጉዳዩን እንደገና አይቶ ተከሳሹን ነፃ የሚያደርግበትን የሚወስን ሕግ ፀድቆ ተግባራዊ እንደሚደረግ፣ ለደረሰውም የጉዳት ካሳ የሚከፈልበትና ተጠያቂነትን ለማረጋገጥ የሚያስችል የሕግና የአሠራር ሥርዓት እንደሚዘረጋ ያስቀምጣል፡፡

አመለካከትንና ሐሳብን በነፃ የመያዝና የመግለጽ መብትን ከማስከበር በተጓዳኝ በግለሰቦችና ቡድኖች ላይ ያነጣጠሩ ጥላቻ አዘል ንግግሮችና ስም ማጥፋትን የሚገዛ ሕግ በጥናት ላይ ተመሥርቶ እንዲወጣ እንደሚደረግ፣ እንዲሁም የማስታወቂያ አዋጅ እንዲተገበር እንደሚሠራ በረቂቅ ድርጊት መርሐ ግብሩ ተቀምጧል፡፡

የድርጊት መርሐ ግብሩ 151 ገጾች ያሉት ሲሆን፣ ማክሰኞ ጥቅምት 29 ቀን 2009 ዓ.ም. ለሕዝብ ተወካዮች ምክር ቤት ቀርቦ ለዝርዝር ዕይታ ለቋሚ ኮሚቴ ተመርቷል፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...