Wednesday, February 28, 2024
- Advertisement -
- Advertisement -
ማኅበራዊሰብዓዊ መብት ኮሚሽን በአስቸኳይ ጊዜ አዋጁ መብቶች እንዳይጣሱ እየሠራሁ ነው አለ

ሰብዓዊ መብት ኮሚሽን በአስቸኳይ ጊዜ አዋጁ መብቶች እንዳይጣሱ እየሠራሁ ነው አለ

ቀን:

የኢትዮጵያ ሰብዓዊ መብት ኮሚሽን በአገሪቱ በታወጀው የአስቸኳይ ጊዜ አዋጅ ምክንያት በዜጎች ሰብዓዊ መብት ላይ ጥሰት እንዳይፈጸም እየተከታተለ እንደሆነ አስታወቀ፡፡

የኢትዮጵያ ሰብዓዊ መብት ኮሚሽነር ዶ/ር አዲሱ ገብረ እግዚአብሔር ይህን ያስታወቁት፣ ሐሙስ ጥቅምት 17 ቀን 2009 ዓ.ም. ከተለያዩ ባለድርሻ አካላት ጋር ስለኮሚሽኑና የእንባ ጠባቂ ተቋም የ2009 በጀት ዓመት የመልካም አስተዳደር ንቅናቄ ዕቅድ ላይ በኢንተርኮንቲኔንታል ሆቴል ለጋዜጠኞች በሰጡት ጋዜጣዊ መግለጫ ወቅት ነው፡፡

ኮሚሽኑ በሰብዓዊ መብቶች አያያዝ ጉዳይ ላይ አተኩሮ እንደሚሠራ ገልጸው፣ ‹‹እርግጥ ነው ኮማንድ ፖስቱ ባለው አደረጃጀትና በቀረፀው የሕግ ማዕቀፍ ውስጥ ይህ እንደሚከበር ግልጽ አድርጓል፡፡ እኛ ደግሞ ይህን የመከታተል ኃላፊነት አለብን፡፡ ተጥሶም ሲገኝ ለሚመለከተው አካል የማቅረብ ግዴታ አለብን፡፡ እርሱን አቀናጅተን ለመሄድ እየሠራን ነው፤›› ሲሉ አስረድተዋል፡፡

- Advertisement -

Video from Enat Bank Youtube Channel.

በተጨማሪም በሕግ ፊት መጠየቅ ያለበቸውም በአግባቡ የመጠየቃቸውን፣ የታሰሩም ካሉ የእነዚህ ዜጎች ሰብዓዊ መብት ተከብሮ በማረሚያ ቤት የሚቆዩበትንና ጉዳያቸው በአግባቡ የሚታይበትን፣ የሰብዓዊ መብት ጥሰት እንዳይኖር መከታተልም የኮሚሽኑ ኃላፊነት እንደሆነ አብራርተዋል፡፡

ተቋሙ በሕገ መንግሥቱ መሠረት መቋቋሙን የገለጹት ኮሚሽነሩ፣ ‹‹በዚህም መሠረት የዜጎች ሰብዓዊ መብቶች መከበራቸውን የመከታተል፣ የመፈተሽና የማጥናት ኃላፊነት አለብን፡፡ ይህንን ሥራችንን አሁንም አጠናክረን እየቀጥልን ነው፤›› በማለት ገልጸዋል፡፡

‹‹ከአስቸኳይ ጊዜ አዋጁ ጋር ተያይዞ በአዋጁ የተቀመጠው እንደተጠበቀ ሆኖ በዋናነት ግን የሰዎች የሰብዓዊ መብት የትም ቦታ መከበር አለበት፤›› በማለትም አክለዋል፡፡

ኮሚሽነሩ ከአዋጁ ጋር በአንድ ላይ ለመጓዝ የሚመጥን ዕቅድ ለመንደፍ ከሕዝብ ተወካዮች ምክር ቤት ጋር ውይይት ማካሄዳቸውንም ጠቁመዋል፡፡ በዚህም መሠረት የኮሚሽኑ መርማሪዎች ይህን ታሳቢ ያደረገ አቅጣጫና ግንዛቤ እንደተሰጣቸው ገልጸዋል፡፡

‹‹የአስቸኳይ ጊዜ አዋጁ ደንብና መመርያን ታሳቢ ባደረገ ሁኔታ ሆኖም ግን ከተቋቋምንበት አዋጅ አንፃር አዋጁን መሠረት ያደረገ ሥራ እንዲሠራ፣ ጥሰትም ሲገኝ ለሚመለከተው አካል ፈጥነን የማቅረብና የመፍታት አካሄድ እንዲኖር እየሠራን እንገኛለን፤›› ብለዋል፡፡

ከአስቸኳይ ጊዜ አዋጁ አፈጻጸም ጋር በተያያዘ ለኮሚሽኑ ከምሥራቅ ሐረርጌና ከመቂ አከባቢ ሁለት ቅሬታዎች መቅረባቸውን የጠቆሙት ኮሚሽነሩ፣ ቅሬታዎቹን ለማጣራት የኮሚሽኑ ባለሙያዎች ወደ ሥፍራዎቹ መላካቸውንም ገልጸዋል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...