Wednesday, December 7, 2022
ሌሎች ዓምዶች
    - Advertisement -
    - Advertisement -
    ማኅበራዊከታጣቂ ሚሊሻዎች ጠብመንጃ በመንጠቅ ለሽብር ተግባር ተሰማርተዋል የተባሉ ግለሰቦች ተከሰሱ

    ከታጣቂ ሚሊሻዎች ጠብመንጃ በመንጠቅ ለሽብር ተግባር ተሰማርተዋል የተባሉ ግለሰቦች ተከሰሱ

    ቀን:

    የፌዴራል ጠቅላይ ዓቃቤ ሕግ በኦሮሚያ ክልል ምዕራብ ሸዋ ዞን ጀልዱ ወረዳ ውስጥ ከታጣቂ ሚሊሻዎች ላይ ክላሽኒኮቭ ጠብመንጃ በመንጠቅ ወደ ጫካ በመግባት፣ በሽብር ተግባር ተሰማርተው ነበር ባላቸው ሰባት ግለሰቦች ላይ ክስ መሠረተ፡፡

    ዓቃቤ ሕግ ጥቅምት 7 ቀን 2009 ዓ.ም. ለፌዴራል ከፍተኛ ፍርድ ቤት ልደታ ምድብ አራተኛ ወንጀል ችሎት ያቀረበው ክስ እንደሚያስረዳው በቅጽል ስሙ አብዲ ጉታ የሚባለው ተስፋዬ ጉታ ኩምሳ፣ ሲሳይ ገበየሁና መገርሳ ዲሮን ጨምሮ ሰባት ተከሳሾች የአካባቢውን ፀጥታ ከሚያስጠብቁ ታጣቂዎች ላይ ክላሽኒኮቭ ጠብመንጃ በመንጠቅ ሁከት ለመፍጠር ሲንቀሳቀሱ በቁጥጥር ሥር ውለዋል፡፡

    ተከሳሾቹ የኦሮሞ ነፃነት ግንባር (ኦነግ) አባል መሆናቸውንና በውጭ አገር ከሚገኙ የኦነግ ከፍተኛ አመራሮች ጋር ግንኙነት እንዳላቸው ክሱ ይገልጻል፡፡

    የአገሪቱን ሕገ መንግሥታዊ ሥርዓት፣ ፖለቲካዊ፣ ኢኮኖሚያዊና ማኅበራዊ ተቋማትን ለማፈራረስ የኦነግን ተልዕኮ በመቀበል በተለይ በምዕራብ ሸዋ ዞን በተለያዩ ወረዳዎች አባላትን በመመልመልና ወታደራዊ ሥልጠና በመስጠት ሲያደራጁ እንደነበር የዓቃቤ ሕግ ክስ ያስረዳል፡፡

    ተስፋዬ የተባለው ተከሳሽ ከኦነግ ከፍተኛ አመራሮች ጋር በኢሜይል በመገናኘት፣ ወጣቶችን ለሁከትና ብጥብጥ ለማደራጀት የአካባቢው ባለሀብቶች ድጋፍ ለማድረግ እንዲስማሙ ሲነጋገር እንደነበር ዓቃቤ ሕግ ጠቅሶ፣ ተከሳሹም ወጣቶቹን በማሰባሰብ የዘመናዊ መሣሪያ አጠቃቀም ሥልጠና መስጠቱንና የወታደራዊ ትጥቅ ድጋፍ እንዲደረግለት መጠየቁን አክሏል፡፡

    ተከሳሾቹ ሐሰተኛ የፌስቡክ አድራሻ በመክፈትና የኦነግን ዓላማ እንዴት ማሳካት እንዳለባቸው ከአመራሮቹ ጋር በመመካከር፣ በምዕራብ ሸዋ ጀልዱ ወረዳ ብጥብጥና ሁከት እንዴት እንደሚያስነሱና ብጥብጥና ሁከቱን እንዴት መምራት እንዳለባቸው መረጃ ሲለዋወጡ እንደነበር ዓቃቤ ሕግ በክሱ ገልጿል፡፡

    በምዕራብ ሸዋ አፋና ጮቢ በተባለ አካባቢ ከታጣቂ ሚሊሻ የፀጥታ ኃይል ክላሽኒኮቭ ጠብመንጃ ከነጥይቱ ነጥቀው ጫካ መግባታቸውን፣ መንግሥትን ከሥልጣን ለማውረድ እየተደረገ ያለውን እንቅስቃሴ ለኦነግ አመራሮች መረጃ ሲያቀብሉ እንደነበር ዓቃቤ ሕግ በክሱ አስረድቷል፡፡

    ተከሳሾቹ የፀረ ሽብርተኝነት አዋጅ ቁር 652/2001 አንቀጽ 4 ማለትም የሽብር ድርጊት ለመፈጸም ማቀድ፣ መዘጋጀት፣ ማሴርና ማነሳሳት ተግባር ላይ ተሰማርተው መገኘታቸውን በመግለጽ ክስ መሥርቶባቸዋል፡፡ ተከሳሾች ክሱ ተሰጥቷቸው መቃወሚያ ካላቸው ለመጠባበቅ ለጥቅምት 22 ቀን 2009 ዓ.ም. ተቀጥረዋል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    ሒጂራ ባንክ የ143 ሚሊዮን ብር ኪሳራ አስመዘገበ

    በኢትዮጵያ ሙሉ ለሙሉ ከወለድ ነፃ ባንክ አገልግሎት ለመስጠት ወደ...

    የተቋማት ኃላፊዎች የፓርላማው ቋሚ ኮሚቴ በሚያደርጋቸው ስብሰባዎች ላይ እንዲገኙ ማሳሰቢያ ተሰጠ

    የሕዝብ ተወካዮች ምክር ቤት የመንግሥት ወጪ አስተዳድርና ቁጥጥር ጉዳዮች...

    ኢዜማ በምሥራቅ ወለጋ ዞን የንፁኃን ጭፍጨፋ አሳስቦኛል አለ

    በግጭት ቀጣና ውስጥ ያሉ ዜጎች ራሳቸውን ከጥቃት ለመጠበቅ መታጠቅ...

    ኦሲፒ አፍሪካ ጨዋማ መሬት ለማከም የሚረዳ ምርምር ይፋ አደረገ

    በተለያዩ የአገሪቱ አካባቢዎች ለአርሶ አደሩ የሚሠራጨውን የአፈር ማዳበሪያ በማቅረብ...