Sunday, February 5, 2023
- Advertisement -
- Advertisement -
ማኅበራዊየአርበኞች ግንቦት ሰባት አባላት መሆናቸው የተረጋገጠባቸው ተከሳሾች ጥፋተኛ ተባሉ

የአርበኞች ግንቦት ሰባት አባላት መሆናቸው የተረጋገጠባቸው ተከሳሾች ጥፋተኛ ተባሉ

ቀን:

የመኖሪያ አድራሻቸው በአማራ ክልል ሰሜን ጎንደር ዞን ሳንጃ፣ ወገራ፣ ትክል ድንጋይና ዳዋ ዳሞት ወረዳዎች የሆኑ የአርበኞች ግንቦት ሰባት አባል መሆናቸው ተረጋጋጦባቸዋል የተባሉ ሰባት ተከሳሾች ጥፋተኛ ተባሉ፡፡

የፌዴራል ዓቃቤ ሕግ ለፌዴራል ከፍተኛ ፍርድ ቤት ልደታ ምድብ 19ኛ ወንጀል ችሎት ያቀረበው ክስ እንደሚያስረዳው፣ ተከሳሾቹ አርበኞች ግንቦት ሰባትን ለመቀላቀል ወስነው ኤርትራ ከሚገኝ የድርጅቱ አባል ጋር በመነጋገር፣ በማይካድራ አድርገው ወደ ኤርትራ መሄዳቸውን ይገልጻል፡፡

ተከሳሾቹ አምላኩ መስታዬት፣ ኢሳያስ ማሩ፣ ጀጃው ዓለማየሁ፣ ወርቁ ዳኘው፣ አሳመረው አሰፋ፣ አብነት ደሳለኝና ፋሲካው ጌታቸው የሚባሉ ናቸው፡፡ አምላኩ የተባለው ተከሳሽ በሱዳን በኩል አድርጎ ወደ ኤርትራ ከሄደ በኋላ፣ ለሦስት ወራት ቆይቶ የድርጅቱን ዓላማ ለማሳካት መመለሱን ክሱ ያስረዳል፡፡

ተከሳሹ ወደ ኢትዮጵያ ከተመለሰ በኋላ ሌሎች ወጣቶችን በመመልመልና በማሳመን ለመውሰድ በዝግጅት ላይ እያለ ጎንደር ከተማ ውስጥ መያዙን ክሱ ይገልጻል፡፡ ሁሉም ተከሳሾች የአርበኞች ግንቦት ሰባትን ዓላማ ለማስፈጸም ከተስማሙና ሌሎች ወጣቶችንም በመመልመል ወደ ድርጅቱ ወስደው ለማቀላቀል ሲንቀሳቀሱ በፀጥታ ኃይሎት በቁጥጥር ሥር መዋላቸውን፣ ከሳሽ ዓቃቤ ሕግ በሰውና በሰነድ ማስረጃዎች ማረጋገጡን ፍርድ ቤቱ ገልጿል፡፡ እንዲከላከሉም ብይን የተሰጠ ቢሆንም ‹‹የመከላከያ ምስክርም ሆነ የሰነድ ማስረጃ ስለሌለን ፍርድ ይሰጠን፤›› የሚል ምላሽ ለፍርድ ቤቱ በመስጠታቸው ፍርድ ተሰጥቷል፡፡

ተከሳሾቹ እንዲከላከሉ ብይን ቢሰጥም ባለመከላከላቸው፣ የፀረ ሽብርተኝነት አዋጅ ቁጥር 652/2001 አንቀጽ 7(1)ን በመተላለፍ ጥፋተኛ ብሏቸዋል፡፡ በመሆኑም የግራ ቀኙን የቅጣት ማክበጃና ማቅለያ ተቀብሎ የቅጣት ውሳኔ ለመስጠት ለኅዳር 12 ቀን 2009 ዓ.ም. ቀጠሮ ሰጥቷል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በጦርነቱ የወደሙ ትምህርት ቤቶችን መልሶ የመገንባቱ ውጥን

በኢትዮጵያ በሰሜኑ ክፍል በሦስት ዙር ተካሄዶ በነበረው ጦርነት ምክንያት...

በርካታ ሰዎችን እያጠቁ የሚገኙት የሐሩራማ አካባቢ በሽታዎች

ትኩረት የሚሹ የትሮፒካል /ሐሩራማ በሽታዎች በአብዛኛው ተላላፊ ሲሆኑ፣ በዓይን...

ስለአገር ኢኮኖሚ ማሰብ የነበረባቸው ጭንቅላቶች በማያባሩ ግጭቶች ተነጥቀዋል!

አገራችን ኢትዮጵያ ውጪያዊና ውስጣዊ ፈተናዎቿ መብዛት ብዙ ዋጋ እያስከፈላት...