Sunday, January 29, 2023
- Advertisement -
- Advertisement -
ዜናፓርላማው የአስቸኳይ ጊዜ አዋጁን በማፅደቅ መርማሪ ቦርድ ሰየመ

ፓርላማው የአስቸኳይ ጊዜ አዋጁን በማፅደቅ መርማሪ ቦርድ ሰየመ

ቀን:

መስከረም 30 ቀን 2009 ዓ.ም. የሥራ ዘመኑን የጀመረው የሕዝብ ተወካዮች ምክር ቤት፣ ከመስከረም 28 ቀን 2009 ዓ.ም. ተግባራዊ የሆነውንና ለሕዝብ መስከረም 29 ቀን 2009 ዓ.ም ይፋ የተደረገውን የሚኒስትሮች ምክር ቤት የአስቸኳይ ጊዜ አዋጅ በሙሉ ድምፅ አፀደቀ፡፡ የአስቸኳይ ጊዜ አፈጻጸም የመርማሪ ቦርድ አባላትም ተሰየሙ፡፡

ፓርላማው አዋጁን ካፀደቀ በኃላ በሕገ መንግሥቱ ድንጋጌ መሠረት የአስቸኳይ አዋጁን አፈጻጸም የሚከታተል የአስቸኳይ ጊዜ አፈጻጸም መርማሪ ቦርድ አባላትን፣ ሐሙስ ጥቅምት 10 ቀን 2009 ዓ.ም. ባደረገው መደበኛ ስብሰባ ሰይሟል፡፡

ምክር ቤቱ በዕለቱ ባደረገው ስብሰባ የአስቸኳይ ጊዜ አዋጁ ከመፅደቁ ቀደም ብሎ  የመንግሥት ረዳት ተጠሪው አቶ አማኑኤል አብረሃ የሰነዱን ማብራርያ በንባብ  አቅርበዋል፡፡ የአስቸኳይ ጊዜ አፈጻጸም መርማሪ ቦርድ በሕገ መንግሥቱ አንቀጽ 93(5) መሠረት በሕዝብ ተወካዮች ምክር ቤት አባላት እንደሚደራጅ ካስረዱ በኋላ፣ የመርማሪ ቦርዱን ተግባርና ኃላፊነት በመዘርዘር አብራርተዋል፡፡

መርማሪ ቦርዱ የአስቸኳይ ጊዜ አዋጁን የሚያስፈጽመው ኮማንድ ፖስት የሚወስዳቸውን ዕርምጃዎች ሕጋዊነት፣ ኢሰብዓዊ መሆንና አለመሆን በመከታተል ለምክር ቤቱ  ሪፖርት እንደሚያደርግ ገልጸዋል፡፡

የምክር ቤቱ አባላት በቀረበላቸው የአስቸኳይ ጊዜ አዋጅ ላይ መጠነኛ ውይይት አድርገዋል፡፡ በአባላቱ ለተነሱ ጥያቄዎች ደግሞ የፌዴራል ዋና ጠቅላይ ዓቃቤ ሕግ አቶ ጌታቸው አምባዬ ማብራሪያዎችን ሰጥተዋል፡፡ የኮማንድ ፖስቱ አወቃቀር በክልልም በተመሳሳይ የሚወርድ መሆኑን፣ የአስፈጻሚ አካላት ከመደበኛ ሥራቸው ጋር እንደሚወጡት አስረድተዋል፡፡ አዋጁ ከፀደቀ በኋላ የፓርላማው አፈ ጉባዔ አቶ አባዱላ ገመዳ መርማሪ ቦርዱን ለመሰየም ያቀረቡትን የውሳኔ ሐሳብ በማንበብ የቦርዱን አባላት ዝርዝር አቅርበዋል፡፡

ፓርላማው በአፈ ጉባዔው የቀረቡለትን አባላት በሙሉ ድምፅ ያፀደቀ ሲሆን፣ ከ38 ዓመታት በላይ በተለያዩ ቦታዎችና የሥራ መስኮች በባለሙያነትና በአመራርነት በመሥራት የዳበረ ልምድ አካብተዋል የተባሉትን፣ በምክር ቤቱ የከፍተኛ ትምህርት ተቋማት ጉዳዮች ቋሚ ኮሚቴ ሰብሳቢ አቶ ታደሰ ሆርዶፋን የመርማሪ ቦርዱ ዋና ሰብሳቢ በማድረግ ሾሟል፡፡ አቶ ታደሰ በሥራ አመራር የመምሪያ ዲግሪ እንዳላቸው ተገልጿል፡፡

እንዲሁም የምክር ቤቱ የበጀትና ፋይናንስ ጉዳዮች ቋሚ ኮሚቴ ሰብሳቢ ወይዘሮ ገነት ታደሰን የቦርዱ ምክትል ሰብሳቢ እንዲሆኑ በዕጩነት ቀርበው ምክር ቤቱ አፅድቋል፡፡ የ47 ዓመቷ ወይዘሮ ገነት ላለፉት 25 ዓመታት በተለያዩ ቦታዎችና የሥራ መስኮች ውጤት ማስመዝገባቸውን አፈ ጉባዔው በውሳኔ ሐሳቡ ያቀረቡ ሲሆን፣ በሕግ የመጀመሪያ ዲግሪና በሥራ አመራር ሁለተኛ ዲግሪ እንዳላቸው ጨምረው ገልጸዋል፡፡

በተጨማሪም በዚሁ ምክር ቤት የሥራና ከተማ ልማት ቋሚ ኮሚቴ ሰብሳቢዋ ወይዘሮ ሙና አህመድና በምክር ቤቱ የአማካሪ ኮሚቴ አባል ወ/ሮ ኑሪያ አብዱራህማን ከምክር ቤቱ የተወከሉ የመርማሪ ቦርዱ አባል በመሆን ተሹመዋል፡፡

ሰባት አባላት ላሉት የመርማሪ ቦርድ በዕጩነት ቀርበው ሹመታቸው የፀደቀላቸው ሦስት ቀሪ አባላት ከፍትሕ አካሉ መወከላቸውን አፈ ጉባዔው ባቀረቡት የውሳኔ ሐሳብ ገልጸዋል፡፡ ከተሿሚዎቹ ውስጥ አቶ ክፍለጺዮን ማሞ የፌዴራል ጠቅላይ ፍርድ ቤት ዳኛና የሕገ መንግሥት አጣሪ ጉባዔ አባል ሲሆኑ፣ አቶ ሀብቴ ፍላቻ የፌዴራል ጠቅላይ ፍርድ ቤት የምክትል ፕሬዚዳንት ጽሕፈት ቤት ኃላፊ፣ እንዲሁም አቶ ሰዒድ ሐሰን የፌዴራል ከፍተኛ ፍርድ ቤት ዳኛ መሆናቸው ተገልጿል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...