Tuesday, November 29, 2022
ሌሎች ዓምዶች
    - Advertisement -
    - Advertisement -
    ዜናበባህር ዳር የአስቸኳይ ጊዜ አዋጁን የተላለፉ የንግድ ቤቶች በሕግ ተጠያቂ እንደሚደረጉ ተገለጸ

    በባህር ዳር የአስቸኳይ ጊዜ አዋጁን የተላለፉ የንግድ ቤቶች በሕግ ተጠያቂ እንደሚደረጉ ተገለጸ

    ቀን:

    – የሚኒስትሮች ምክር ቤት ዝርዝር ደንብ አውጥቷል

    በባህር ዳር ከተማ የአስቸኳይ ጊዜ አዋጁን የተላለፉ የንግድ ቤቶች በሕግ ተጠያቂ እንደሚደረጉ መንግሥት አስታወቀ፡፡

    የፌዴራል ዋና ዓቃቤ ሕግ አቶ ጌታቸው አምባዬ ዓርብ ጥቅምት 4 ቀን 2009 ዓ.ም. በሰጡት መግለጫ፣ የአስቸኳይ ጊዜ አዋጁ ከታወጀበት መስከረም 28 ቀን 2009 ዓ.ም. በኋላ አዋጁን በተላለፉት ላይ ዕርምጃ እንደሚወሰድ ገልጸዋል፡፡

    ዋና ዓቃቤ ሕጉ መግለጫውን የጠሩት የሚኒስትሮች ምክር ቤት አዋጁን ለማስፈጸም ጥቅምት 4 ቀን 2009 ዓ.ም. ደንብ ማውጣቱን ለመግለጽ ነው፡፡

    ደንብና መመርያ ባይወጣም በአዋጁ ላይ የተከለከሉ ተግባራትን ሲፈጽሙ በነበሩ ላይ ዕርምጃ ይወሰዳል ብለዋል፡፡ የአስቸኳይ ጊዜ አዋጁ ተግባራዊ መደረግ ከተጀመረ በኋላ በባህር ዳር የንግድ ቤቶችን የዘጉ በሕግ እንደሚጠየቁ አቶ ጌታቸው ገልጸዋል፡፡ እነዚህ የንግድ ቤቶች አዋጁ ከወጣ በኋላ ለሁለት ቀናት ንግድ ቤቶችን ዘግተው መቆየታቸውን አስረድተዋል፡፡

    ዋና አንቀሳቃሽ በመሆን ንግድ ቤቶችን የዘጉ በፍርድ ቤት በሕግ እንደሚጠየቁ፣ በፍርኃትና በሥጋት የንግድ ቤቶቻቸውን የዘጉ እየተለዩ ሥልጠና እንደሚሰጣቸው ገልጸዋል፡፡ ደንብ ስላልወጣ በአዋጁ ላይጠየቁ አይችሉም ማለት እንዳልሆነም አክለዋል፡፡

    የሚኒስትሮች ምክር ቤት ዓርብ ጥቅምት 4 ቀን 2009 ዓ.ም. ባካሄደው ስብሰባ የአስቸኳይ ጊዜ አዋጁን በዝርዝር የሚያብራራ ደንብ ማውጣቱንም ተናግረዋል፡፡ ደንቡ የወጣው የአስቸኳይ ጊዜ አዋጁን ለማስፈጸም የተቋቋመው ኮማንድ ፖስት በምን የሕግ ማዕቀፍ መንቀሳቀስ እንዳለበት ለመመለስ መሆኑን ዋና ዓቃቤ ሕጉ ተናግረዋል፡፡

    በዚህም መሠረት ኮማንድ ፖስቱ በአገሪቱ ከጫፍ እስከ ጫፍ ያለ ቦታ ልዩነት ተግባራዊ የሚደረጉ ግዴታዎችን በዝርዝር እንዲያወጣና ቦታዎቹን እንዲለይ፣ በተጨማሪም ልዩ ገደቦቹ ምን እንደሆኑ እንደሚዘረዝር አስታውቀዋል፡፡ የተከለከሉ ተግባራት በመፈጸማቸው የሚወሰዱ ዕርምጃዎች ምን እንደሚሆኑ ደንቡ እንደሚዘረዝርም አስረድተዋል፡፡

    ማንኛውም የኅብረተሰብ ክፍል መረጃ የመስጠት ግዴታ እንዳለበት፣ በሌላ በኩል ደግሞ መረጃውን ለማን? እንዴት? መቼ ይሰጣል? የሚለውም በወጣው ደንብ መዘርዝሩን ገልጸዋል፡፡ መረጃ የሚሰጡ የኅብረተሰብ ክፍሎች ከለላ እንደሚደረግላቸው በደንቡ መቀመጡን አብራርተዋል፡፡

    ኮማንድ ፖስቱ የእያንዳንዱን አካባቢ ሁኔታ እያጠና እንደተጨባጭ ሁኔታዎች የጥንቃቄ ምላሽ እንዲሰጥ፣ በተከለሉ ቦታዎች ያሉ ነዋሪዎችን ወደ ሌላ ቦታ ማዘዋወር ወይም ከአካባቢው እንዳይወጡ ማድረግ እንደሚቻል በደንቡ የተቀመጠ ሲሆን፣ ዝርዝሩን ኮማንድ ፖስቱ በሚያወጣው መመርያ እንደሚመለስ አስረድተዋል፡፡

    ሕገ መንግሥታዊ መብቶች የተገደቡት በመደበኛው የሕግ አስከባሪ ኃይል በሕገ መንግሥት ላይ የተጋረጠውን አደጋ ማስወገድ ባለመቻሉ እንደሆነ፣ የዜጎችን ደኅንነትና ሁኔታዎችን ቀድሞ ወደነበሩበት ለመመለስ መሆኑን አቶ ጌታቸው ገልጸዋል፡፡

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...