Tuesday, November 29, 2022
ሌሎች ዓምዶች
    - Advertisement -
    - Advertisement -
    ማኅበራዊየአገር ሽማግሌዎች ኅብረት ለተፈጠረው የሰላም መደፍረስ መንግሥት አስቸኳይ እልባት እንዲሰጥ ጠየቀ

    የአገር ሽማግሌዎች ኅብረት ለተፈጠረው የሰላም መደፍረስ መንግሥት አስቸኳይ እልባት እንዲሰጥ ጠየቀ

    ቀን:

    የኢትዮጵያ የአገር ሽማግሌዎች ኅብረት ለተፈጠረው የሰላም መደፍረስ መንግሥት አስቸኳይ እልባት ሊሰጠው እንደሚገባ ጥያቄ አቀረበ፡፡

    የአገር ሽማግሌዎች ኅብረት እሑድ መስከረም 29 ቀን 2009 ዓ.ም. ባወጣው መግለጫ፣ ከሁሉም በፊት ጉዳዩ በቀጥታ የሚመለከታቸው የአካባቢ አገር ሽማግሌዎች፣ የሃይማኖት አባቶች፣ ምሁራን፣ የወጣቶችና የሴቶች ተወካዮች፣ የሕግ የፀጥታና የሰላም አስከባሪዎች፣ በየደረጃው የሚገኙ የመንግሥት ተወካዮች፣ እንዲሁም የፖለቲካ ፓርቲዎችና በአጠቃላይ ባለድርሻ አካላት የሚሳተፉበት የጋራ መድረክ በአስቸኳይ እንዲፈጠር ጠይቋል፡፡

    ‹‹የአገራችን ችግር የሚፈታው በራሷ ልጆች መሆኑን የአገር ሽማግሌዎች ማኅበር በተግባር የያዝነውና በፅኑ የምናምንበት ጉዳይ ነው፤›› በማለት ባለአራት ነጥብ መግለጫም አውጥቷል፡፡ በዚህም መሠረት አንደኛ መንግሥት ባለበት ከፍተኛ ኃላፊነት ለሕዝብ ንብረት ከሁሉም በላይ ክቡር ለሆነው የዜጎች ሕይወት ጥበቃ እንዲያደርግ አበክሮ ጠይቋል፡፡ ሁለተኛ መንግሥት ለቀረቡት የሕዝብ ጥያቄዎች ከፍተኛ ትኩረት በመስጠት ቁልፍ የሆነውን የመልካም አስተዳደር ለውጥ ሳይውል ሳያድር መፍትሔ እንዲሰጥ ኅብረቱ ጠይቋል፡፡

    ሦስተኛ መንግሥት በ2009 ዓ.ም. አዲስ ዓመት መባቻ በፀረ ሽብር አዋጅ ተብለው በማረሚያ ቤት የሚገኙ ሰዎችን ይቅርታ ማድረጉን ኅብረቱ አመስግኖ፣ የተቀሩትንም በማረሚያ ቤት የሚገኙ ወገኖች ተመሳሳይ ዕድል እንዲያገኙና ለአገር ሰላም የበኩላቸውን አስተዋጽኦ እንዲያበረክቱ ጥያቄ አቅርቧል፡፡ አራተኛ ለዘለቄታው የአገሪቱን ሕዝብ አንድ ከማድረግ ይልቅ የሚለያዩ ለጊዜያዊ ፍጆታ የሚውሉ አደገኛ አመለካከቶች እንዲወገዱ፣ ያለፈውን ጎጂ ድርጊት ወደኋላ በመተው ለአንድ ጠንካራና ከድህነት የተላቀቀች ሁሉንም በእኩልነት፣ በመተማመንና በመከባበር የምታሳትፍ ፌዴራዊ አገር እንድትሆን ሁኔታዎች እንዲመቻቹ ኅብረቱ ጠይቋል፡፡

    ‹‹የአገራችን ውስጣዊ ችግር የሚፈታው ልማታችንንና አንድነትን በማይሹ የውጭ ኃይሎች ሳይሆን፣ በአገሪቱ ዜጎች ሰላማዊ ድርድር መሆኑን በማመን የሕዝቦች መቀራረብ እንዲፈጠር ብሔራዊ የመግባቢያ መድረክ በማዘጋጀት ወደ ብሔራዊ መግባባት የሚወስደውን ሰላማዊ ሒደት መንግሥት እንዲያመቻች፣ የአገር ሽማግሌዎች ኅብረት ይጠይቃል፤›› ሲል ኅብረቱ በመግለጫው አስታውቋል፡፡  

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...